Habakuk 1
1
Habakuk Uywak kum Pokolembe Wok Ungo
1Ewolembe ma Habakuk ma jabila neno. 2E Yehova, abilwong’o rokani, man ibiwinjo ngo? alwong’o i beng’i pi rop, man ibibodho ngo? 3Inyutho dubo ira nedi, man ineno wi camuco? kum nyoth ku rop gini i wang’a; man por ku piem nuti. 4Ka kumeno cik ukwio, man pokolembe wok ki ngo; kum judubo gitieko weg bedopwe; ka kumeno pokolembe wok woko m’egondre.
Jukaldayo Bipoko Lembe wi Yuda
5 #
Tic 13:41
Wunen kind thek, man wung’i, iwu de wang’ lii m’usagu; kum abetimo tic i nindo mu, ma wubiyio ngo kadok juyero iwu. 6#2 Ub 24:2Kum, nen, ating’o Jukaldayo, thek maeno ma gingoi ma vur vur de, ma givodho avodha kud i kalac mi ng’om, kara gimwony kabedo ma migi ngo. 7Gin ung’oindiri man junyai lworo; pokolembe migi ku dwong’ migi ai i bang’gi gigi. 8Riuni migi bende giringo pio ma sagu ng’u, man gi kwiny ma sagu urudi mir uthieno; man weg riuni migi giwotho ku kuhaya: eyo, weg riuni migi giai bor; giringo pamir acur m’uringo nicamu. 9Gibino kagi ceke pi rop; kethowang’ migi en e ni i nyimgi; e gicoko ng’eca calu kwio. 10Eyo, ecayu ju m’ubimo, man judongomawijo gibedo ni ng’iero ire; eng’iero ka ma tek kubang’e nzu; kum ecoko utur, man emake. 11Ebilund kadhu calu yamu, man ebikadhu ku wi piny, man lembe bibedo i wie, en e ng’atu ma tego pare en e mungu pare.
Habakuk Upiemo ku Yehova
12In igembri nja ngo, E Yehova Mungu para, Ng’atu Maleng’ para? wabitho ngo. E Yehova, ikethe ni lembapoka; man in, E Cana, ikethe ni ponji. 13In m’ibedo ku wang’ ma leng’ njwa ketho kud inen dubo, m’icopo neno camuco de ngo, nedi ineno wi ju m’utimo abombi, man ibedo ling’ ka jadubo mwonyo ng’atu ma pwe ma sagu en; 14m’eketho dhanu de bedo calu rec m’i nam, calu gin ma lak, ma jabim umbe i wigi? 15Eting’ogi ceke ku gol, etwomogi ku voi pare, man ecokogi i voi pare: ka kumeno anyong’a nege man ebedo ku mutoro. 16Ka kumeno elamu lam ni voi pare, man ewang’u udok ma ng’wice ng’ar ni voi pare; kum ni kumgi makapiny pare cwe, cemo pare de dupa. 17Ka kumeno ebikonjo voi pare, man ebiweko nego thek thiri thiri ngo?
Currently Selected:
Habakuk 1: AB1970
Highlight
Copy
Compare
Share
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
