HAKARIA 3
3
Na harii mata rukuna na Ratu Bokulu
1La hili hau harii mata, na-paita-ngganya i MIRI i Ratu Bokulu Yuhua ba talànga ndolaku-na la hangga papalewa-na i MIRI. La perana i Yuhua ndolaku-nanya i Hetangu#Hetangu; Dika la hambeli ngara dika hawiangu. Na tamuna jiaya na tandana ba muhu tau pinu tanaya. na mambàda wai rehingu pakàla-ya. 2Napanii-nya i Hetangu paraïna papalewa-na i MIRI,#Na hau pa-haleli ndai: papalewa-na i MIRI; Imbarani: MIRI. “Màla àruki ka nahuku-nggau i MIRI, ha Hetangu! Màla àruki i MIRI na manamu-ya la Yeruhali ka nahuku-nggau. Na tau yiana beri hama tuna kahupu epi payila welingu la epiya,” wànanya.
3Ba na-ndolaku lai nu i Yuhua paki ma-kanjupu marihaku-ha da papaki-na. 4Ka panii-nanjaka da ma-pambapangu la awangu paraïna papalewa, “Wàru-njawa da paki marihaku pahauna na tau yiana,” wànanja. Tàka lai Yuhua napanii, “Mbàda wàru-nggunjaka da njalamu napa kuwua-nggau paki bidi,” wànanya.
5Ka paràha-nanjaka da angu pambapangu-na pa-pakàna-nya#Da pa-haleli ndai da manda pirada: Ka paràha-nanjaka da angu pambapangu-na pa-pakàna-nya; Imbarani, “Paràha-nja ka da-pakàna-nya,” wànggu. tera lenju maili na katiku-na i Yuhua. Pa-namatungu-danyaka, tàka ba tunaka nu pahau-danyaka paki mabidi ba dàngu hamata-naha paraïna papalewa-na i MIRI.
6Tunaka nu patàka-nanyaka na paniina i MIRI paraïna papalewa lai Yuhua, 7“Jàkau tundunja da Ukunggu dàngu uwundaha da wai ngera pawua-nggau, peku njadi pangalangu-mu liku uru la Umanggu dàngu pa-paloku-ya na talora-na. Napa kurongu-ha da hamayangu-mu, hama tuna ba kurongu-ha da hamayangu-da da papalewa da maninja la lihinggu. 8Ronguwa dumu ha Ratu Bokulu Yuhua, nyimimbu dimi ha ratu - ratu angu lànggina, nyimi jia ndàbakai ninu maüna na rehi hàmu na manàmu-nya. La rehi nu napa ku-palewa-ya na atanggu nu ‘Na Kalunga’ ba wàndanya. 9Ku-bànjalu-ya la hanggana i Yuhua na hau watu ma-kapihungu larana na-pahuratu-nggu napa wàngu patu - tulihu. La hau lodua napa ba kuwàru-nja da njala welingu la tana yiana. 10Jàka jia-yaka na loduna, nimbihu na tau nadunda-nya na lihi umana ka damai papàda-nya na peku dàngu na mambiru la padua wo - woka angguru dàngu da pingi kapilitu-mi,” wàna.
Currently Selected:
HAKARIA 3: KAM
Highlight
Share
Compare
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
