Olelo 39
39
Esambelo ea benkoto
(Ol 28.1-43)
1Koko baokela benkoto bia nsasamba eʼolotsi bia nkakamba ea bolemo ndʼitenela y a boeko, la bléu, la pourpre, la écarlate, ko la benkoto bia Alona biʼoeko; ngoki Yawe osisaka Mose.
2Koko aotonga efodo la wolo, la bléu, la pourpre, la écarlate, la lin eʼolotsi. 3Ko baotutumya wolo bocwa lejileji nga nkasa, ko baolata tosisi nga losibo, wae basambe boko nda bléu, la pourpre, la écarlate, la nda lin eʼolotsi, bosala wa bosali owa losifya. 4Baotonga eko la bitei biʼasoko, o ntongana, eko eotongana nda nsuko ikʼife. 5Ko la ilemba ya mpafoma ea losifya iki ndʼeko, wae elembame bombembe, iki ya ete i eʼeto nkʼeko ko isambema nkʼelengʼemoko lʼefodo; ya wolo, la bléu, la pourpre, la écarlate, la lin eʼolotsi; ngoki Yawe osisaka Mose.
6Ko baosenga bikenje bife bia onyx, ko baoaka biko nda biakelo bia wolo, bikenje bilco bicimama lʼakota elengʼelʼekotelo ea esike, elengʼele baina ba bana ba Yisalaele. 7Ko aolila biko nda bitei biʼasoko bia efodo, wete biyaleme bikenje bia jofwa ja bana ba Yisalaele; ngoki Yawe osisaka Mose.
8Koko aokela ekukelo ea ntolo, bosala wa bosali owa losifya, ngole bosala wa efodo; ea wolo, lʼea bléu, la pourpre, la écarlate, la lin eʼolotsi. 9Eko eki wae bekala bekʼenei fio, jeza limoko; baokelʼekukelo ea ntolo mumbʼife: botale wʼeko lintango jʼesai limoko, ko bonene wʼeko lintango jʼesai limoko, o mumbʼife. 10Ko baoaka ndʼeko belongo bia bikenje benei: bolongo wa joso, sardoine la topaze, la escarboucle. 11Ko bolongo wʼefe, emeraude, la saphir, la diamant. 12Ko bolongo wʼesato, opale, la agate, la amethyste. 13Ko bolongo wʼenei, chrysolithe, la onyx, la jaspe: biko bioakema nda biakelo bia wolo nda mbaaka ekiyo. 14Ko bikenje biko biki elengʼele baina ba bana ba Yisalaele, jom lʼafe, elengʼele bainaʼakiyo; ngole ecimelo eʼakota ba esike, wengi ekenje elengʼele lina ja eko, ndʼewela ea baoci jom lʼafe. 15Ko baokela benyolo bia wolo wa soto bia biambi bisingama ngʼekulu ndʼekukelo ea ntolo. 16Ko baotula biakelo bia wolo bife, ko la bakoko ba wolo bafe; ko baolila bakoko bakʼafe nda nsuko yʼekukelo ea ntolo ikʼife. 17Ko baolila benyolo bia wolo bia biambi bisingama ndʼakoko bakʼafe nda nsuko ya ekukelo ea ntolo ife. 18Ko baolila nsonge imʼife ya benyolo bia biambi bisingama nda biakelo biko bife, ko baolila biko nda bitei biʼasoko bia efodo nda joso. 19Ko baotula bakoko ba wolo bafe, ko baolilʼako nda nsuko ya ekukelo ea ntolo ife, ndʼompempe wʼeko, bolongi la efodo ndʼetei. 20Ko baotula bakoko ba wolo bafe, ko baolilʼako nda bitei biʼasoko bia efodo biko bife ndʼase, nda joso, tute la etonganelo ndʼaliko ba ilemba ya efodo ya mpafoma ea losifya. 21Ko baoanda ekukelo ea ntolo lʼakoko bʼeko nda bakoko ba efodo lʼilemba ya bléu, wete eyale ndʼaliko ba ilemba ya efodo ya mpafoma ea losifya, ko ekukelo ea ntolo efotuntgwa lima efodo; ngoki Yawe osisaka Mose.
