Yoel 1

Nyoth mi Ng’om ku Bonyo

1Lembe pa Yehova m’ubino ba Yoel ma wod Pethuel.

2Wuwinj maeni, wu dhanu m’uti, man wucik ithwu, wun ceke ma wubedo i ng’om. Maeni bedo i nindo mu, kadi i nindo pa kwaruwu? 3Wuyer pire ni nyithindho mu, man wek nyithindho mu giyer ni nyithindho migi, man nyithindho migi giyer ni dhanum’utuk mange. 4Maeno m’udong’ ma nyathi bonyo camu ngo bonyo camu; man maeno ma bonyo weko kukun ucamu; man maeno ma kukun uweko nyathin abirbir ucamu.

5Wuceu, wun andrej giramadha, man wuywaki; wugoi nduru de, wu jumadh pigulok ceke, ni kum pigulok ma lim lim; kum ethumbre woko kud i dhogwu. 6#Nyu 9:8Kum thek uidho wi ng’om para, ma tek, man ma welne mbe; lake en e lak umvor, man lake m’i lwokni en e pa min umvor. 7Enyotho ulok para, man ealu apoka yendubolo para: edwoke temble, man ebaye woko; jangene judwoko tar.

8Wuywak calu nyaku m’ukendo usuba eywagu ko cware mir ayada pare. 9Girathiera mi mogo ku girathiera m’amadha githumbri woko kud i ot pa Yehova; julam, jutic pa Yehova, giywak. 10Podho nyothre, ng’om de ywak; kum cam unyothre, pigulok ma nyen udwono, man mo jik. 11Cwinywu ng’abre, E wu jutipodho, wugoi nduru, E wu jugwok ulok, pi nganu man pi cam; kum mwoka mi podho nyothre. 12Ulok de tal, man yendubolo voc; yendulemo, thith bende, man yenduru, en e yen ceke m’i podho giner: kum mutoro jung’ kud i wot dhanu.

13Wutwi usuba i pierwu, man wuywaki, wu julam; wugoi nduru, wu jutim mi pemblam; wubin, wuvut diewor soro i usuba, wu jutic pa Mungu para: kum girathiera mi mogo ku girathiera m’amadha jucero ni ot pa Mungu mu. 14Wudwok wekocam leng’, wulwong’ cokri mi rwo, wucok dhanu m’uti ku dhanu ceke m’ubedo i ng’om ba ot pa Yehova Mungu mu, man wulwong’ Yehova. 15#Isa 13:6Aka cenge! kum ceng’ pa Yehova ni ceng’ni, man calu nyoth ma ai ba Jategokpo ebibino. 16Cemo thumbre woko kud i wang’wa ngo, eyo, mutoro kud anyong’a kud i ot pa Mungu mwa? 17Kodhi top kud i thunglu ng’om; dero udong’ ni uvuru, kacokcam utur; kum cam uner. 18E maram yedi becur ko acura! udul lim cwinygi ng’abre, kum kakwae migi mbe; eyo, udul rombe betagu. 19E Yehova, alwong’o i beng’i; kum mac uwang’u kakwae mi langa, man lebmac uwang’u yedhi ceke m’i thim. 20Eyo, yedi m’i thim gigamu cwinygi i beng’i; kum kulo mi pi dwono, man mac uwang’u kakwae mi langa.

Currently Selected:

Yoel 1: AB1970

Highlight

Copy

Compare