PANGERANGU 8
8
Na warangu-na na manggàna
1Patingingu-wa! Warangu-nanya na manggàna,
tungu-nanya lii na kaminaku.
2Nyuna na-ndolaku la pinuda da tandula la hingi ànda,
dàngu la pa-hàmburu ànda.
3La pindu bokulu la ànda tama la paraingu,
lai numaya na ngia parongu-ya na talia nggoruna.
4“Ha, nyimi banjaru tau pinu tana, kuwara-nggai nàhu;
nimbihu-mi maluri la pinu tana,
tanaü-ya na lii kamahingu-nggu!
5Nyimi mandedi njara kabu ruku, papekangu-wa ka na-dàkatu na kanandingu-mi;
nyimi manduba, papekangu-wa kai kapata rukumi.
6Katana-hawa da papeka-nggu,
nadu mbuu ndàbada ba ma-paàndangu-ha dàngu ma-pawilingu-ha.
7Da papeka-nggu ma-tubangu hàlaha,
maa ba ku-karaü-dunya eti na kambàliku.#Na hau pa-haleli ndai: kambàliku; Imbarani: akatu.
8Da papeka - papeka-nggu da patutungu ndàba,
nda hauma ma-panjingu-njàngangu jàka ndia manjala.
9La tau ma-halimu kotu, ma-deningu-ya na papeka-nggu,
la tau ma-kaminaku, ma-paàndangu-ya na papeka-nggu.
10Pawili-nyawa na lii panaungu-nggu rihi welingu la àmahu bara,
papingi-yawa na pingu rihi welingu la àmahu rara.
11Nyungga yia kaminaku, kurihi pa-wilingu-pa welingu la mbaraliangu;
nda napeku-a la pa-pamenja wàngga nggàra bia parinju-mu.
12Nyungga yia kaminaku-ka; lai nyungga ninya na kanandingu ma-jàngapu,
na manggàna dàngu na papingu wàngu.
13Na tembiya i MIRI na ihina jiaya karaü-nya eti na ma-akatu;
nda kumbuha-nya na ngànjangu dàngu na abungu.
Ku-karaü-nya eti na huri akatu
dàngu na kareuku kaputingu.
14Nyunggama ma-pajuju.
Tàka nyunggamai ma-palaku-ya.
Ku-halimu kotu dàngu ku-àtalu.
15Kundula-ha da maràmba la pa-palaku-ya na pareta-da,
kujura-ha da ma-kawaha la pa-pandolaku-ya na ma-padeningu.
16Rukuna na hàmunggu da ma-pangora dàngu da tau bokulu dayàpa
pareta dàngu da-palaku-ya na pa-deningu.
17Kunamu-ha da mambuha-ngga nyungga;
na-mahimbu-ka nyungga, napa nahunggu-ka.
18Lai nyungga ninguma pawulu wàngu
dàngu patembi wàngu hamanai na luri mbokaru.#luri mbokaru; jàka ndia: ràka himbalu.
19Na-pangala-mu lai nyungga narihi-nyapa na àmahau rara ihi mbàngina;
narihi pa-wilingu-pa welingu la àmahu bara weli wingungu.
20Kulaku tundunya na ànda mola,
kupangga kikunya na ànda tànji.
21Na tau manamu-ka, ku-pawulu-ya;
kupinu wànya banda malanja na umana.
22Ma-kawungangu-ka ba na-padika-ngga i MIRI,
nyungga-maka kawunga ruku limana la rehi la handàka-na.
23Nyungga nawulu-ka welingu la pa-kiringu-na,
weli mulangu, ba ndedi-mapa na-padika-nya na pinu tana.
24Kudedi, ba ndedipa padika-nya na tehiku lerangu,
ba ndedipa daluhu-ha da mata wai.
25Kudedi ba ndedipa pa-ndolaku-ha da palindi-ka,
ba ndedipa pa-ndingiru-ha da tandula-ka,
26ba ndedipa i MIRI na-padika-nya na pinu tana dàngu na maràda-na,
langatàka ba ndedi-mapa Nyuna na-padika-nya na kawunga kabànda tana.
27Ku-hakahii-nya ba wàlahu-ya na awangu,
dàngu ba walaya na kuru awangu la pinu tehiku,
28ba na-bànjalu-ya na karumangu i MIRI la lumbu awangu,
dàngu ba na-bunggahu-ha da matawai-na na tehiku lerangu,
29ba na-pareta-ya na wai tehiku
ka àmbu napangga-duha da padira-na.
Ba na-bànjalu-ya na latana na tana
nimanggai duku lai nu.
30Ningga la karaha-na beri ana pambuha-nangga,
hau lodu - hau lodu nyungga-maka pingi pola pa-ohangu-na;
naingu-mana ba ku-pajulu la hanggana.
31Ku-hanggela hawola la pinu tanana Nyuna,
dàngu kungera-nya na pa-ohangu la honga tau pinu tana.
32Jia ba tuna patingi-nggawa, ha bidi tau!
Tundu-nyawa na pa-paita-nggunggau ka peku pa-ohangu-mu.
33Kataku-wa panaungu dàngu manggàna-wa,
àmbu pa-halimu-duya.
34Oha-anaka na tau ma-patingi-ngga
na ma-uhuku nimbihu lodu ba na-patiangu la pindu umanggu,
dàngu na madai mànu la pindu bokulu ngia pangiangu-nggu.
35Nggamu mangala-ngga, ngalangu-nanya luri,
lai nyunaya na ngia pa-orangu-na i MIRI.
36Nggamu manda ngalangga, parunggi-nanya wikina;
na tau ma-karaü-ngga eti, mbuhangu-nanya meti,” wàna.
Currently Selected:
PANGERANGU 8: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)