Yona 1
1
Yona Ringo Yehova
1 #
2 Ub 14:25
Nie lembe p a Yehova wok ba Yona ma wod Amitai, m’uwacu kumae, 2Ai, ici Nineve, adhura ma dit maeca, man ikok i wie; kum dubo migi idho malu i wang’a. 3Ento Yona ai malu kara epiei eci Tarcic kud i wang’ Yehova: man eloro piny i Yopa, e enwang’u combo m’ubecidho Tarcic: kum kumeno ewodho piny mi wothne, man eloro piny i ie, kara gici gikugi Tarcic eai ko kud i wang’ Yehova.
4Ento Yehova oro yamu ma dit wi nam, e wavuvu ma dit utuk i nam, ketho combo beyenyo ng’eny. 5Lworo lund umaku junam, e kubang’gi ceke ng’atuman ulwong’o mungu pare; man jamni ma ni i combo de gibayu i nam, kara combo dok yot igi. Ento nwang’u Yona mondo i ng’et combo ma yor i ie; e evuto, man enindo ruk. 6Kum kumeno jawicombo bino i bang’e, man ewacu ire kumae, Ang’o timi, E janindo? ai malu, lwong’ Mungu peri, kuno nyo Mungu bipoi piwa, kara ku warwiny. 7E giweco i kindgi ng’atuman ku wadi man ku wadi kumae, Wubin, man wagoyu gagi, kara wang’ei ng’atu ma lembe ma rac maeni wok i kumwa ni kume. Kum kumeno gigoyo gagi e gagine tho wi Yona. 8Gilund giwacu ire kumae, Wac iwa, wakwei, gin ma rac maeni wok i kumwa ni kum ng’a; tic peri ang’o? man iai kani? ng’om ma thu ni kani? man in i ng’atu mi thek ma nedi? 9E ewacu igi kumae, An a Jaebrania; man alworo Yehova, Mungu m’i polo, m’ucwio nam ku ng’om m’uthwo. 10Lworo lund umaku dhanune apila, man giwacu ire kumae, Maeni ang’o m’itimo? Kum dhanune ging’eyo nia epiei kud i wang’ Yehova, kum eyero igi.
11Gilund giwacu ire kumae, Wabitimo ang’o i kumi, kara nam unind iwa? kum nam ukoto besagre asaga. 12Man ewacu igi kumae, Wuting’a, wubola i nam; e nam binindo iwu: kum ang’eyo wavuvu ma dit maeni ni i wiwu ni kuma. 13Ento dhanune gikiewo ma tek kara gidwokri i ng’om; ento ecopre igi ngo; kum nam ubekoto besagu asaga i kumgi. 14Kum kumeno gilwong’o Yehova, giwacu kumae, Wakwei, E Yehova, wakwei, kud iyi warwiny kum kwo pa ng’atu maeni man kud iketh rimo m’umbe dubo i wiwa; kum in, E Yehova, itimo calu ii yenyo. 15Ka kumeno giting’o Yona, e gibole i nam; e nam uweko koto. 16Dhanune gilund gilworo Yehova apila; man gimio lam ni Yehova, man ging’olo lembang’ola.
17 #
Mt 12:40
Man Yehova yiko rec ma dit kara emwony Yona; e Yona bedo i cind i rec ceng’ adek ku diewor de.
Currently Selected:
Yona 1: AB1970
Highlight
Copy
Compare
Share
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
