Amos 4

1Wuwinj lembe maeni, wu dhiang’ mi Bacan, ma ni wi got mi Samaria, m’usendo jucan, m’unyono jucanpiny, m’uwacu ni rwodhigi kumae, Wukel, man wek wamadhi. 2Rwoth Yehova kwong’o ku leng’ pare, nia, nen, nindo bibino i wiwu, ya gibiyakuwu ku gol, man dongwu m’udong’ ku gol mi rec. 3Man wubiwok woko ku ka m’umor, ku ba dhanu ng’atuman atira i wang’e; man wubibeiru i Harmon, Yehova wacu.

Israel Upoi Ngo kum Lembapoka pa Mungu

4Wubin ba Beth-el, man wudubi; ba Gilgal, man wumed dubo; man wukel lam mu ku ba rupiny ku ba rupiny, man apaje ma ku ba ceng’ adek ku ba ceng’ adek; 5man wuthier lam mi foc mi gin ma ie ju thobi, man wuyer pi lam mi berocwiny man wurwei pigi: kum maeni nyayu mutoro i iwu, E nyithindho mir Israel, Rwoth Yehova wacu.

6An bende amio iwu leng’ mi lak i adhura mu ceke, ku can kwen i kakewu ceke; ento wulokru ngo i bang’a, Yehova wacu. 7Man acero koth bende iwu, ma fodi dwi mi mwoka dong’ adek; man aketho koth ucwi wi adhura acel, e acere ku cwi wi adhura mange: koth ucwi wi ng’et ng’om acel, e ng’et ng’om ma koth ucwi ngo i wie ener. 8Kum kumeno adhura ario kadi adek gicidho bang’ adhura acel kara gimadh pi, e eromogi ngo: ento wudwogo ngo i bang’a, Yehova wacu. 9Agoyowu ku motho man laimo: ukoko camu udul pothi mu man podho mir ulok mu ku yendubolo mu man yendulam mu: ento wudwogo ngo i bang’a, Yehova wacu. 10Aoro thong’om i kindwu calu mi Misiri: anego awobi mu ku palamularu, man ayaku riuni mu; man aketho ng’wic piny ma rac mi kagonjo mu idho malu cil i odiumwu: ento wudwogo ngo i bang’a, Yehova wacu. 11#Tha 19:24Ang’ielo adhura i kindwu, calu kinde ma Mungu ng’ielo Sodom ku Gomora, e wubedo calu dhumac ma juyudho kud i mac: ento wudwogo i bang’a ngo, Yehova wacu.

12Ka kumeno abitimo kumeni i beng’i, E Israel; man kum abitimo maeni i beng’i, yikri mi rombo ku Mungu peri, E Israel. 13Kum, nen, ng’atu m’ung’ino gudi, m’ucwio yamu de, man m’uyero ni dhanu maram pidoic pare bedo ko; m’uloko kugweno ni mudho, man m’unyono ka ma malu mi ng’om, Yehova, Mungu mir udul, en e nyinge.

Currently Selected:

Amos 4: AB1970

Highlight

Copy

Compare