PANGERANGU 9
9
Na manggàna dàngu na nduba
1Na manggàna nawulu-ka umana, dàngu na-patinja-njaka da pihu mbungu kambaniruna. 2Mbàda rupu-naka banda pambabu wàngu, na-paloku wai angguru dàngu na-payemangu pangangu. 3Da kawini ma-paloku na-palewa-ha pawa - wara welingu la pangia majangga la paraingu, 4“Nggamu manda ndàmangu, maiwa nàmu!” wàda. Hanggangu la manda ningu eti diha kanandingu napanii na manggàna, 5“Maiwa kai nganja da pangangu dàngu kai ununja da angguru pa-paloku-nggu. 6Laku wàru-nyawa na nduba, ka peku luri pa-ohangu-mu. Tundu-nyawa na ànda tau pingu,” wàna.
7Jàkau paita-nya njalana na tau manda bihu ka ajaru-ya, napa nariki-nggau. Jàkau mbeninya na tau akatu, napa natola pa-iraku-kau. 8Àmbu paaka-nya na tau manda bihu ka ajaru-ya, napa na-karaü-nggau eti. Tàka jàkau paita-nya njala na tau manggàna, jiangu-ma natunggau wilimu. 9Jàkau panaunya na tau manggàna, napa na-bonjangu na manggàna-na. Dàngu jàkau papeka-nya na tau ma-karadaku-nya i Ala, na-bonjangu na pinguna.
10Ka peku manggàna-na, na ma-wungangu lupangu-ma bàdi na tau na-pamangilu-ya la patembi-ya dàngu pa-karadaku-nya i MIRI. Jàkau tandaya i Mahupu-matua, napa ungalangu kanandingu ma-jàngapu. 11Na manggàna napa nawua-nggau malai luri. 12Jàkau mangunya na manggàna, nyumu wiki ma-utungu. Tàka jàkau jukaru-nya na manggàna, hili nyumumai marunggi. 13Na nduba beri hamana na kawini karepaku manda ndàmangu dàngu nda makia. 14Na pangia-na la pindu uma-nanya jàka ndia la pindu bokulu paraingu-ya. 15Welingu lai nu hi nawara-nya na tau na manàhu-nya. Na pamanda-nya na tau tànji eti, 16“Laku li pàku, ha nyimi mandedi ndàmangu!” wàna. Tàka la tau manda ningu eti diha kanandingu napanii, 17“Na wai pamanganga narihi mànjaku-pa, dàngu nangaa kawiningu narihi-pa palàngga,” wàna. 18Da ta - tauka da pauhu-na nda dapi-anya jàka nggamu malua tomaya ba hunggu-nanya na hupu njàpu lurina lai nu; dàngu nyuda da mambàda tama la umana, ninjaka nàhu la parai tau meti.
Currently Selected:
PANGERANGU 9: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)