22Koko aotonga bonkoto wa efodo la mpafoma, bokʼouma wa bléu; 23ko aokela lilusu jʼonkoto ndʼetei, ngole lilusu ja bonkoto, ko lʼomumo nda lilusu kio samanyu, nyango bofokanjwa. 24Ko baolila ndʼomumo wʼonkoto ndʼase grenades ya bléu, la pourpre, la écarlate la lin eʼolotsi. 25Ko baotula tongangonga ta wolo wa soto, ko baolila ngonga ndatsa grenades nda bomumo wʼonkoto kio samanyu, ndatsa grenades; 26ingangonga la grenade, ingangonga la grenade, ndʼomumo wʼonkoto kio samanyu, ndʼewela ea ekambelo eʼolemo; ngoki Yawe osisaka Mose.
27Koko baotonga benkoto bia lin eʼolotsi ea bosala ndʼewela ea Alona ko lʼea banaʼakae bʼaende, 28ko la likuka ja nkanga ja lin eʼolotsi, ko la bakuka bʼolotsi ba lin eʼolotsi, ko la benkoto bia nkolo bia lin eʼolotsi, 29ko la ilemba ya lin eʼolotsi, la bléu, la pourpre, la écarlate, bosala wa bosambi owa bifoya; ngoki Yawe osisaka Mose.
30Koko baotula etanda ea wolo wa soto ea likuka ja roi jʼoeko, ko baokota ndʼeko ekotelo, ngʼecimelo ea lotaza ja esike, BOEKO ELE YAWE. 31Ko baolemba ndʼeko ilemba ya bléu, wae eko eakeme nda likuka ja nkanga ndʼaliko; ngoki Yawe osisaka Mose.
Bosala bosila
(Ol 35.10-19)
32Elengʼeko bosala wa tabernacle ea ilombe ya bito yʼetakano bouma bosila: ko bana ba Yisalaele baokela baoyiʼauma ngoki Yawe osisaka Mose, baokela ngoko 33Koko baoyela tabernacle ele Mose, Ilombe ya bito, ko la belemo biʼeko beuma, la nkofo, la babaya, labelenga, la bakonji, la bisumyelo biʼeko; 34ko la ekukelo ea bikoto bia mpate yʼaende bilinzama nda boko wa ngola, ko lʼekukelo ea bikoto bia baenge, ko lʼeto ea bolelo; 35sanduku ea elembelo eʼokolo, ko lʼelenga biʼeko, ko la mbata eʼisei; 36la mesa, ko la bijwa biʼeko, ko la mampa yʼoeko; 37la ilelo eʼitswa ea wolo wa soto, ko la totswa tʼeko, totswa totandema lʼetandelo loswele, ko lʼelemo biʼeko beuma, ko lʼauta ba itswa; 38ko la nkinda ea mbeka ea wolo, ko lʼauta ba loiso, ko la baimi ba mpimbo ba ntatumba, ko lʼeto ea lokombo ea wiso wa ilombe ya bito; 39ko la nkinda ea mbeka ea kongo la inyongela ya kongo yʼeko, la belenga biʼeko, ko la belemo biʼeko beuma, ko la saani lʼemaelo ea eko; 40ko la bito bia nkombela bia lokombo ja loanza, la bakonji ba loko, la bisumyelo biʼako, lʼeto ea lokombo ea wiso wa lokombo ja loanza, ko lʼekulu, la mpiko ya loko, ko la bifeko biuma bia ekambelo eʼolemo wa tabernacle, ndʼewela ea ilombe ya bito yʼetakano; 41ko la benkoto bia nsasamba eʼolotsi bia ekambelo eʼolemo ndʼitenela ya boeko, ko lʼenkoto biʼoeko bia Alona nkanga, ko lʼenkoto bia bana bakae bʼaende, wae bakambe bolemo wa nkanga. 42Bana ba Yisalaele bakelaki bosala boko bouma nkʼelengʼeki Yawe osisaka Mose. 43Koko Mose aolengela bosala boko bouma, ko bala, baosiza lokela boko; ngoki Yawe osisaka, iyo baokela ngoko: ko Mose aolasakela bokako wa swa.
Currently Selected:
Olelo 39: LOL87
Highlight
Copy
Compare
Share
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
