NAHUMU 1

1Yiana-ya na lii languna i Ala rukuna na Naniwa. Nuna na lii langu pa-palohangu wàngu harii mataya na pa-wuangu lai Nahumu, haàtu wunangu welingu Elikòhu.

Na hànggana i MIRI la Naniwa

2Nda na-mbuhangu-a i MIRI ka ningu angu pa-hihingu-na,

na tau na mandubaku-ya, jianguma nahuku-nya.

Wàngu mbumbaru-na na hànggana,

na-palimba-nja da pawunda-da.

3I MIRI nda narengga mbenia;

tàka na nyuna kanjupu ma-kawaha-mbuya hi lupa jàka

nggamu mawunda manjala nda jia pamara-ananya

welingu la huku-nanya.

La nggiya nalaku ningu i MIRI lai nu natungu na làpuru;

la ngia padili wihina, hama karumangu-ya na kumburu tana lai nu.

4Na-pangàdu-nya na tehiku hi na pamihi-ya,

mbuu ndàbada da luku, na-panjàpu-ha da waida.

Na Palindi Kàramilu dàngu da maràda rumba la Mbahàngu da-katukuru

dàngu da-malaï ndàba da wàla ai la Limbanongu.

5Da-kandàndaku da palindi la hanggana Nyuna; dàngu

dalui ndàba da tandula.

Wudaku jàka wànaka i MIRI, na-kanggauhaku na pinu tana,

na pinu tana dàngu na mangia-nya da-kandàndaku.

6Jàka nahàngga i MIRI nggamu ma-torungu?

Nda ningu mapeku hinggilu-nya na mbenina?

Na-hanubuku-nya na hàngga-na na ma-kandulangu

da-karunggutu da watu hi kumburu tanaha la hanggana.

7Nahàmu etina i MIRI, na-opangu banjaru-na jàka da-handuka,

na-manggangu tau ma-handera lai Nyuna.

8Hama tuna iwa obungu ma-pakauta,

na-pakabu-ha da muhuna.#Da pa-haleli ndai da manda pirada: da muhuna; Imbarani: da pangia-na.

Da matoru mbeni pa-ndubaku-ya

na-nàhaku wànja meti hi dambuta.

9Nggàra biaya na pawuku-mu ka ndubaku-ya i MIRI jàka wàmu,

jiangu-ma ba kaba watuya na pahangga-mu.

Nda jia pa-nduangu-ana pa-himbalu kiringu-na#Na hau pa-haleli ndai: pa-himbalu kiringu-na; Imbarani: hada lumbatu.

hanggangu la muhu - muhuna.#Na hau pa-haleli ndai: muhu - muhuna; Imbarani: pa-mayila.

10Napa pahulu-kau hama tuna rembi màdu

hama tuna rii madàka pa-kalutungu.#La lawiti Imbarani-na, nda na-lohangu-a na ndalaru 10.

11Welingu lai nyumu, ha dumu Naniwa, mbàda ngonjaru-naka na haàtu mambinu wàngu pawuku akatu-na. Nawuku-ya la pa-ndubaku-ya i MIRI. 12Ka panii-nanyaka i MIRI la tau Ihirailu, banjaru-na, “Jiapa-kai ka da-kapingatu da tau Ahuru dàngu nadangu na dihada, ba tuna pa-pakabu-ha napa hi da-molungu. Ha dimi banjaru-nggu, mbàda pa-mayila-nggunggaika, tàka nda jia hili wunda-anggu-nyapa nuna. 13Nàhu pahupu-nggunyaka na kawaha-na na Ahuru lai nyimi, dàngu kubota-ya na nggili bàhi mahondu-kai,” wàna.

14Yiana-yaka na botangu-na i MIRI rukuna na-banjaru Ahuru, “Nda ningua napa ana umbuku-da ka da-kahanga ma-pahilungu la banjaru-da. Da kahala hada marapu da maninja la uma marapu-da ku-pa-karunggutu-ha napa. Paloku haha-nggunya na pangia reti nduma tau Ahuru, ba nda ràka-ada paluri!” wàna.

15Tàngaru-ya ba nàmunya nalii ningu la palindi - palindi na haàtu papalewa, mangàndi lii hàmu dàngu lii mànangu. Ha dimi banjaru Yahunda, mbabu-nyawa na lodu bokulu-mi dàngu wotu hawa da papeka-mi lai Ala. Nda jia hili pareta-ana-nyapa tau akatu na tanami. Pa-pakabu ndàba-haka nyuda.

Currently Selected:

NAHUMU 1: KAM

Highlight

Compare

Copy