Yoel 3

Pokolembe pa Yehova wi Thek

1Kum, nen, i ceng’ maeca, man i nindo maeca, kan abidwoko ng’eca mi Yuda man Yerusalem 2abicoko thek ceke, man abikelogi piny i poga pa Yehocafat; man abipoko lembe i wigi keca pi dhanu para man pi camupacu para Israel, ma gilalu i kind thek; man gipoko ng’om para, 3e gigoyo jara pi dhanu para, man gimio nyathin ma nico pi won asara, giloko nyathin ma nyaku de ku pigulok, kara gimadhi. 4#Isa 23:1-18; Eze 26:1-28:26; Amo 1:9, 10; Zek 9:1-4; Mt 11:21, 22; Lk 10:13, 14#Isa 14:29-31; Yer 47:1-7; Eze 25:15-17; Amo 1:6-8; Zef 2:4-7; Zek 9:5-7Eyo, man wun ang’o ira, E Turo, man Sidon, ku ng’om ceke mi Filistia? wubiculo ira? man tek wuculo ira, abidwoko cul mu i wiwu tho man pio. 5Kum wugamu mola ma tar para ku mola ma kwar para, man wutero gin para ma ber ma pire tek de i hekalu mu, 6man wuloko nyithindho pa Yuda ku nyithindho mi Yerusalem ni wot Juyunani, kara wucorgi bor cen ku kieu migi; 7nen, abithubogi kud i ka ma wuloko gi i ie, man abidwoko cul mu i wiwu giwu; 8man abiloko wotwu ku nyigwu i cing’ nyithindho pa Yuda, man gibilokogi ba dhanu mi Ceba, ni thek ma bor ngbir; kum Yehova yero lembe maeni.

9Wurwei lembe maeni i kind thek; wuyik ali; wuthub dhanu ma jutego; wek dhanu ceke mir ali gicor ceng’ni, wek giidh malu. 10#Isa 2:4; Mik 4:3Wucany kwer mu ni palamularu, man uligu ni tong’: wek ju ma ng’ic giwac kumae, An a tek. 11Wutim pio, man wubin, wu thek ceke m’utieko piny gbur, man wucokru giwu karacelo: keth dhanu peri ma tek gilor piny keca, E Yehova. 12Wek thek giyauri gigi, man giidh ba poga Yehocafat; kum abijany keca nipoko lembe wi thek ceke m’utieko piny gbur. 13#Nyu 14:14-16; Nyu 14:19, 20; 19:15Wuketh pala i ie; kum mwoka cek: wubin, wuyok; kum pany mir ulok upong’, jambic ubethakni; kum dubo migi dit.

14Udul dhanu, udul dhanu i poga mi kethocwiny! kum ceng’ pa Yehova ni ceng’ni i poga mi kethocwiny. 15Ceng’ ku dwi giyutho, man cero gong’o rieny migi.

Both pa Yuda

16 # Amo 1:2 Man Yehova birundo kud i Sayuni, man ebiting’o dwande kud i Yerusalem; man polo ku ng’om biyengre: ento Yehova bibedo ni kapondo ni dhanu pare, man ka ma tek ni nyithindho mir Israel. 17Ka kumeno wubing’eyo nia an a Yehova Mungu mu, m’abedo i Sayuni got para ma leng’: Yerusalem bilund bedo leng’, man juwirok moko bikadhu kud i kinde kendo ngo.

18Man ebitimbre i ceng’ maeca, nia gudi bitono pigulok ma lim lim, man ungulu gudi bimolo cak man kulo ceke mi Yuda bimolo pi; man kulo mi pi bidhenjre kud i ot pa Yehova, man ebidwoko poga mi Citim ng’ic. 19Misiri bibedo ni udhuru, man Edom bibedo langa mir udhuru, kum rop m’utimbre kum nyithindho pa Yuda, kum gioyo rimo m’umbe dubo i ng’om migi. 20Ento Yuda bibedo mi nja, man Yerusalem ugambre kum dhanum’utuk cil kum dhanum’utuk. 21Man abilonyo rimo migi, ma fodi alonyo ngo: kum Yehova bedo i Sayuni.

Currently Selected:

Yoel 3: AB1970

Highlight

Copy

Compare