Amos 1

Pokolembe wi Thek ma ni Ng’et Israel

1 # 2 Ub 15:1-7; 2 Kei 26:1-23; 2 Ub 14:23-29 Lembe pa Amos, ma ni i kind jukwac mi Tekoa, m’eneno pir Israel i nindo pa Uzia m’ubimo mi Yuda, man i nindo pa Yeroboam ma wod Yoac m’ubimo mir Israel, rundi ario ma fodi digidi kuwok ungo.

2 # Yoe 3:16 Man ewacu kumae, Yehova birundo kud i Sayuni, man ebiwodho dwal kud i Yerusalem; man kwac mi jukwac biywak, man wi Karmel biner.

3 # Isa 17:1-3; Yer 49:23-27; Zek 9:1 Yehova wacu kumae: Mi gondri adek mi Dameski, eyo, mir ang’wen, abiloko masendine cen ungo; kum gifodo Gilead ku jamfodo mi nyunyu. 4Ento abioro mac i ot pa Hazael, man ebiwang’u udi mi ker pa Ben-hadad. 5Man abituro utwindi mi Dameski, man abikabu ng’atu m’ubedo i poga mir Aven woko, ku ng’atu m’umaku uluth mi ker kud i ot mir Aden; e dhanu mi Cami bicidho i ng’eca cil kum Kir, Yehova wacu.

6 # Isa 14:29-31; Yer 47:1-7; Eze 25:15-17; Yoe 3:4-8; Zef 2:4-7; Zek 9:5-7 Yehova wacu kumae: Mi gondri adek mi Gaza, eyo, mir ang’wen, abiloko masendine cen ungo; kum giyaku dhanu dho ni ng’eca, kara gimigi ni Edom. 7Ento abioro mac wi gang’kidi mi Gaza, man ebiwang’u udi mi kerne. 8Abikabu ng’atu m’ubedo i Acdod, man ng’atu m’umaku uluth mi ker kud i Ackelon; man abiloko cinga kum Ekron; man dong’ Jufilisti m’udong’ binyothre, Rwoth Yehova wacu.

9 # Isa 23:1-18; Eze 26:1-28:19; Yoe 3:4-8; Zek 9:1-4; Mt 11:21, 22; Lk 10:13, 14 Yehova wacu kumae: Mi gondri adek mi Turo, eyo, mir ang’wen, abiloko masendine cen ungo; kum gimio dhanu dho ni Edom, man gipoi ungo kum lembariba mir umego. 10Ento abioro mac wi gang’kidi mi Turo, man ebiwang’u udi mi kerne.

11 # Isa 34:5-17; 63:1-6; Yer 49:7-22; Eze 25:12-14; 35:1-15; Oba 1:1-14; Mal 1:2-5 Yehova wacu kumae; Mi gondri adek mir Edom, eyo, mir ang’wen, abiloko masendine cen ungo; kum eriemo umin ku palamularu, man ebayu ngisi ceke cen, man ng’ecwiny pare yeco thiri thiri, ekanu kwinyo pare de mi nja. 12Ento abioro mac wi Teman, man ebiwang’u udi mi ker mi Bozra.

13 # Yer 49:1-6; Eze 21:28-32; 25:1-7; Zef 2:8-11 Yehova wacu kumae: Mi gondri adek mi nyithindho mir Amon, eyo, mir ang’wen, abiloko masendine cen ungo; kum giriedo i mon mi Gilead ma igi nuti, kara gimed kieu migi. 14Ento abicwinyo mac wi gang’kidi mi Raba, man ebiwang’u udi mi kerne, ku kok i ceng’ mi lwiny, man wavuvu i ceng’ mi vira; 15e ubimo migi bicidho i ng’eca, en ku judongomawijo pare karacelo, Yehova wacu.

Currently Selected:

Amos 1: AB1970

Highlight

Copy

Compare