Ezekiel 48

1Nie maeni en e nying’ mi suru: Ugambre i kajik ma yor ariwa ma malu, i ng’et yo mi Hethlon cil kum kamondo mi Hamath Hazar-enan i kieu mi Dameski, yor ariwa ma malu i ng’et Hamath (gibibedo ku ng’etgi yo nyangu man yo reto), Dan, makapiny acel. 2Man kum kieu pa Dan ugambre i ng’ete ma yo nyangu cil kum ng’ete ma yo reto, Acer, makapiny acel. 3Man kum kieu pa Acer, ugambre kum ng’ete ma yo nyangu cil kum ng’ete ma yo reto, Naftali, makapiny acel. 4Man kum kieu pa Naftali, ugambre i ng’ete ma yo nyangu cil kum ng’ete ma yo reto, Manase, makapiny acel. 5Man kum kieu pa Manase, ugambre i ng’ete ma yo nyangu cil kum ng’ete ma yo reto, Efraim, makapiny acel. 6Man kum kieu pa Efraim, ugambre i ng’ete ma yo nyangu cil kum ng’ete ma yo reto, Ruben makapiny acel. 7Man kum kieu pa Ruben, ugambre i ng’ete ma yo nyangu cil kum ng’ete ma yo reto, Yuda, makapiny acel.

8Man kum kieu pa Yuda, ugambre i ng’ete ma yo nyangu cil kum ng’ete ma yo reto, bibedo girathiera ma wubithiero, kalacne bol rubanga pier ario wi abic, man kaborne ro ku makapiny acel, ugambre i ng’ete ma yo nyangu cil kum ng’ete ma yo reto: man kamaleng’ bibedo i kinde. 9Girathiera ma wubithiero ni Yehova kaborne bibedo bol rubanga pier ario wi abic, man kalacne bol rubanga apar. 10Man girathiera ma leng’ bibedo pi joni, en e ni julam; yor ariwa ma malu kaborne rubanga pier ario wi abic, man yo reto kalacne rubanga apar, man yo nyangu kalacne rubanga apar, man yor ariwa ma piny kaborne rubanga pier ario wi abic: man kamaleng’ pa Yehova bibedo i kinde. 11Ebibedo mi julam ma judwokogi leng’ mi kind wot Zadok, m’ugwoko kur para, m’ukier ungo kinde ma nyithindho mir Israel ukier, calu Julawi kier. 12Man ebibedo igi ni girathiera mi girathiera mi ng’om, gin ma leng’ m’usagu, kum kieu mi Julawi.

13Man m’ulokre ba kieu mi julam, mi Julawi kaborne bibedo rubanga pier ario wi abic, man kalacne rubanga apar: kaborne ceke bibedo rubanga pier ario wi abic, man kalacne rubanga apar. 14Man gibiloko kume moko ngo, kadi awila de, kadi nying’ mwoka ma kwong’a mi ng’ombe de jubikoyo ngo; kum e leng’ ni Yehova.

15Man rubanga abic m’udong’ i kalacne, i wang’ rubanga pier ario wi abic, bibedo mi dhanu, man mir adhura, mi bedo de man mi kwac; man adhura bibedo i kinde. 16Man maeni bibedo porne: ng’ete ma yor ariwa ma malu rubanga ang’wen ku dak abic, man ng’ete ma yor ariwa ma piny rubanga ang’wen ku dak abic, man ng’ete ma yo nyangu rubanga ang’wen ku dak abic, man ng’ete ma yo reto, rubanga ang’wen ku dak abic. 17Man adhura bibedo ku kakwae: yor ariwa ma malu dak ario ku pier abic, man yor ariwa ma piny dak ario ku pier abic, man yo nyangu dak ario ku pier abic, man yo reto dak ario ku pier abic. 18Man dong’ kaborne m’udong’, m’ulokre yo ba girathiera ma leng’, bibedo rubanga apar yo nyangu, man rubanga apar yo reto; man ebilokre yo ba girathiera ma leng’; man nyaine bibedo ni cemo ni ju m’utimo tic i adhurane. 19Man ju m’utimo tic i adhurane, kud i suru ceke mir Israel, gibifure. 20Girathiera ceke bibedo rubanga pier ario wi abic ku rubanga pier ario wi abic; wubithiero girathiera ma leng’ ma ng’ete rom rom, karacelo ku piny mir adhurane.

