Olelo 27
27
Nkinda ea mbeka
(Ol 38.1-7)
1“Koko kela nkinda ea mbeka ea babaya ba botomba wa acacia, botale wʼeko coudées itano, ko bonene wʼeko coudées itano; bekala bia nkinda ea mbeka beyale beko benei jeza limoko fio: ko lisange jʼeko coudées isato. 2Ko kela beongo ndʼakono bakʼanei ba nkinda ea mbeka: beongo la nkinda o nganzʼemoko: ko kuka beko la kongo. 3Ko tula saani yʼetoko, la njongo, la bijwa, la nkofo ya nyama, la bitombelo bia tsa: tula toma toko ta nkinda ea mbeka touma la kongo. 4Ko kela botai wa kongo; ko ila bakoko ba kongo banei ndʼakono ba botai bakʼanei. 5Ko ilʼotaiʼoko ndʼase ba bomumo bole nda nkinda kio samanyu ndʼase, wete botai boyaleme ndʼonkeke wa lisange ja nkinda ea mbeka. 6Ko senga belenga bia nkinda ea mbeka, belenga bia botamba wa acacia, ko kuka beko la kongo. 7Ko belenga beko bilame nda bakoko, ko belongame nda bempanje bia nkinda ea mbeka bekʼefe wete etombame. 8Tonga nkinda la babaya kio samanyu ko ndʼetei o mpampa: elenge endeneyamaki ele we nda ngongo, bakele nkʼelengʼeko.
Itenela yʼanza ya Tabernacle
(Ol 38.9-20)
9“Koko kela itenela yʼanza ya tabernacle: nda wiji wa sud bondelela sud bito bikelame bia nkombela bia lin eʼolotsi, botale wa coudées bonkama, nda wijʼomoko: 10ko la bakonji ba bito biko ntuku ife, ko la bisumyelo bia bako ba kongo o ntuku ife; ko nkofo la biakelo biʼakonji batulame la argent. 11Elengʼeko nda wiji wa nord, botale wa bito wae coudées bonkama, ko la bakonji ba bito ntuku ife, ko la bisumyelo biʼako bia kongo ntukʼife: ko nkofo la biakelo biʼakonji bako batulame la argent. 12Ko bonene wʼitenela yʼanza nda wiji wa ouest bokoka la bito bia nkombela coudées ntukʼitano: bakonji ba biko jom, la bisumyelo jom. 13Ko bonene wʼitenela yʼanza nda wiji wa est bondelela est o coudées ntukʼitano. 14Bito bia nkombela bifanyema nda wijiʼomoko wa wiso bekoka la coudées jom lʼitano: ko la bakonji ba bito basato la bisumyelo bisato. 15Ko nda wijʼonkina bito bia nkombela bifanyema o coudées jom lʼitano, ko la bakonji basato ba bisumyelo bisato. 16Ko nda wiso wʼanza ekukelo ilame la jeza ja coudées ntukʼife, wae eto ea bléu, la pourpre, lʼécarlate, la lin eʼolotsi, bosala wa bosambi owa bifoya: ko la bakonji bʼeko banei la bisumyelo binei. 17Bakonji ba lokombo ja loanza bauma baakame la bomumo wa argent; nkofo ya bako ya argent, la bisumyelo biʼako bia kongo. 18Botale wa lokombo jʼanza boyaleme coudées bonkama, ko bonene coudées ntukʼitano wiji la wiji, ko la lisange ja lobalaka coudées itano, wae lin eʼolotsi, ko la bisumyelo bia kongo. 19Bijwa biuma bia tabernacle bia bosala bosalemʼeko la nsete iuma ya tabernacle la nsete ya lokombo jʼanza, batulame la kongo.
Mbatela ea itswa
(Lewi 24.1-4)
20“Koko sisa bana ba Yisalaele wae bakoyele bauta ba bilaya ba ntatoka bʼolotsi ba kengelele ba itswa, wae itswa ifete nko jomo. 21Alona lʼanaʼakande bʼaende bafetsʼiko limʼokolo o la nkesa nda joso ja Yawe ndʼilombe ya bito yʼetakano, ndʼanza bʼeto ea bolelo ele nda joso ja sanduku ea elembelo eʼokolo: elengʼene eyale esekyelo ea bikeke biuma nda biotswelo bikiyo biuma ndʼeloko ea bana ba Yisalaele.
Currently Selected:
Olelo 27: LOL87
Highlight
Copy
Compare
Share
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
