Olelo 11
11
1Koko Yawe akela Mose, “Njifofisoza Falo lʼEjipeto bosisoza bonʼomoko; ndʼafeka, ende ifolanga wae lokende limʼendo: a endʼolanga wae lokende, ifitanyʼinyo locwela. 2Tefela aeyoko ndʼatoi bʼantʼauma, ko kela wengi jende uole osingitana lʼende ko la wengi bomoto o ngoko, belotswaka bia argent la bia wolo.” 3Ko Yawe aatelaki bantʼako elula ndʼaiso ba Ba-Ejipeto. Koko bontʼoko Mose akumaki lokumo ndʼese ea Ejipeto la ndʼaiso ba basali ba Falo, ko la ndʼaiso bʼanto.
Elo ea jom – eomelo ea nsomi
4Ko Mose akela, ‘Yawe akela ngone, Ndʼete kole eʼotso emi njifola ndʼetei ea Ejipeto; 5ko nsomi iuma ile ndʼese ea Ejipeto ifowa, lima nsomi ea Falo, okitase nda ngwende ekande ea roi o la nsomi eʼosali owʼomoto ole ndʼeminyelo ea biofo; ko la nsomi ya nyama iuma. 6Koko lilelo ja linene lifokana ndʼese ea Ejipeto euma, limo lilelo litokanaki nda joso nga liko, ko lifaokana lenkina nga liko nye. 7Lolonde nko la mbwa ofangwela bana ba Yisalaele, lʼonto la nyama: wae lea wete Yawe aolila ecikwanelo ndatsa Ba-Ejipeto la Ba-Yisalaele. 8Ko basali bane bake bauma bifontataanela, ko bifokela, ‘Ola, we lʼanto bakokima bauma: ko limʼako njifola.’ ” Koko aolola limʼele Falo la nkele mongo. 9Koko Yawe akela Mose, “Falo afaokozʼinyo wae belemo bekami bia nkakamwa befule ndʼese ea Ejipeto.” 10Ko Mose la Alona bakelaki belemoʼene bia nkakamwa beuma nda joso ja Falo: ko Yawe aocilinganya botema wa Falo, ko ende ntimeza wae bana ba Yisalaele bakende limʼese ekande.
Currently Selected:
Olelo 11: LOL87
Highlight
Copy
Compare
Share
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
