Olelo 24
24
Mose nda ngongo ea Sinai
1Koko aokela Mose, “Bundʼendo ele Yawe, we la Alona, la Nadaba la Abiu, ko la bingambi bia Yisalaele ntuku nsambo; ko inyo lombosamelʼemi limʼesi: 2Ko Mose kika atutamʼele Yawe; lolo iyo batatutamake; ko banto bataundake lʼende.”
3Ko Mose aoyʼosangelʼanto baoyi ba Yawe bauma, la biezelo bikae biuma: ko bantʼauma baolamba la lofoso lomoko, bakela, “Baoyiʼauma baki Yawe otefelaka, tifokelʼako.” 4Ko Mose aokotʼaoyi baki Yawe bauma, ko aoetswa la nkesa mongo, ko aotonga nkinda ea mbeka ndʼase ba ngongo, ko aoleza bakonji jom lʼafe elengʼele baoci ba Yisalaele jom lʼafe. 5Ko aotoma basekota ba bana ba Yisalaele, ko iyo baolekya mbeka y a ntatumba, ko baolekya mbeka ya eamanyelo ya ngombo ele Yawe. 6Mose aokola balongo bamo ko aolilʼako nda bijwa; ko aosanzola bamʼalongo nda nkinda ea mbeka. 7Ko aokola bonkanda wʼelembelo eʼokolo, ko aandʼoko ndʼetakano eʼanto wete boke, ko iyo bakela, “Baoyiʼauma baki Yawe otefelaka tifokelʼako, tofaotendola.” 8Ko Mose aokola balongo, ko aosanzolʼanto lʼalongoʼako, akela, “Bala balongo ba bokolo boki Yawe osiselakʼinyo ndʼewela ea baoyiʼane bauma.”
9Nkako Mose, la Alona, la Nadaba la Abiu, la bingambi bia Yisalaele ntuku nsambo baounda: 10ko baolena Nzakomba ea Yisalaele; ko ndʼase bʼakakaʼakae liombo liki eko ja bikenje bia saphir, kengelele mongo o nga loola lofa lʼatute. 11Ende ntafyaki likata likande ele bingambi bia Yisalaele: ko iyo baolena Nzakomba, baleki toma ko bamelaki.
12Ko Yawe akela Mose, “Bunda elʼemi nda ngongo, ko yalʼeko: emi njifokokaya bitanda bia bikenje, la bisekyelo ko lʼesise, bekiʼmʼokotaka wete olake beko.” 13Ko Mose aolemala, ende la bokambyi okande Yoswa: ko Mose aounda ngongo ea Nzakomba. 14Aokela bingambi, “Lotofalʼendo elaka nko tutelʼinyo: ko bala Alona la Ulu bale lʼinyo; nkinʼontʼomo aata likambo, kelʼende ayʼelʼiyo.”
15Ko Mose aounda nda ngongo. Ko litute jokuka ngongo. 16Ko jilangi ja Yawe joyalema nda ngongo ea Sinai, ko litute jokukʼeko bembile botoa: ko nda mbile ea nsambo aoleta Mose limʼete i ea litute. 17Enyelo ea jilangi ja Yawe eki ndʼaiso ba bana ba Yisalaele ngole tsa toyofulumela ndʼilongo ya ngongo: 18Ko Mose aolotswa ndʼetei ea litute, ko aounda nda ngongo: ko Mose aki nda ngongo bembile ntuku inei ko la betso ntuku inei.
Currently Selected:
Olelo 24: LOL87
Highlight
Copy
Compare
Share
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
