HAKARIA 2
2
Na harii mata rukuna na liku hukutu
1La harii mata na ma-pandutungu kuita-ya na haàtu tau mini ma-kitangu liku hukutu. 2“Nggi lua-munya?” wànggu ba ku-paàrangu.
“Lua pa-hukutu-ya na Yeruhali,” wàna ba nahema, “ka kupinya jàka pira nunjuna dàngu ndàbaru-na na paraingu, wànggu,” wàna.
3Tunaka nu kuita-ya nu na papalewa na mambàda panii dàngga ba napangga hanggangu, hi na-tàbuku-ya paraï haàtu papalewa hawiangu. 4Na papalewa na ma-wungangu napanii-nya na papalewa na padua wàda, “Pa-renggangu palua tomaya na bidi mini papanii-nya ba dira kapàna-ya wàngu tau dàngu banda napa na Yeruhali, hi nda pekuna pa-pahadangu kangeli la winggiru-na. 5Mbàda pa-njanjingu-naka i MIRI ba Nyuna wikima napa manjadi kangeli epi ma-winggiru-nya na paraingu la paopa-nya dàngu napa na-ndàdiku lai nu la nggubulu kawaha dàngu bunjuku-na,” wàmu wànanya.
Da tau tanawangu pa-paaungu beliha
6-7Napanii-nya na banjaru-na i MIRI, “Mbàda paiha-nggunggaika la nggi - nggini. Tàka nàhu ha dimi tau tanawangu, palaiwa welingu la Mbambilu dàngu beliwa la Yeruhali. 8Nggamuya na ma-kaluluku-nggai, kalulukungu-nanya ana wuranggu,” wàna.
Ka paràha-nanggaka i MIRI Hupu Mambiha#Na lawiti Imbarani-na dàmbuda da lawiti kareuku da ma-bonjangu da manda lohangu jàka nggàra wàda. pa-patàka-nya yiana na lii langu la ba - banjaru mambàda rambanya na banjaru-na, 9“I MIRI wikima napa ma-ndubaku kai nyimi! Tàka nyimi, napa da-rambanggai paraï da pambàda ata wikimi.
Jàka na-hàrangu-ka nuna, pimi-nyaka napa bai MIRI Hupu Mambiha mambàda palewa-ka nyungga,” wàmu wànangga.
10Napanii i MIRI, “Ludu hawola-wa, ha dimi ma-ngiangu la Yeruhali! Ba ngiangu-nggunya napa la hongami!” wàna.
11La rehi nu napa nadangu na banjaru mamai lai MIRI panjadi banjaru-na. Napa Nyuna na-ndàdiku la hongami. Ka pi-dimi-nyaka ba mbàda paràha-nanggaka nyungga i MIRI lai nyimi. 12Ka hili mangu paleha-nanyaka napa na Yahunda i MIRI la tana matua-na, dàngu paraingu pa-kanjupu namu-nanyaka napa na Yeruhali.
13Kandii-wa mbuu ndàbami la hanggana i MIRI! Ba mbàda hadangu-naka welingu la pangia-na la awangu, wàmu wànangga.
Currently Selected:
HAKARIA 2: KAM
Highlight
Share
Compare
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
