Toango 33
33
Yakoba akumana la Esau
1Ko Yakoba aosangya baisoʼakande, aolenda, ko bala Esau aoya, ende lʼaende benkama benei. Ko Yakoba aokafola bana ele Lea la Laele la basali bʼamato bafe. 2Aolila basali bʼamato, lʼanaʼakiyo nda joso, nkako Lea lʼanaʼakande, ko Laele la Yosefa ndʼafeka mongo. 3Ende mongo aoleka nda joso likiyo, ko aokusama ndʼamoci bekusama nsambo, elaka nko aotutama lʼotomolo okande.
4Esau aolikumwa wae akumane lʼende, aololinga ekofi, ko aokwela nkingo ekande, ko aolosambela la baiser, ko iyʼakʼafe baolela lilelo. 5Aki Esau osangyakʼaiso, ko aolena bamato la bana aokela, “Bane bale la we bale ba na?” Aolamba, “Bale bana baki Nzakomba okaaka bosali oke ndʼoya bokande.” 6Nkako basali bʼamato baotutama lʼanaʼakiyo, ko baokusamelʼende. 7Lea ngoko aotutama lʼana bakande, ko iyo baolokusamela: ko ndʼafeka bakiyo Yosefa la Laele baotutama, ko iyo baolokusamela. 8Ko Esau aokela, “Betonga bene beuma bekumanaki lʼemi bele la ncina na?” Ko aolamba, “La ncina wae bosali oke atane boya nda joso ja nkolo ekami.” 9Lolo Esau aokela, “Bokune okami, liaci likami jokoka; kela liaci like licikale ele we mongo.” 10Lolo Yakoba aokela, “Afa ngoko. Nkoonda, nga njotana boya nda joso like, ambaka nganji ene limʼakatʼakami, ele nsosolo, njolena elongi eke ngʼontʼondena elongi ea Nzakomba, ko wʼonjambaka lʼoya. 11Nkoonda, ambaka nganji ekiʼmʼokoyelaka oyei! eki Nzakomba onjaaka boya, ko liaci liatʼemi jokoka.” Ko aolokamamaza, nkako aolambʼeko.
12Ko Esau aokela, “Temale, tokende lokendo lokiso, ko emi njifoleka nda joso like.” 13Lolo Yakoba aokela, “Nkolo ekami, wea wae bana bale la tongoi, ko mpate la ngombo ikami imo ilomya bana baele. Nga tolekola okenza iko la bolo o la mbile emoko, ikʼiuma ifowa. 14Nkoonda, kela nkolo ekami akende nda joso jʼosali okande, ko emi njifokiela ikokʼikoke la lokendo londeji la nyama ile nda joso likami, ko lʼelengʼele lokendo ja bana, elaka nko njokita eka nkolo ekami nda Seila.”
15Ko Esau aokela, “Kela nkocikele bantʼamo bale lʼemi.” Yakoba aolamba, “Wʼacike lae? Joi jokoka wae njotanʼoya nda joso ja nkolo ekami.” 16Ko Esau aoluta mbilʼeko nda lokendo lokae nda Seila. 17Lolo Yakoba aokenda nda Sukota. Eko aotongʼilombe ndʼeloko ekande, ko aotongela nyama ikae tolombe ta botanywa. La ncinʼeko wijʼoko botangema Sukota.
18Ko nda lokendo lokae lima Padanalama Yakoba aokita nda Sekeme, bonanga bole ndʼokili wa Kanana, ko aoyalʼeko nda joso jʼonangʼoko. 19Ko aosomba limʼele bana ba Amola, ise ea Sekeme, ete i ea bokili bokiʼndʼemyaka ilombe ikae ya bito. Aosomba la bitei bia argent bonkama. 20Ko aotongʼeko nkinda ea mbeka, ko aotangʼeko Eleloe-Yisalaele.
Currently Selected:
Toango 33: LOL87
Highlight
Copy
Compare
Share
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
