Habakuk 3
3
Rwo pa Habakuk
1Rwo pa Habakuk ma jabila, ni Cigionoth.
2E Yehova, awinjo rwongi, man lworo nega:
E Yehova, yep tic peri i die rundi;
I die rundi keth eng’eire:
I kwinyo poi kum kisa.
3Mungu bino kud i Teman,
Man Ng’atu Maleng’ kud i got Paran. Sela.
Dwong’ pare umo polo.
Man ng’om upong’ ku pak pare.
4Man rieny pare en e calu der;
Der uai kud i cinge;
Man keca en e kapondo mi tego pare,
5Thong’om cidho i wang’e,
Guk m’uwang’ uai ku ba tiende.
6Ecungo, man eporo ng’om;
Eneno, man elalu thek;
Man gudi mi nja kethre mba;
Ungulu gudi ma nja gigung’;
Woth pare gi calu ma con.
7Aneno hema mi Kucan i can;
Kusika mi ng’om Midian umiel.
8Thungo nego Yehova kum kulo ma dongo?
Ng’ecwiny peri bedo kum kulo ma dongo,
Kadi kwinyo peri kum nami?
Ketho iwotho wi riuni peri,
Wi magali peri mi bothi?
9Atum peri juketho bedo ngbeng’;
Kwong’ ma jumio ni suru en e lemandha. Sela.
Ikaku ng’om ku kulo ma dongo.
10Gudi gineni, e lworo negogi;
Wavuvu mi pi kadhu;
Nam uwodho dwande,
Man eting’o cinge malu.
11Ceng’ ku dwi gicungo ti i kabedo migi,
Ni der mir athero peri ka gicidho,
Ni rieny mi tong’ peri ka giriang’ni.
12Ikadhu kud i ng’om ku kwinyo;
Iyoko thek i ng’ecwiny.
13Iwok ni both mi dhanu peri,
Pi both pa ng’atu m’iwiro;
Itong’o lero kud i ot pa jadubo,
M’iyabu mbegi cil i ng’ut. Sela.
14Icobo wi jutego pare ku dul pare ma dhe:
Gibino calu vira niketha woko;
Anyong’a migi en e calu camu jucan nyalwe.
15Inyono nam ku riuni peri,
Ngongo mi pi ma tek.
16Awinjo, man kuma miel,
Dendhoga miel kum dwalne;
Top umondo i cogona, man amiel i kakara;
Kum akoakur be ceng’ mi can ling’ ling’,
Kum bino mi dhanu ma gibino mwonyowa.
17Kum kadok yendubolo bithiwo ngo,
Kadok nyingulok de bibedo mbe kum ulok;
Kadok tic mir ulam de bijwik,
Man pothi bicego cemo moko ngo;
Udul rombe de bithumbre woko kud i kwac.
Man dhok bibedo mbe i dwol:
18Ento anyong’a binega ni kum Yehova,
Mutoro de binega ni kum Mungu mi both para.
19 #
2 Sam 22:34; Zab 18:33 Yehova, ma Rwoth, en e tego para;
Man edwoko tienda calu tiend ruda,
Man ebiketho awotho wi ka ma malu para.
Currently Selected:
Habakuk 3: AB1970
Highlight
Copy
Compare
Share
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
