Amos 2

1 # Isa 15:1-16:14; 25:10-12; Yer 48:1-47; Eze 25:8-11; Zef 2:8-11 Yehova wacu kumae: Mi gondri adek mi Moab, eyo, mir ang’wen, abiloko masendine cen ungo; kum ewang’u cogo mir ubimo mir Edom udoko ni nunu. 2Ento abioro mac wi Moab, man ebiwang’u udi mi ker mi Kerioth; man Moab bitho ku yakni, ku kok, man ku badwal mir agwara; 3man abikabu japoklembe kud i kinde, man abinego judongomawijone karacelo kude, Yehova wacu.

4Yehova wacu kumae: Mi gondri adek mi Yuda, eyo mir ang’wen, abiloko masendine cen ungo; kum gikwero cik pa Yehova, man gigwoko cik pare ngo, ndra migi ketho gikier, ma calu kwarugi wotho i ie. 5Ento abioro mac wi Yuda, man ebiwang’u udi mi ker mi Yerusalem.

Pokolembe wi Israel

6Yehova wacu kumae: Mi gondri adek mir Israel, eyo, mir ang’wen, abiloko masendine cen ungo; kum giloko ju ma pwe ni mola ma tar, man jucanpiny ku wara ario, 7gi ju ma giketho cwinygi kum utur mi ng’om ma wi jucan, man giloko yo mi ju ma mol cen: man ng’atu ma nico ku won gimondo wi nyaku acel kara gicid nyinga ma leng’: 8man givuto gigi piny i ng’et pemblam kubang’e kubang’e wi kendi ma gigamu ni mukwatu; man i ot pa Mungu migi gimadhu pigulok mi wadi ju ma juketho giculo.

9 # Poi 3:8-11 Ento anyotho Jaamori i wang’gi, ma kaborne calu kabor mi musonge, man e tek calu bongu; ento anyotho nyinge ku malu, man ulage ku piny. 10Man ke awodhowu kud i ng’om Misiri, man apeyowu rundi pier ang’wen i langa, kara wumwony ng’om pa Jaamori. 11#Wel 6:1-8Man ating’o wotwu ni jubila, man kind awobi mu ni Junaziri. Ebedo kumeno ngo, E nyithindho mir Israeli? Yehova wacu. 12Ento wumio pigulok ni Junaziri gimadhi, man wung’olo ni jubila, wuwacu kumae, Kud wueu.

13Nen, abedo adia i thewu calu magali ma pong’ ku kumna bedo adia. 14Man ringo ng’wec birwinyo ni jung’wec; man jatego bidwoko tego pare tek ungo; kadok jatego de bibodhre gire ngo; 15kadok ng’atu ma kilo atum de bicungo ngo; man ng’atu ma jang’wec ma ku tielo de bibodhre gire ngo; kadok ng’atu ma wotho ku riuni de bibodhre gire ngo; 16man ng’atu ma cwinye tek i kind jutego biringo muneru i ceng’ maeca, Yehova wacu.

Currently Selected:

Amos 2: AB1970

Highlight

Copy

Compare