Amos 3

Tic pa Jabila

1Wuwinj lembe maeni ma Yehova yero i kumwu, E nyithindho mir Israel, kum juot dho m’awodhowu woko kud i Misiri, ewacu kumae, 2Ang’eyowu wu kendwu i kind juudi ceke m’i ng’om: ka kumeno abiliewo kier mu ceke i kumwu. 3Juario biwotho karacelo, tek gikuripo pire ngo? 4Umvor birundo i luli, kinde ma amaci moko mbe kude? nyathin umvor biywak kud i ode, tek k’egamu gin moko ngo? 5Winyo copo podho i uwic wi ng’om, ka ma juciko ie uwic ungo ire? uwic bituk kud i ng’om, tek k’emaku gin moko ngo? 6Jubikudho agwara i adhura, ma lworo kunego dhanu ngo? lem ma rac bipodho kum adhura, ma Yehova kutime en ungo? 7Andha Rwoth Yehova bitimo gin moko ngo, tek k’enyutho lembamung’a pare ngo ni jutic pare ma jubila. 8Umvor rundo; ng’a ma lworo binege ngo? Rwoth Yehova yero; ng’a ma kueu lembe ngo?

Pokolembe wi Samaria

9Wurwei lembe i udi mi ker mi Acdod, man i udi mi ker mi ng’om Misiri, man wuwac kumae, Wucokru giwu wi gudi mi Samaria, man wunen maram yakni bedo ko dit i ie, man maram masendi bedo ko i kinde. 10Kum ging’eyo timo ber ungo, Yehova wacu, gi ju ma gikanu rop kud ayeki i udi mi ker migi. 11Ka kumeno Rwoth Yehova wacu kumae: Jasend bibedo nuti, en e i ng’et ng’om gbur; man ebiwodho tego kud i beng’i piny, e jubiyaku udi mi ker peri. 12Yehova wacu kumae: Calu jakwac bodho tiend lim ario kud i dhu umvor, kadi ng’et ith, e nyithindho mir Israel biboth kumeca m’ubedo i Samaria i gui mi kavuto, man i Dameski i kabedo.

13Wuwinji, man wutuc lembe kum ot pa Yakobo, Rwoth Yehova, Mungu mir udul, uwacu. 14#2 Ub 23:15Kum i nindo m’abiliewo gondri mir Israel i wie, abiliewo pemblam mi Beth-el bende; man tung pemblamne bithumbre woko, man gibipodho i ng’om. 15Man abigoyo ot mi dwij koyo ku ot mi dwij lietho; e udi mi lakliec binyothre, man udi ma dongo bithum, Yehova wacu.

Currently Selected:

Amos 3: AB1970

Highlight

Copy

Compare