Popular Bible Verses from Olelo 2

Share

Ko Nzakomba aoloka bameko bakiyo, ko aolofwa bokolo bokiʼndʼolembaka la Abalayama, la Yisaka la Yakoba. Ko Nzakomba aolenda bana ba Yisalaele, ko aolaokʼisei.

Ndʼafeka ba bembile beuke, roi ea Ejipeto aowa; ko bana ba Yisalaele bamekaki limeko ndʼewela ea likwala, ko baolela, ko lilelo likiyo jokitʼele Nzakomba ndʼewelʼea likwala.

Ko bona aosekwa, ko ende aoloyela ele bona owa Falo owʼomoto, ko aoyalema nga bona okande. Aolokitsa jina Mose, akela, “Ekiʼmʼosafolaka limʼasi.”

Ko bona owa Falo aolokela, “Tomba bonʼone, wʼolomya baele ndʼeloko ekami, kela nkofute bofutoʼoke”. Ko bomotʼoko aokola bona, ko aololomya baele.

Koko bona owa Falo owʼomoto aoyʼokʼasi nda ntando, ko banoluʼakae bʼamato baocwʼolanda ndʼompempe wa ntando. Ende aolena sanduku ndʼesulu, ko aotomʼosali okae owʼomoto wae ayelʼeko.

Ko nda bembile beko aki Mose okitʼonto mongo, aocwa ele bioto bikae, ko aala elenge ea belemoʼekiyo betukamʼiyo: ko aolena bonto owʼEjipeto aokunda bonto owa Ebele, eoto ekande. Ko aokefa, wiji la wiji, ko akiʼnde ntenʼonto, aooma owʼEjipeto ko isaki ilaka ndʼekongo.