PANGERANGU 25
25
Da lii papekangu hawiangu welingu lai Halomu
1Yiada yia jiaha da lii papekangu hawiangu welingu lai Halomu na pa-tulihu pakiku-da da tau la kuru umana i Hihikia, na hanganji Yahunda.
2I Ala pa-pabokulu-ya rukuna ba ningu pa-pakàpi-na;
na hanganji patembi-ya rukuna da pa-kaloka-na.
3Beri hama tuna tehiku lerangu na ma-manjolungu dàngu na awangu majangga,
tuna numbu na kanandingu hanganji ba nda pa-ngalangu-a pa-palàda-nya.
4Paili pàkuya na àmahu bara welingu la tai bàhina,
hina-duka na ihi mbàngina hi na-pandoi-ya paraï tau tuku.
5Pa-hinggilu-ha da ma-panaungu da ma-akatu welingu la uma hanganji,
hina-duka hi na-màndungu na pareta paraï mamola.
6Jàka hurungu la hanganji, wàngu karàda eti bàdi,
àmbu pahada tau bokulungu-du.
7Narihi hàmupa ba paràha-nggau pahei la pangia marihi hàmu
welingu ba paràha-nggau pawua-nya na pangia-mu la marihi-nggau pajangga.
8Àmbu renggadu pangàndi palakara la hangga ma-patandangu ngera;
nadu, jàka ita-yaka na njalamu la malamiri
ka hili nggiki wàmuika?
9Na pahilitu kanandingu la angumu, panjàpu mehaya dàngu nyuna-a,
tàka na pakàpi tau hawiangu àmbu bunggahu-duya.
10Nadu, napa nyumu tau mbàdi ngaruya wànanggau tau
hi naruha wàngu na tamumu lundu njàpu lurimu.
11Na-kanandingu pa-paluhu na ma-nggànangu la rehi mana duna
beri wua àmahu raraya la kaba julangu àmahu bara.
12Na hàngga tau kaminaku la tau ma-mbuhangu parongu-ya,
beri hama tawuru àmahu rara jàka ndia paki àmahu raraya.
13Na tau pa-palewa na ma-tuturu, na-pahàmu-ya na eti ma-palewa-ya,
hamana na wai maringu mànjaku la tau mamuti la woka.
14Da para - ràndika da panda pa-tutungu,
hama karumangu dàngu ngilu manda pa-purungu urangu-ha.
15Na lerangu eti pa-kariangu kamàhaku
na-ngalangu pawaiya tau ma-kuaha, dàngu na-uraku hàlaya na ma-pandubaku.
16Àmbu nga pada - dangudu manggaluangu;
napa nalabu-du na etimu.
17Àmbu tika palua mànu la uma angumu,
napa nahoda-duya hi na-karaü-nggau eti.
18Na pakàla manda tubangu pameti wànguya,
hama tuna hapanda, ai palu jàka ndia pana dàkaya.
19Monunya na tau kaleka eti la rehi harui
hamana ba nyama wàngu ngàndu nggoda
jàka ndia pangga wàngu wihi kanjiku.
20Ludunya na tau handuka
hamana ba pa-kalulu-ya la rehi maringu hama-mbuna ba burinya kadoha na ma-manua-na.
21Jàka namanjuu na muhumu, muwua-nya pangangu;
jàka namadau, muwua-nya pa-unungu.
22Jàka tumunya nu pa-makia-dumu-nyaka
hi na-pakanyuru-kau i MIRI.
23Na ngilu nàmu diangu lupangu-ma na-papuru-nya na urangu;
tuna numbu na minjiku ba lupa na-patumbu-ya na pambeni wàngu.
24Ndàdiku la kabihu hindi narihi hàmupa
welingu ba kahau uma dànya na papaha na mambuha-nya na pa-lumungu.
25Ba ngalangu lii langu hàmu welingu la tana mamarau
hamana ba unu wai maringu mànjaku jàka tamadau.
26Na tau hàmu na ma-pawawa la tau akatu
jiaya na mahama-nya na mata wai kanubaru jàka ndia na humuru marihaku.
27Nda nahàmu la panga pa-rihingu manggaluangu,
tuna numbu ba nda nahàmu-a la palalu#Na hau pa-haleli ndai: la palaluImbarani: la pahimbu. wotungu tau.
28Na tau manda roputu wikina
hamana na paraingu na mambàda tanyungguru tindingu ngia pa-torungu-na.
@LAI 1995 Indonesian Bible Society (Lembaga Alkitab Indonesia)