Olelo 9
9
Elo ea bitano – nkangi ea nyama
1Limʼako Yawe akela Mose, “Otswa ele Falo, wʼosangele, Yawe Nzakomba ea Ba-Ebele, akela ngone, ‘Kela bantoʼakami bakende wae bansaele. 2Ko nkina ofimeza wae bakende, ko wʼakatemela, 3bala likata ja Yawe lile nda nyama ike ya mbongola ile nda lisala, la nda chevaux, la nda mpunda, la nda ngamela, la ndʼetonga bia ngombo, la ndʼetonga bia mpate; iko ifokona nkangi eʼobe mongo. 4Ko Yawe ifotena bolelo ndatsa nyama ya Ba-Yisalaele la nyama ya Ba-Ejipeto; ko nko nyama emoko ea nyama ya Ba-Yisalaele ewa nye.’ ” 5Ko Yawe aocikʼelaka ea jefa loswele, akela, “Njifokela lobi joi liko, ndʼese ene.” 6Ko nda mbile ea lobi, Yawe akelaki joi liko, nyama ea Ba-Ejipeto iuma iwaki; lolonde nko nyama ea Ba-Yisalaele emoko ewaki nye. 7Ko Falo aotoma ekima wae engele, ko, bala, nko nyama emoko ea Ba-Yisalaele ewaki. Ko botema wa Falo bocilingana, ko ntimeza wete bantʼako bakende.
Elo ea botoa – baina elʼanto la nyama
8Yawe akela Mose la Alona, “Lokola betoko bia tsa lima tooto ndʼakata bakinyo, kela Mose use beko nda loola nda joso ja Falo. 9Ko beko bifoyalema wucu ndʼese ea Ejipeto euma, ko bifoatelʼanto la nyama nkangi ea baina ndʼese ea Ejipeto euma.” 10Koko baokola betoko lima tooto, ko baolemala nda joso ja Falo; ko Mose aolusa beko ndʼaliko nda loola, ko beokela baina elʼanto la nyama. 11Ko nkanga yʼakunda ntabemaleya nda joso ja Mose ndʼewela ea baina: ele nkanga yʼakunda la Ba-Ejipeto bauma baokona baina bako. 12Koko Yawe aocilinganya botema wa Falo, ko ende ntokozakʼiyo, ngoki Yawe osangelaka Mose.
13Koko Yawe aokela Mose, “Betswa la nkesa mongo ko emala nda joso ja Falo, wʼokele, Yawe, Nzakomba ea Ba-Ebele, akela ngone, ‘Kelʼanto bakami bakende wae bansaele. 14Elʼemi ntomʼele we aeyoko nsisoza ikami iuma, ele we lʼele basaliʼake, ko lʼele bantoʼakawe; wae wea nkʼosongi lʼemi ndʼokili bouma. 15Nga njosembola likata likami, ko njokokunda we lʼantoʼakawe lʼiwa, siki olimana bokili; 16lolonde o nsosolo mongo nkemyaki we njeemya, ndʼewelʼene, wete nkeneya mpamba ekami, la ndʼewela wae lina likami likume ndʼokili bouma. 17La, oyalekoza we mongo ele bantoʼakami, ko ofimeza wae bakende o lʼaeyoko nde? 18Bala lobi, nda jefa line, njweya mbula ea mboko eʼobe mongo ngʼetafojwa ndʼEjipeto limʼiango o lʼaeyoko. 19Ndʼewelʼeko toma banto wae batakanya nyama la toma touma toata we nda fole; ele mbula ea mboko ifojwela wengiʼonto la nyama batanema ndʼasala ko la baciki ndanza, ko bako bifowa.’ ” 20Basali ba Falo baangaki joi ja Yawe baolotsa basali la nyama ikiyo nda tolombe; 21ko iyo batakanelaki joi ja Yawe baocika basali la nyama ikiyo nda fole.
Elo ea nsambo – mbula ea mboko
22Koko Yawe aokela Mose, “Sembola likata like nda loola, wete mbula ea mboko ejwe ndʼese ea Ejipeto euma, elʼanto la nyama, la nda njunda yʼasala ndʼese ea Ejipeto euma.” 23Ko Mose aosembola bonkando bokande nda loola; ko Yawe aotoma bakungola la mboko, ko tsa toyete ta ndʼokili; Yawe ajweyaki mboko ndʼese ea Ejipeto. 24Mbula ea mboko eojwa, ko la tsa tosangana la mboko, bobe mongo, limʼiango ya ese ea Ejipeto nko mbula ekosongi lʼeko. 25Mboko iko iomaki banto la nyama iki nda fole ndʼese ea Ejipeto euma; ko ifumbolaki njunda iuma, ko iunaki betamba beki ndʼasala beuma. 26Lofonde mboko iko ntikweki ndʼese ea Ngosena eki bana ba Yisalaele oyalaka.
27Ko Falo atomaki ekima wete ete Mose la Alona, aolakela, “Njokelʼobe aeyoko; Yawe aie liongi: ko emi la bantoʼakami tole bantʼobe. 28Loonda Yawe; ele bakungola bane bʼanene la mboko ine baokoka; ko njifokayʼinyo elekelo wae lokende, lofaoyala lenkinʼendo.” 29Mose aolokela, “Andolʼemi limʼonangʼone njifotandʼakataʼakami ele Yawe; ko bakungola bifambya ko mboko ifaokwa lenkina; wae wea bokili bole wa Yawe. 30Lolonde ndea wae we lʼasaliʼake lotafoanga Yawe.” 31Ko lin la orge baofumbolama, orge eyenyʼengenge ko lin eki la ndobya. 32Lolo blé la épautre batafumbolama ele bako batateelaki. 33Ko Mose aolola limʼonanga ko aotandʼakataʼakae ele Yawe, ko bakungola la mboko baolambya, ko mbula ntejwa lenkina ndʼokili. 34Aki Falo ene wae mbula la mboko lʼakungola osile, aofuzʼobe mpafuza, ko aocilmganya botemaʼokande ende lʼasaliʼakande. 35Ko botema wa Falo bocilingana, ntimeza wae bana ba Yisalaele bakende ngoki Yawe otefelaka la Mose.
Currently Selected:
Olelo 9: LOL87
Highlight
Copy
Compare
Share
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
