PANGERANGU 7
7
1Namuha da pati - tiki-ngguka, ha ananggu, dàngu àmbu mbula-dunya na pa-paràha-nggunggau. 2Tundu-njawa da lii panau papekangu-nggu ka peku luri hàmumu. Kiku hàmu-manja da pa-papeka-nggunggau hama tuna na manggangu-mu karohu wua mata wikimu. 3Namu mànu-maha nu da pa-papeka-nggunggau, dàngu pakàpa-maha daa la eti dalumu. 4Màtawa kau kakaya na manggàna beri angu dedi-munya dàngu na papingu wàngu beri kandua hàmu eti-munya. 5Na manggàna na-pamarau-kau welingu la kawini ànga, welingu la kawini ma-pakameni eti wàngu kareuku minangu.
Kawini ànga
6La hau na lodu ku-tàngaru welingu la katonga umanggu. 7Ka ita-nggunjaka da bidi mini ndoku da ma-kanguraku biapa; wàngu paihikungu-na ku-hamata-ya na haàtu manduba la hongada. 8-9La malingu ba na-kapàtangu-ka, nuna na bidi mini nalaku la ngia pa-wikitungu-na nu na ànda na ma-hanggangu la ngia pa-ndàdiku-na na haàtu tau kawini. 10-12Nuna na kawini, kawini manda kadeningu la uma-nanya. Tiangu hakudu - tiangu hakudu ni - nimanya la hingi ànda, hili hàlai la mambila-ya, jàka ndia na-ndolaku pa-nedingu la pa-hàmburu ànda. Na nggoda nggàduku-na nda ana wodutu-na dàngu nda napinya na pa-makia wàngu. Kuita-ya luhuna ba dàngu pakina hama tuna paki kawini pahunda hi na-tabuku-ya nu na bidi mini wàngu màhina la eti. 13Tunaka nu hi na-ohuru-nya nuna na bidi mini, hi na-puduku-ya. Nda ningua makia-na ba napanii, 14“La lodu nàhu lupangu-ma ku-mbayaru-ya na panjanji-nggu, ndumana nuna mbàda wotu-ngguka kameti maraku. 15Tuna nuduka hi kuluhu pahimbu-kau, kau ngangu ningu la umanggu. Nàhu jàngapu-nggunggauka! 16Na ngia pa-katuda-nggu mbàda palàmbaru wànggu-nyaka tera linangu manandangu madangu huratu-na ma-pawelingu la Mehiru, 17dàngu mbàda pambii kati-nggunyaka wàngu mbii kati hangia - hangia welingu la emuru, nitu dàngu kaninggu. 18Nàhu, mainguwa ka ta-padoputu parohu ba tawàngu pakiku-nya na pambuha etinda lundu ta-kanjupu-ya na rudungu. 19Na leinggu nda ni-anya la uma, talànga pàlaku marauna. 20Nyuna nangàndi padangu àmahu, nda jia beli-ana la dalu dàmbu minggu,” wàna. 21Tuna nu duka nuna na kawini ba nanggeli-ya na bidi mini, ba nawàngu papama - mandanya ba na kameni-ya na etina hi lundu na-tamaï. 22Ba dàngu nda kanandi-nanya laku tundu-nanyaka nuna na kawini beri hamana na hapi pairu la ngia parupu dàngu beri hama tau pa-tahangu na pangàndi ka nangala-nya na hukungu nduma tau nduba; 23nda pira-ama-napa ba nalumbu làpahu-nya pana na etina. Hama tuna na ma-hawurungu na ma-hawuru hanggangu la hiru, tumbuna nuna na bidi mini ba nda nambuti-nya ba hanggàmaru-nanya na lurina.
24Jia ba tuna, ha dimi anakeda, patingi-nggawa. Eti-wànjawa da lii panau papekangu-nggu. 25Àmbu pahia-dunya na kawini tungu nu payila-ya na etimu; àmbu luadu pahimbu-ya nyuna, 26nadu ba mbàda pa-làjaru-nanyaka na lurina na tau mini dangu. Nda papingu biapa padiha-ya na danguna na tau na mambàda tàlaru rukuna nyuna. 27Nu ba lua la umana, hama-maana ba li la ànda ratahu na ma-hanggangu la meti.
Currently Selected:
PANGERANGU 7: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)