Hoseya 6
6
1Wubin wadwoga ba Yehova; kum eyeco, man ebicanguwa; egoyo, man ebiriwo wang’ kumwa. 2Yo ng’ei ceng’ ario ebiketho wacer: i ceng’ mir adege ebiting’owa malu, man wabikwo i wang’e. 3E dong’ wang’eyu, man wek walubu tok ng’eyo Yehova: wokwoko pare en e andha calu kugweno; man ebibino i bang’wa calu koth, calu koth ma cen ma cwi i ng’om.
4E Efraim abitimi nedi? E Yuda, abitimi nedi? kum bero peri en e calu afuru mi kugweno, man calu thoi ma oi pir kugweno. 5Ka kumeno atong’ogi ku jubila; anegogi ku lembe m’i dhoga: e lembapoka peri en e calu der ma wpk woko. 6#Mt 9:13; 12:7Kum ayenyo bero, lam ungo; man ng’eyong’ec pa Mungu ma sagu lam m’awang’a. 7Ento gin gituro lembariba calu Adamu: gitimo kud awondi i kuma kuca. 8Gilead en e adhura mi ju m’utimo kier; rimo nyang’ i kume. 9Man calu njuru weg ayeki kanu adhi ni dhanu, e kumeno njuru julam unego nek i yo ma yor i Cekem; eyo, gitimo gondri. 10Aneno gin ma rac i ot mir Israel: asara nen keca i Efraim, e Israel ucido. 11E Yuda, juketho mwoka bende iri.
Currently Selected:
Hoseya 6: AB1970
Highlight
Copy
Compare
Share
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
