Olelo 2
2
Eotswelo ea Mose
1Bontʼomo owa booci wa Lewi aocwʼokola bomoto waji, oki bona owa Lewi. 2Ko bomotʼoko aofoswa jemi, ko aotʼona owa jende; ko akiʼndʼoene wae ale bona owʼolotsi, aoloisa nsanza isato. 3Ko akiʼnde ntoiseya lenkina, aolokeela sanduku ea bekombe nga iyatato, aisʼeko la bitume lʼolaka, ko aolilʼona ndʼetei; ko aocwʼambyʼeko ndʼesulu ndʼompempe wa ntando. 4Ko nkana ea bona aolemala ndʼesi, wae ene joi lisʼokelama lʼende. 5Koko bona owa Falo owʼomoto aoyʼokʼasi nda ntando, ko banoluʼakae bʼamato baocwʼolanda ndʼompempe wa ntando. Ende aolena sanduku ndʼesulu, ko aotomʼosali okae owʼomoto wae ayelʼeko. 6Ko aoumbola sanduku, ko aolena bona oko ko bala, ayolele. Ko aolookʼisei, akela, “One wete bona owa Ba-Ebele.” 7Nkako nkana eʼona akela bona owa Falo owʼomoto, “La, nkete le bofongi owʼona limʼele bamato ba Ba-Ebele wae akofongele bona?” 8Ko bona owa Falo aolokela, “Kenda.” Ko bonolu oko owʼomoto aocwʼeta nyango eʼona. 9Ko bona owa Falo aolokela, “Tomba bonʼone, wʼolomya baele ndʼeloko ekami, kela nkofute bofutoʼoke”. Ko bomotʼoko aokola bona, ko aololomya baele. 10Ko bona aosekwa, ko ende aoloyela ele bona owa Falo owʼomoto, ko aoyalema nga bona okande. Aolokitsa jina Mose, akela, “Ekiʼmʼosafolaka limʼasi.”
11Ko nda bembile beko aki Mose okitʼonto mongo, aocwa ele bioto bikae, ko aala elenge ea belemoʼekiyo betukamʼiyo: ko aolena bonto owʼEjipeto aokunda bonto owa Ebele, eoto ekande. 12Ko aokefa, wiji la wiji, ko akiʼnde ntenʼonto, aooma owʼEjipeto ko isaki ilaka ndʼekongo. 13Ko aolola nda mbile eʼafeka, ko bala banto ba Ba-Ebele bafe bayoune; ko aokel’ ende okelaki bobe, “Okunda webi likambo na?” 14Ende akela, “Okilaki we chef la juge elʼiso na? Okanela wae ombomʼemi ngoki wʼoomaka owa Ejipeto nde?” Ko Mose aoanga, akela, “O nsosolo joi line joleana mo!” Aki Falo okaka joi line, ende aolasa wete aome Mose.
Elotelo ea Mose nda Midiana
15Lolonde Mose aolota limʼele Falo, aocwa ofetsa ndʼese ea Midiana; ko aokitʼase ndʼetoko eʼasi. 16Nkanga ea Midiana aki la bana bʼamato nsambo: ko baoyʼotokolʼasi: ko baoyoza biato lʼasi wae bameza mpate ya ise ekiyo basi. 17Baesanyi ba mpate bayaki ko baolaita; lolo Mose aolemala, aolakambya, ko aomeza mpate ikiyo basi. 18Akiʼyʼutela Luele ise ekiyo aolakela, “Loluta nkaola ngone mbilʼene lae?” 19Iyo baokela, “Bontʼomo bosi Ejipeto atoikyaki limʼakata ba baesanyi ba mpate, aototokwelʼasi, ko amezaki mpate basi.” 20Ende aokela bana bakande, “Ale nko? Locikaki bontʼone lae? Loete wae ale toma lʼiso.” 21Ko Mose aolimeza wae ayalʼeko lʼontʼoko; ko aokaya Mose bona okande Sipola wete ayale waji okae. 22Ende aota bona owa jende, ko aotanga lina likae Ngelusoma: elʼende akela, “Emi bofaya ndʼese ea lifaya.”
23Ndʼafeka ba bembile beuke, roi ea Ejipeto aowa; ko bana ba Yisalaele bamekaki limeko ndʼewela ea likwala, ko baolela, ko lilelo likiyo jokitʼele Nzakomba ndʼewelʼea likwala. 24Ko Nzakomba aoloka bameko bakiyo, ko aolofwa bokolo bokiʼndʼolembaka la Abalayama, la Yisaka la Yakoba. 25Ko Nzakomba aolenda bana ba Yisalaele, ko aolaokʼisei.
Currently Selected:
Olelo 2: LOL87
Highlight
Copy
Compare
Share
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
