Olelo 36
36
Etongelo ea tabernacle
(Ol 26.1-37)
1Koko Besalele la Oliaba basalaki, iyo la wengiʼonto oie la botema wa wanya, oki Yawe otsweyaka wanya la jekela wae ea losala bosala bouma wʼekambelo eʼolemo ea ntena eʼoeko, elengʼele baoyiʼauma baki Yawe osisaka.
2Koko Mose aoleta Besalele la Oliaba, la wengiʼonto oki la botema wa wanya, oki Yawe otsweyaka wanya ndʼotema, wete wengiʼonto olokozaki ndʼotema wae aye ndʼosalaʼoko okela boko: 3ko iyo baolamba limʼele Mose nganji eko euma, eki bana ba Yisalaele oyelaka ea bosala wʼekambelo ea ntena ea boeko, wae bakele boko. Ko bakongoyela nganji ya ndalanga elʼende cu nkesa. 4Ko banto ba wanya bauma, basalaki bosala bouma wa ntena ea boeko, baoya wengiʼonto lima bosalaʼokae bokiʼndʼosalaka; 5ko baotefela la Mose, bakela, “Nganji iyelʼanto ya ekambelo eʼosala boki Yawe osisaka wae tokele, iokoka, ko iolekolʼouke.” 6Ko Mose aosisʼosise, ko baolongoza joi liko ndʼetakanelo euma, akela, “Nkʼonto, la jende lʼomoto, okamba lenkina bomʼolemo wa nganji ea ntena eʼoeko.” Elengʼeko banto baosukama, ntabayela lenkina nganji. 7Eki belemo bekiʼyʼoyelaka bekokaki la bosala bouma bosalʼiyo, ko beolekola.
8Ko wengiʼonto oki la botema wa wanya elʼiyʼasalakʼosala, aotonga tabernacle la bito bia nkombela jom; bia lin eʼolotsi, la bléu, la pourpre, la écarlate, aosamba biko la bifoya bia bakeluba bosala wa bosambi owa wanya. 9Botale wa wengi eto wete coudées ntuku ife la mwambi, ko bonene wa wengi eto wae coudées inei: bito biko biuma biyale jeza limoko.
10Ko aotoganya bito bitano etonganelo emoko, ko la bimo bitano aotonganya biko etonganelo emoko. 11Ko aokela balembe ba bléu ndʼompempe wʼeto emoko limʼomumo ndʼetonganelo; elengʼeko aokela bako ndʼompempe wʼeto ele nda nsuko ndʼetonganelo enkina. 12Aokela balembe ntuku itano ndʼeto emoko, ko aokela balembe ntuku itano ndʼompempe wʼeto eki ndʼetonganelo enkina: balembe bako baolongana o ci 13ko aotula nkofo ya wolo ntuku itano, ko aotonganya bito biko bife la nkofo iko: elengʼeko tabernacle eoyalema emoko.
14Ko aokela bito bia nkunza ya nta bia ekukelo ndʼaliko ba tabernacle: aokela bito biko jom lʼemoko. 15Botale wa wengi eto wete coudées ntuku isato, ko bonene wa wengi eto wae coudées inei: bito biko jom lʼemoko o jeza limoko. 16Ko aotonganya bito bitano etonganelo emoko, ko la bito botoa etonganelo emoko. 17Ko aolila balembe ntukʼitano ndʼompempe wʼeto eki nda nsuko ea etonganelo, ko aolila balembe ntukʼitano ndʼompempe wʼeto eki nda nsuko ea etonganelo enkina. 18Ko aotula nkofo ya kongo ntukʼitano wae atonganya ekukelo, wete eyale emoko. 19Ko aokela ekukaelo emo ea bikoto bia mpate yʼaende bilinzama la boko wa ngola, ko lʼekukelo enkina ea bikoto bia baenge ndʼaliko.
20Koko aosenga babaya ba njemala ba tabernacle ba botamba wa acacia. 21Botale wa wengi libaya wete coudées jom, ko bonene wa wengi libaya wae coudée emoko lʼete i. 22Wengi libaya liki la tenons ife o mbamana: akelaki ngoko la babaya ba tabernacle euma. 23Aosenga babaya ba tabernacle ntukʼife ba wiji wa sud; 24ko aotula bisumyelo bia argent ntukʼinei ndʼase ba babaya bako ntukʼife: bisumyelo bife ndʼase ba libaya limoko bia tenons ikʼife. 25Ko nda bompanje bomo wa tabernacle wete wiji wa nord, aosenga babaya ntukʼife, 26ko la bisumyelo biʼako bia argent ntukʼinei; bisumyelo bife ndʼase ba libaya limoko, la bisumyelo bife ndʼase ba libaya limo. 27Ko aosenga babaya botoa ba elongi ea tabernacle endelela ouest. 28Ko aosenga babaya bafe bʼakono ba tabernacle ndʼelongi eʼafeka. 29Bako bayale bafe mbamana limʼase ko batongana ndʼaliko la likoko limoko: akela ngoko la bakʼafe ndʼakono bakʼafe. 30Baki babaya mwambi, la bisumyelo biʼako bia argent jom lʼotoa, bisumyelo bife ndʼase ba wengi libaya limoko.
31Koko aosenga belenga bia botamba wa acacia; belenga betano bia babaya ba tabernacle nda wiji bomo, 32ko la belenga betano bia babaya ba tabernacle nda wijʼonkina, ko la belenga betano bia babaya ba tabernacle ndʼelongi eʼafeka endelela ouest. 33Ko aokela bolenga bole ndʼetei ea babaya, wae botuwane ndʼetei ea babaya, lima ntundo emo o nda ntundo enkina. 34Ko aokuka babaya la wolo, ko aotula bakoko ba wolo wae biotsweyelo bia belenga, ko aokuka beko la wolo.
35Koko aokela eto ea bolelo ea bléu, la pourpre, la écarlate, la lin eʼolotsi: aokelʼeko la bifoya bia bakeluba, esambelo ea bosambi owa wanya. 36Ko aokeela eko bakonji ba acacia banei, ko aokukʼako la wolo: ko nkofo ya bako iki o wolo; ko aotula bisumyelo bia argent binei bia bako. 37Koko aokela ekuke ea wiso wʼilombe ya bito, ea bléu, la pourpre, la écarlate la lin eʼolotsi, bosala wa bosambi owa bifoya; 38ko aosenga bakonji batano bʼeko, la nkofo yʼako; ko aokuka bikukelo biʼakonji ko la biakelo biʼako la wolo: ko bisumyelo biʼako biki bia kongo.
Currently Selected:
Olelo 36: LOL87
Highlight
Copy
Compare
Share
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
