DIHA 26
26
Na pa-panduangu wàna ba diha
1Ba na-làpahu-ka na tàparu napanii i MIRI lai Muha dàngu i Eliahàru, anana i Harungu, 2“Lupangu-ma nyimi ipaloku-ya na diha la nggubulu banjaru Ihirailu pa-namatu-nya na kali - libaru-mana. Mbuu ndàbana na tau mini na madua kambulu ndaungu lurina, jàka ndia na marihi-kai na mapeku patama la ndihi tanatara, lupangu-ma tulihu-ya,” wàna. 3-4I Muha dàngu i Eliahàru da-pahàra-nya nuna na pareta. Dapaau ndàbanya na mini na madua kambulu ndaungu lurina dàngu na marihi-kai, hi da-pauhi-nja la ma-ndidaru Muapu, la hapapa Luku Yorundangu la lihi paraingu Yeriku.
Yiada jiaha da tau da maluhu welingu la tana Mehiru:
5Welingu la kabihu Rumbingu, kawunga anana i Yakupu: Kalibaru Henuku, Palu, 6Hehirungu dàngu Kàrami. 7Da tau mini la kalibaru yiada 43.730-ha nggubulu-da. 8Na anana i Palu jiaya i Eliapu. 9Tàka da anana i Eliapu jiaha i Nemuilu, i Ndatàngu dàngu i Ambiràmu. Jiaha i Ndatàngu dàngu i Ambiràmu, yiada-maka da pambàda pindi banjaru, na nyuna da-pambulungu dàngu da makiku-nya i Kora la pa-ndubaku-ya i Muha dàngu i Harungu dàngu la palawa-nya i MIRI. 10Ka tawanggahu-nanyaka na tana hi nahoba-ha nyuda, hi dameti anguda, i Kora dàngu da makiku-nya ba na-patàlaru-ha epi da 250 tau mini. Nuna nu jiaya na pa-panamu wànya na banjaru Ihirailu. 11Na nyuna da anana i Kora nda pa-pameti kariangu-aha.
12Welingu la kabihu Hamiungu: Kalibaru Nemuilu, Yamingu, Yakingu, 13Heràhu dàngu Haulu. 14Da tau mini la kalibaru yiada 22.200-ha nggubulu-da.
15Welingu la kabihu Nggàtu: Kalibaru Hepungu, Hanggi, Huni, 16Ohuni, Eri, 17Arutu dàngu Areli. 18Da tau mini la kalibaru yiada 40.500-ha nggubulu-da.
19-21Welingu la kabihu Yahunda: Kalibaru Hiyela, Perihu, Heràhu, Hehirungu dàngu Hamulu. Da tau madua da anana i Yahunda, nu i Eru dàngu i Onàngu, mbàda meti-daka la tana Kanaàngu. 22Da tau mini la kalibaru yiada 76.500-ha nggubulu-da.
23Welingu la kabihu Ihakàru: Kalibaru Tola, Pua, 24Yahupu dàngu Himurungu. 25Da tau mini la kalibaru yiada 64.300-ha nggubulu-da.
26Welingu la kabihu Hembulungu: Kalibaru Heritu, Elungu dàngu Yàhaleyilu. 27Da tau mini la kalibaru yiada 60.500-ha nggubulu-da.
28Welingu lai Yuhupu, na ma-anangu tau madua anakeda mini: Kabihu Manahi dàngu kabihu Epuraïmu.
29Welingu la kabihu Manahi: I Makiru anana i Manahi, jiaya na amana i Nggiliatu; tàka da kalibaru ma-pandàkingu yiada jiaha da ana umbuku-na i Nggiliatu: 30Kalibaru Iyehiru, Heliku, 31Àharialu, Hekimu, 32Haminda dàngu Hepiru. 33I Helapehàtu anana i Hepiru, nda ningua anana mini, mbulungu anakeda kawini-aha. Da tamuda jiaha i Màhala, i Nua, i Hòkula, i Miluka dàngu i Tiràhu. 34Da tau mini la kalibaru yiada 52.700-ha nggubulu-da.
