Yona 2
2
Rwo mi Foc pa Yona
1Yona lund urwo ni Yehova Mungu pare kud i cind i rec.
2Man ewacu kumae,
Alwong’o Yehova kum masendi para,
Man eloko ira lembe;
Kud i cind i liel alwong’o,
3Man iwinjo dwanda.
Kum ibola i ka ma thuth, i adunde mi nam,
Man pi tieka gbur;
Mukura peri ceke ku vira peri gikadhu kud i wia.
4Man awacu kumae, Jubaya woko kud i weng’i;
Ento abineno kendo yo ba hekalu peri ma leng’.
5Pi dupa utieka gbur, cil kum ng’eyong’ec;
Nam utieka gbur;
Uthworo mi nam ugapre i wia.
6Aloro piny the gudi;
Ng’om kud ukol pare giciko bang’a nja:
Ento iting’o kwo para malu kud i vur,
E Yehova Munguna.
7Ka cwinya voc i ia, apoi pi Yehova;
E rwo para mondo i beng’i, i hekalu peri ma leng’.
8Ju m’uneno ba gin ma ie nanu mi ndra
Gikuno kisa migi gigi.
9Ento abimio lam iri ku dwal mi foyofoc;
Man abiculo maeno m’ang’olo.
Both en e pa Yehova.
10E Yehova wacu ni rec, man eng’ogo Yona wi ng’om m’uthwo.
Currently Selected:
Yona 2: AB1970
Highlight
Copy
Compare
Share
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
