Olelo 31
31
Etei o ea Besalele la Oliaba
(Ol 35.30-35)
1Koko Yawe aotefela la Mose, akela, 2“Bala, emi njoleta Besalele bona owa Uli, bona owa Ulu, owʼooci wa Yuda, la lina likae: 3ko njoloyoza la bolimo wa Nzakomba; nda wanya, nda jekela, la nda njea, la ndʼelemo bia nkakamba beuma, 4wete ange wango wʼelemo bia losifya, wae atule wolo, la argent, la kongo, 5ko nda nsasenga ea bikenje bia mbaaka, ko nda nsasenga ea nganza, wete asale ndʼelemo bia bilenge biuma. 6Koko bala, emi njolosonela Oliaba, bona owa Aisamaka, owʼooci wa Dana, bokambyi; ko njolila wanya ndʼete ma biʼantʼauma bale lʼete ma bia wanya wete, iyo bakele belemo bekiʼmʼokosisaka beuma: 7wae ilombe ya bito yʼetakano, la sanduku ea elembelo eʼokolo, ko la mbata eʼisei ele ndʼaliko bʼeko, ko lʼelemo bia ilombe ya bito beuma: 8ko la mesa la bijwa biʼeko, ko la ilelo ea itswa ea soto la bijwa biʼeko, ko la nkinda eʼaimi ba mpimbo ba ntatumba 9ko la nkinda ea mbeka ea ntatumba la bijwa biʼeko biuma, ko la saani lʼemaelo ea eko; 10ko la benkoto bia nsasamba eʼolotsi, ko lʼenkoto bia boeko, bia Alona nkanga, wae benkoto biʼanaʼakae bʼaende, wete bakambʼolemo wa nkanga; 11ko lʼauta ba loiso, ko lʼaimi ba ntatumba ba baimi ba mpimbo bʼitenela yʼoeko: iyo bakele baoyiʼauma elengʼekiʼmʼokosisaka.”
12Koko Yawe aotefela la Mose, akela, 13“Koko we tefela la bana ba Yisalaele, wʼakele, Lofongaka bembile bekami bia sabata: elengʼeko eyaleme lotaza ndatsʼemi lʼinyo nda biotswelo bikinyo biuma; wae lea emi nde Yawe ouzʼinyo ndʼoeko. 14Ndʼewelʼeko, lofonga mbile ea sabata; ncina wetʼeko ele boeko elʼinyo: wengiʼonto oekola boeko wa mbilʼeko ifoomama ci, elʼonto nko loswele osala bosala nda mbilʼeko, ende imolame limʼele bantoʼakande. 15Besala besalema nda bembile botoa; lolo nda mbile ea nsambo ele mbile ea sabata ea jomo ja wai, eekyama boeko ele Yawe; bonto nko loswele osala bosala nda mbile ea sabata, ifoomama ci. 16Ndʼewelʼeko, bana ba Yisalaele bafonge sabata, ko baekya mbile ea sabata boeko nda biotswelo bikiyo biuma, wete elembelo eʼokolo ea bikeke biuma seko. 17Eko ele lotaza ndatsʼemi la bana ba Yisalaele nda bikeke biuma: eki Yawe emaka loola lʼokili nda bembile botoa, ko nda mbile ea nsambo aoloma, ko aosalangana.”
Bitanda bife bia elembelo eʼokolo
18Akiʼndʼosizaka losoola la Mose nda ngongo ea Sinai, aolokaya bitanda bife bia elembelo eʼokolo, bitanda bia bikenje, bikotama la bosai wa Nzakomba.
Currently Selected:
Olelo 31: LOL87
Highlight
Copy
Compare
Share
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
