Hoseya 5
5
Pokolembe wi Israel pi Weko Lubo Mungu
1Wuwinj maeni, E wu julam, man wuwinji, E ot mir Israel, man wucik ithwu, E ot p’ubimo; kum lembapoka ni i kumi; kum wubedo ni uwic i Mizpa, man ni voi m’apedha wi Tabor. 2Man ju m’ucamu co giloro piny i nyoth; ento an a jajuk igi ceke. 3Ang’eyo Efraim, man Israel upandre ira ngo; kum kawono, E Efraim, itimo asara, Israel ucidre. 4Giratima migi yio igi ngo nia gilokri ba Mungu migi; kum tipo mir asara ni yor i igi, man ging’eyo Yehova ngo. 5E kuhaya mir Israel utuco i wang’e: ka kumeno Israel kud Efraim bikier i dubo migi; Yuda bende bikier gikugi. 6Gibicidho kud udul rombe migi man dhok migi niyenyo Yehova; ento gibinwang’e ngo: ekoc kugi. 7Gitimo kud awondi kum Yehova; kum ginyolo nyithindho ma juwirok: kumeno dwi m’upor bicamugi ku pothi migi.
8Wukudh agwara i Gibeya, man agwara i Rama: wugoi nduru i Beth-aven; i ng’ei, E Benyamin. 9Efraim bidoko ni uvuru i ceng’ mi juk: i kind suru mir Israel aketho jung’eyo gin ma bibedo nuti andha. 10Judongomawijo mi Yuda gi calu ju m’ukabu giranyutha mi kieu: abikonjo kwinyo para i wigi calu pi. 11Cwiny Efraim ung’abre, man juture ku lembapoka; kum eyio wotho tok lembang’ola mi dhanu. 12Ka kumeno abedo ni Efraim calu abirbir, man ni ot pa Yuda calu top. 13Kinde ma Efraim uneno tho pare, man Yuda neno lero pare, Efraim ulund ucidho i Ascur, man eoro kwenda bang’ ubimo Yareb: ento ecopo keyo kumwu ngo, kadok lero mu de ebicangu ngo. 14Kum abibedo ni Efraim calu umvor, man calu nyathin umvor ni ot mi Yuda: an, ndhu, an, abiyeco man abicidho cen; abitero cen, man ng’atu moko mbe ma bibodho.
Lokri Mandha Ngo mi Israel
15Abicidho man abidok i kakara, maram gituco ko piem migi, man giyeny wang’a: gibiyenya kud amora i can migi.
Currently Selected:
Hoseya 5: AB1970
Highlight
Copy
Compare
Share
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
