NAHUMU 2

Na mberana na Naniwa

1Ha dumu Naniwa, patingingu-wa!

Nàmu-nyaka na mawuku-ya pa-nyungguru kau!

Dai-hawa da tindingu ngia pa-torungu!

Hamata pahàmu-nja da ànda!

Hawaritu-wa pa-pabera.

(2Langatàka, napa na-pahàmu beliya i MIRI na pa-hamemu-wàna na Ihirailu, ka jia beliya hama tuna la handàka-na, ba ndedi naramba-nya paraï da muhuna.)

3Da temingu muhu darara,

tàka da paki ndihida hama wai riaha.

Na muhu ma-panjàkapu ehingu-mana-nyaka.

Hama epiha, da-kajilaku bàhi kareta-da.

Da njarada#Talànga wanguna na-njenjangu ningu-mapa ba tuna yia na ihina: Da njara; Imbarani: pingi hanombaru. da-kajeki ndàba.

4Da-pairihungu, nalaku-da da kareta la ànda.

Dapaya - yaulu la mambila.

Hama hulu ma-kandulangu-ha ba itaha,

da-talanjiru pa-mbangatungu hama kabàla-ha.

5Pa-paaungu-ha da parawira palaku hanggangu;

datu - tunjuru ba da-karoruku.#da parawira ... da-karoruku; Na lawiti Imbarani-na nda na-lohangu-a jàka nggàra wàna.

Ri - ringada ba da-hanggangu la kangeli paraingu,

hi lu patinja-nja da pa-tumburu wàngu.

6Da ngaru wai mbuu ndàbada da luku da-habonga-ka,

ka kanggupuku ndàba-nanyaka na ihi uma hanganji!

7Na maràmba kawini payàpa-yaka,

da ata kawini da-kanjaïku dàngu da padudurungu,

ngu - nguda hama tuna rawa,

dàngu data - tambungu kuruda paraï pa-handuka.

8Dawàngu pa-tanyumbalu da rayatu Naniwa ba dapalai,

hama tuna wai maluhu la kamutu ma-tamburi.#Talànga wanguna na ihina: da rayatu ... ma-tamburi.

Ningu mawara, “Jiaka, jiaka!” na mawàna.

Tàka nda ningua ma-mbuhangu pabeli.

9Wàhi-hawa mbuu ndàbada da àmahu marara mabara-na!

Dabundu làndangu da pawulu wàngu la paraingu yiana!

10Nakabu-ka na Naniwa, na-malinggitu kahàna.

Dahala da eti paraï pa-mangàdatu.

Da-malijangu dàngu da-kandàndaku da kambàku.

Da-tawàla bara da matada mbuu ndàbada da tau.

11Nggini-yaka nàhu na paraingu nuna?

Na paraingu ba hama liangu-ya na ngia pa-pahibungu hinga?

Ngia pawua-nja pangangu da ana hinga,

ngia pa-orangu hinga mini dàngu bai hinga,

pangia ma-mambiru nduma da anada?

12Àmangu lai nu na-njàkilu payàpa-na na hinga,

hi nahira-ya nduma baina dàngu anana.

Napinu-ya na hibuna wàngu

kabu tolungu payàpa-na.

13“Nyungga yia muhu-mungga,” wàna i MIRI Hupu Mambiha. “Kutunu pambuta-ha napa da kareta-mu. Napa da-hanggubalu la pa-hanjàlungu da panjuri-mu, dàngu kupiti-ha napa mbutada da pambàda pitimu welingu la tau hawiangu. Nda pahili rongu-ahapa napa da pakaruhi-da da papalewa-mu,” wàna.

Currently Selected:

NAHUMU 2: KAM

Highlight

Compare

Copy