Habakuk 2

Dwokolembe pa Yehova ba Habakuk

1Abicungo wi kur para, man abikethra wi odkur, e abing’io kara anen gin m’ebiweco kuda, man gin m’abiloko pi lem dhau para. 2E Yehova loko lembe ira, ewacu kumae, Kieu ginmawokiwang’, man keth ebed ngbeng’ wi ban, kara ng’atu m’usome ringi. 3#Ebr 10:37Kum ginmawokiwang’ fodi en e pi nindo ma juketho, man etimo pio i dhu kajikne, man ebicwayu ndra ngo: kadok egalu, kure; kum ebibino andha, ebigalu ngo.

4 # Rum 1:17; Gal 3:11; Ebr 10:38 Nen, ng’eyong’ec pare tingre, ebedo pwe i ie ngo; ento won bedopwe bibedo ni kum yioyic pare. 5Eyo, karacelo ku maeni, pigulok en e jatim awondi, ng’atu ma tingre, m’ebedo thugi ngo; m’emedo avane calu liel, man en e calu tho, ma jucopo yeng’e de ngo, ento ecoko thek i bang’e, man ecoko kodhidhanu ceke i bang’e.

Can wi Weg Gondri

6Maeni ceke gibiting’o lembabola i kume ngo, man agore ma ton i ijo i kume, man gibiwacu kumae, Can i wi ng’atu m’unyayu gin ma pare ngo! rokani? man m’uketho ter mi mukwatu i wie! 7Ju ma bikei biai pio ngo, man ju ma bidieng’o cwinyi gibiceu ungo, man ibibedo igi ngo ni ayeki? 8Kum iyaku thek dupa, dong’ kodhidhanu ceke gibiyeki, kum rimb dhanu, man kum rop m’utimbre kum ng’om, kum adhura man kum dhanu ceke m’ubedo i ie.

9Can wi ng’atu m’ugamu kuloka mi dubo mi ot pare, kara eketh ot pare malu, kara egonjre kud i cing’ mi dubo! 10Itimo lembapora mi lewic ni ot peri, ku thumo kodhidhanu dupa woko, man idubo kum ng’eyong’ec peri. 11Kum kidi biywak kud i gang’kidi, man riu biloko ire lembe kud i yen.

12Can wi ng’atu m’ugomo pacu ku rimo, man m’uketho adhura nyang’ ni kum dubo! 13Nen, eai ba Yehova mir udul ungo nia kodhidhanu gimuli ku tic pi mac, man thek giol gigi kum gin ma ie nanu? 14#Isa 11:9Kum ng’om bipong’ ku ng’eyong’ec mi dwong’ pa Yehova, calu pi umo nam.

15Can wi ng’atu ma mio giramadha ni wadi, iri m’imedo kwir peri i ie, man imere bende, kara inen muneru migi! 16Ipong’ ku lewic, ku dwong’ re ngo: imadh bende, man ibed calu won yaa ngo; kikombe m’i cing’ Yehova ma yor acwic bilokre i wii, man lewic ma dit bibedo wi dwong’ peri. 17Kum rop m’utimbre kum Lebanon biumi, man nyoth mi yedi, m’unyayu lworo i igi; kum rimb dhanu, man kum rop m’utimbre kum ng’om, kum adhura ku dhanu ceke m’ubedo i ie.

18Ayi gin m’acwia m’apaya kulokane ang’o, ma jabodhone ng’ike; ayi gin m’acwia m’atwaga, cil japonji mi ndra, nia ng’atu m’utimo ayine gene, kara etim mungu m’araga ma weco ngo? 19Can wi ng’atu m’uwacu ni yen kumae, Ceu: ni kidi ma weco ngo de kumae, Ai malu! Maeni biponjo? Nen, jumwone ku mola ma kwar man ku mola ma tar, e yuyo moko mbe i ie tak de. 20Ento Yehova ni i hekalu pare ma leng’: wek ng’om ngung’ ubed ling’ i wang’e.

Currently Selected:

Habakuk 2: AB1970

Highlight

Copy

Compare