Yoel 2

1Wukudh agwara i Sayuni, man wugoi nduru i got para ma leng’; wek dhanu ceke m’ubedo i ng’om kumgi miel: kum ceng’ pa Yehova bino, kum eni ceng’ni; 2ceng’ mi mudho man mi piny ma gbuku, ceng’ mir afuru man mi mudho ma mbitu, calu piny ma ru moire wi gudi; dhanu ma dongo ma jutego de; fodi gibedo calu maeni ngo, kadok yo ng’eigi de bibedo kumeni ngo cil i rundi mi dhanum’utuk dupa. 3Mac uwang’ i wang’gi; man i ng’eigi lebmac uliel: ng’om ubedo calu podho mir Aden i wang’gi, man i ng’eigi langa mir uvuru; eyo, man ng’atu moko mbe m’uboth igi.

4 # Nyu 9:7-9 Nen migi calu nen mi riuni; man calu ju m’ubedo wi riuni, giringo kumeca. 5Calu ba magali die wi gudi gipor apora, calu ba lebmac m’uwang’u soka, calu dhanu ma tek ma juthero ni lwiny. 6Kodhidhanu ni i ndiba i wang’gi; wang’ ceke lokre. 7Giringo calu dhanu ma jutego; giidho wi gang’kidi calu dhanu mir ali; givodho kubang’gi nzu i yo migi, man ging’enyo piro migi ngo. 8Kadok ng’atu acel de cwalu wagi ngo; givodho kubang’gi nzu ng’atuman i yo pare man i yo pare; man ging’enyo kud i jamtho, man gikier ungo. 9Gipiei wi adhura; giringo wi gang’kidi; giidho malu i udi; gimondo ku wang’ot calu jakwo. 10#Nyu 8:12Ng’om uyengre i wang’gi; polo de yengre; ceng’ ku dwi de doko col, man cero de geng’o rieny migi. 11#Nyu 6:17Man Yehova wodho dwande wang’ udul asikari pare; kum kagonjo pare e dit apila; kum e tek m’etimo lembe pare; kum ceng’ pa Yehova e dit man eng’oyo ndiri ma dit; man ng’a ma copo cire?

Kisa pa Yehova

12Ento cil kawono, Yehova wacu, wulokru i bang’a kud adundewu ceke, man ku wekocam, man ku ywak, ku goyonduru de: 13man wuyec adundewu, kendi mu re ngo, man wulokru ba Yehova Mungu mu; kum en e won bero ku kisa, yo ni ng’ecwiny, man esagre i mer mi bero, man elokre ni dubo. 14Ng’a m’ung’eyo tek ebidwogo man ebiloko cwinye, man ewek mugisa i ng’eye, cil girathiera mi mogo man girathiera m’amadha ni Yehova Mungu mu?

15Wukudh agwara i Sayuni, wudwok wekocam leng’, wulwong’ cokri mi rwo; 16wucok dhanu, wudwok cokri leng’, wucok dhanu m’uti, wucok nyithindho, ku ju ma dhodho thuno; wek won ambadha wok kud i kusika pare, man mugole kud i kusika pare. 17Wek julam, ma jutim tim pa Yehova, giywak kind pondot ku pemblam, man wek giwac kumae, Wek dhanu peri, E Yehova, man kud imi camupacu peri ni cac, kara thek ubim wigi: nedi giwac i kind kodhidhanu kumae, Mungu migi ni kani?

18Ngiri lund unego Yehova pi ng’om pare, man ngisi nege kum dhanu pare. 19E Yehova loko lembe man ewacu ni dhanu pare kumae, Nen, abioro cam i beng’wu, man pigulok ma nyen, ku mo, e cwinywu bikwio kudo; man abidwokowu ni cac kendo ngo kind thek; 20ento abicoro njuru asikari ma yor ariwa ma malu cen kud i kumwu, man abirieme i ng’om ngele man uvuru, kume m’utelo yo i nam ma yo nyangu, man kume m’udong’ cen i nam ma yo reto; e ng’wice ma rac biduny, man ng’wice ma rac biidho malu, kum etimo gin ma dit.

21Lworo kud unegi, E ng’om, anyong’a negi man ibed ku mutoro; kum Yehova timo gin ma dit. 22Lworo kud unegwu, wu yedi m’i thim; kum kakwae mi langa loth, kum yen ucego nyinge, yendubolo kud ulok gicego tego migi. 23Ka kumeno anyong’a negwu, wu nyithindho mi Sayuni, man anyong’a negwu kum Yehova Mungu mu: kum emio iwu koth ma kwong’a i mukero ma pwe, man ekonjo koth iwu, koth ma kwong’a man koth ma cen, i dwi ma kwong’ane. 24Man lela bipong’ ku nganu, jambic de bipong’ hau ku pigulok ma nyen ku mo. 25Man abidwoko iwu rundi ma bonyo camu i ie, ku nyathi bonyo, man nyathin abirbir, ku kukun, njuru asikari para ma dit m’aoro i kindwu. 26E wubicamu dupa man wubiyeng’, man wubipaku nying Yehova Mungu mu, m’utimo musana kudu; e jubinyayu lewic wi dhanu para ki ngo. 27E wubing’eyo nia ani i kind Israel, man nia an a Yehova Mungu mu, man ng’atu moko mange mbe; e jubinyayu lewic wi dhanu para ki ngo.

Mungu Bikonjo Tipo Pare

28Man ebitimbre yo ng’eye, nia abikonjo Tipo para wi kum ceke; man wotwu ku nyigwu gibiewo, dhanu m’uti mu bileko lek, awobi mu bineno ginmawokiwang’: 29man abikonjo Tipo para wi jutic bende man wi bong’ i ceng’ maeca. 30Man abinyutho musana i polo man i ng’om: rimo, ku mac, man vira mi yiro. 31#Mt 24:29; Mk 13:24, 25; Lk 21:25; Nyu 6:12, 13Ceng’ bilokre ni mudho, dwi de ni rimo, ma fodi ceng’ ma dit pa Yehova mi ndiri fok’uwok ungo. 32#Tic 2:17-21#Rum 10:13Man ebitimbre, nia ng’atu ma tek bilwong’o nying’ Yehova ebiboth; kum ju m’uboth bibedo i got Sayuni man i Yerusalem, calu Yehova wacu, man ju ma Yehova lwong’o bibedo i kind donge m’udong’.

Currently Selected:

Yoel 2: AB1970

Highlight

Copy

Compare