35Welingu la kabihu Epuraïmu: Kalibaru Hutela, Mbikiru dàngu Tahàngu. 36Na kalibaru Eràngu jiaha da anana umbuku-na i Hutela. 37Da tau mini la kalibaru yiada 32.500-ha nggubulu-da. Nudaha da kalibaru ana umbuku-na i Yuhupu.
38Welingu la kabihu Mbanyamingu: Kalibaru Mbela, Àhambilu, Ahiràmu, 39Hapupàmu dàngu Hopàmu. 40Da kalibaru Aritu dàngu Naamàngu jiaha da ana umbuku-na i Mbela. 41Da tau mini la kalibaru yiada 45.600-ha nggubulu-da.
42Welingu la kabihu Ndàngu: Kalibaru Huhamu. 43Da tau mini la kalibaru yiana 64.400-ha nggubulu-da.
44Welingu la kabihu Ahiaru: Kalibaru Yimuna, Yiwihu dàngu Mbiria. 45Da kalibaru Hembiru dàngu Màlakialu jiaha da ana umbuku-na i Mbiria. 46I Ahiaru haàtu-na na anana kawini na ma-tamungu Hera. 47Da tau mini la kalibaru yiada 53.400-ha nggubulu-da.
48Welingu la kabihu Nàputali: Kalibaru Yaheyilu, Ngguni, 49Yehiru dàngu Hilimu. 50Da tau mini la kalibaru yiada 45.400-ha nggubulu-da.
51Nggubulu mbuu ndàbada da tau mini Ihirailu 601.730-ha.
52Napanii i MIRI lai Muha, 53“Pabe - beri-nyawa nuna na tana la kabihu - kabihu banjaru Ihirailu pa-namatu-nya na bokulu-na na nimbihu kabihu. 54-56Na pawàngu ba pa-beringu tana jiaya ba wàngu patunja undi. Na kabihu na ma-bokulu wuanya ma-bokulu-ma bàdi, tàka na kabihu na makudu wuanya makudu,” wàna.
57Na kabihu Lewi jiaha da kalibaru Nggerihongu, Kehàtu dàngu Marari. 58La ana umbuku da nyuda jia mbuha da kalibaru Lipuni, Hemburungu, Màhali, Muhi dàngu Kora. I Kehàtu jiaya na amana i Àmuràmu. 59I Àmuràmu napaha-ya i Yòkuhembitu anana i Lewi. I Yòkuhembitu dedina la Mehiru. I Àmuràmu dàngu i Yòkuhembitu tau madua-ha da anada mini: i Harungu dàngu i Muha dàngu haàtu-na na anada kawini, nu i Miriyàmu. 60Tau mapatu-ha da anana mini i Harungu, nu i Nandàpu, i Ambihu, i Eliahàru dàngu i Itamàru. 61I Nandàpu dàngu i Ambihu dameti-ha ba talànga hunggu maraku wànguda epi panda mbuhana i Ala. 62Da tau mini la kabihu Lewi da mahau wulada jàka ndia da marihi-kai 23.000-ha nggubulu-da. Nyuda pa-hekangu-ha welingu la angu banjaru-da ba tulihu-ha, nadu ba nda pa-wuangu-ha tana kangeha la Ihirailu.
63Tuna nuduka na huratu pa-pandoi-da i Muha dàngu i Eliahàru rukuda da kalibaru Ihirailu ba da-paloku-ya na diha la ma-ndidaru Muapu la hapapa Luku Yorundangu la lihi paraingu Yeriku. 64Welingu la tau da pa-tulihu-da i Muha dàngu i Harungu la maràda telangu Hinai nda haàtu-mbupa maluri. 65Mbàda panii-naka i MIRI, ba dameti ndàba napa nyuda la maràda telangu tàka deningu-mana ba dameti nyuda mbuu ndàbada, hinggiluda i Kalipu anana i Yapuni dàngu i Yuhua anana i Nungu.
Currently Selected:
DIHA 26: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)