21Man donge m’udong’ bibedo pa jaditmawijo, i ng’ete kucel man i ng’ete mucelo mi girathiera ma leng’ man mi piny mir adhurane; i wang’ rubanga pier ario wi abic mi girathiera yo ba kieu ma yo nyangu, man yo reto i wang’ rubanga pier ario wi abic yo ba kieu ma yo reto, m’ulokre ba makapiny, ebibedo pa jaditmawijo: man girathiera ma leng’ ku kamaleng’ mi ot bibedo i kinde. 22Mange ke ugambre kum piny mi Julawi, man ugambre kum piny mir adhura, ma ni i kind gin ma pa jaditmawijo, i kind kieu pa Yuda man kieu pa Benyamin, bibedo pa jaditmawijo.

23Man pi dong’ suru m’udong’: ugambre i ng’ete ma yo nyangu cil kum ng’ete ma yo reto: Benyamin, makapiny acel. 24Man kum kieu pa Benyamin, ugambre kum ng’ete ma yo nyangu cil kum ng’ete ma yo reto, Simeon, makapiny acel. 25Man kum kieu pa Simeon, ugambre kum ng’ete ma yo nyangu cil kum ng’ete ma yo reto, Isakar, makapiny acel. 26Man kum kieu pa Isakar, ugambre i ng’ete ma yo nyangu cil kum ng’ete ma yo reto, Zebulun, makapiny acel. 27Man kum kieu pa Zebulun, ugambre i ng’ete ma yo nyangu cil kum ng’ete ma yo reto, Gad, makapiny acel. 28Man kum kieu pa Gad, i ng’ete ma yo piny yo piny, kieu bibedo gambre cil kum Tamar cik kum pi mi Meriba-kadec ba kulo mi Misiri, ba nam ma dit. 29Maeni en e ng’om ma wubipoko ku gagi ni suru mir Israel ni aba, man maeni en e makapiny migi tung’ tung’, Rwoth Yehova wacu.

Dhugang’ man Nying Adhura

30 # Nyu 21:12, 13 Man maeni en e kawok mir adhurane: I ng’ete ma yor ariwa ma malu bol rubanga ang’wen ku dak abic ku por; 31man dhugang’ mir adhurane bibedo calku nying’ mi suru mir Israel, dhugang’ adek yor ariwa ma malu: dhugang’ pa Ruben, acel; dhugang’ pa Yuda, acel; dhugang’ pa Lawi, acel. 32Man i ng’ete ma yo nyangu bol rubanga ang’wen ku dak abic, man dhugang’ adek: en e dhugang’ pa Yusuf, acel; dhugang’ pa Benyamin, acel; dhugang’ pa Dan, acel. 33Man i ng’ete ma yor ariwa ma piny bol rubanga ang’wen ku dak abic ku por, man dhugang’ adek: dhugang’ pa Simeon, acel; dhugang’ pa Isakar, acel; dhugang’ pa Zebulun, acel. 34I ng’ete ma yo reto bol rubanga ang’wen ku dak abic, ku dhugange adek: en e dhugang’ pa Gad, acel; dhugang’ pa Acer, acel; dhugang’ pa Naftali, acel. 35Ebibedo bol rubanga apar wi abora gbur: man nying adhurane ugambre i ceng’ maeca bibedo kumae, Yehova ni kuca.

Currently Selected:

Ezekiel 48: AB1970

Highlight

Copy

Compare