Hoseya 7

Dubo ku Jai mi Israel

1Kinde m’adwoko ng’eca mi dhanu para, kinde m’ayenyo acang Israel, e kier pa Efraim uyabre, man dubo mi Samaria; kum gitimo ndra, e jakwo mondo i ie, man njuru weg ayeki nyotho piny yo woko. 2E igi pido ngo yo i adundegi nia apoi kum dubo migi ceke: kawono tic migi gigi tiekogi gbur; gini i nyim wang’a. 3Ginyayu mutoro i ubimo ku kier migi, judongomawijo de ku ndra migi. 4Gin ceke gi weg dubri swa; gi calu kendo mugati ma jatimmugati dwoke lieth; eweko cwaku mac, ugambre kum ng’ino mogo, cil m’eyenyo ko. 5I nindo mir ubimo mwa judongomawijo ginyayu tho i kumgi gigi ku lietho pigulok: erieyo cinge ku jucac. 6Kum giyiko adundegi calu kendo, kinde ma gikanu adhi: jatimmugati migi nindo diewor soro: kugweno ewang’ calu mac m’uliel. 7Gin ceke gi lieth calu kendo, man gicamu jupoklembe migi; ubimo migi ceke podho: moko mbe m’i kindgi m’ulwong’a.

8Efraim, ejebre i kind kodhidhanu; Efraim en e mugati ma rebere ma juloko ngo. 9Juwirok gicamu tego pare, man eng’eye ngo; eyo, lwar unen i kume kun ku kun, e eng’eye ngo. 10Man kuhaya mir Israel utuco i wang’e: ento gidwogo ba Yehova Mungu migi ngo, kadi giyenye de ngo, kum gin maeni ceke. 11Man Efraim calu akuru ma kite mbe, ma ng’eyothelembe mbe kude: gilwong’o Misiri, gicidho bang’ Ascur. 12Kinde ma gibicidho, abipedho voi para i wigi; abidwokogi piny calu winyo m’i polo; abiponjogi, calu udul migi winjo. 13Can i wigi! kum giweka; nyoth i wigi! kum gidubo ira: kadok ayenyo awargi, ento giyero ndra i kuma. 14Man giywak ira ngo kud adundegi, ento gigoyo nduru wi kavuto migi: gicokri gigi pi cam ku pigulok ma nyasa; gijai ira. 15Kadok aponjogi man amio tego ni botgi, ento giporo lem ma rac i kuma. 16Gidwogo, ento ba ng’atu ma ni malu ngo; gi calu atum ma kulokane mbe; judongomawijo migi gipodho ku palamularu kum kwinyo ni i lebgi: maeni bibedo cac migi i ng’om Misiri.

Currently Selected:

Hoseya 7: AB1970

Highlight

Copy

Compare