MIKA 6

Na kàla-nanya na Ihirailu i MIRI

1Patingi-nyawa nggàraya na pakàla wànanya na Ihirailu i MIRI. Hada lumbatu-wa ou MIRI panii-yawa na pakàla-mu! Màtawa da palindi dàngu da tandula ka darongu-ya jàka nggàraya na papanii ba wàmu.

2Ha dimi palindi, ha dimi latana na tana, patingi-nya na-pakàla-na i MIRI! Ningu palakara-na Nyuna dàngu na Ihirailu na banjaru-na dàngu karuhi-nahaka nyuda.

3Napanii i MIRI, “Ha dimi banjaru-nggu, nggàra-yaka na pambàda wundanggu lai nyimi? La nggàra ngeraka ba ku-pahanduka-kai nyimi? Hemaka nu! 4Mbàda iru ngàndi-nggunggai-ka nyimi paluhu welingu la Mehiru, dàngu ku-pahàla-kai welingu la ata; mbàda palewa-ngguhaka i Muha, i Harungu dàngu i Miriyàmu pa-kapipi-kai nyimi. 5Ha banjaru-nggu, ngàda-yawa jàka nggàraya na pambàda pa-kakangu-na i Mbalàku na hanganji Muapu hanggangu lai nyimi, dàngu jàka nggàraya nahema-nanya paraïna i Mbiliamu anana i Mbeuru. Ngàda-yawa jàka nggàraya na manjadi la ngarangia ba làpahu-nya la ngia pa-pamaüngu Hitimu ba ndedi tàkanya la Ngginggalu. Jàkai namuha nuda mbuu ndàbada napa ipàdanya jàka nggàraya na pambàda wundanggu la pa-pahàla-kai nyimi,” wàna.

Da hunggu maraku da pambuha-na i MIRI

6Nggàraka bàdi pahunggu maraku-nda lai MIRI, na Ala la awangu, jàka tamai palumu-nya Nyuna? Lupangu-maka ihu bàdi tangàndi kamboka hapi mahàmu halawàla pawotu ka kameti maraku lai Nyuna? 7Nahàmu ihu na etina i MIRI jàka tangàndi-nya diha rata mbimbi jàka dia mina haitungu mabundu làndangu? Lupangu-maka ihu bàdi tawotu-ha da kawunga ananda pa-palohu wàngu rukuda da njalanda? 8Ndia-a! Mbàda peka-nandaka i MIRI jàka nggàraya na mahàmu. Na pa-karuhi-na lai nyuta jiaya ka tawàngu mamola la pawunda-nda, tawunda mànuya na paaï panamu, dàngu wàngu karàda eti ba taluri kahau dànya na Alanda nyuta.

9Kanandingu ma-kanjupu pa-àndangu-maya la pa-mangàdatu-nya i MIRI. Nyuna nawara-nya na ihi paraingu, “Rongu dimi ma-pauhi la paraingu! 10La umada da tau akatu ningu malanja pa-ngalangu wàngu kaputingu. Dawàngu nggatangu manda pa-deningu, huda manggunya na pawunda tungu nu. Napa kuhuku-nya na tau na mawunda-ya nuna. 11Nggiki hama jàma bia-nggunya na tau mawàngu timbangu manda pa-deningu? 12Da tau mawulu la paraimi da-kapidihu tau mila, tàka nyimi mbuu ndàbami ma-kambàliku-kai. 13Nàhu pa-kiringu-nggunyaka papalu-kai dàngu pa-pakabu-kai ruku njalami. 14Napa ingangu, tàka ndai mbihua – tàka pa-daingu manjuu biami. Napa nyimi idandangu malanja, tàka nda peku àhalu-aminja, nggàra biaha da pa-àhalu-mi napa ku-pakabu-ha la pabera. 15Napa nyimi ihàbarungu uhu nggàndumu tàka ndai mutia ihina. Ipandoi mina welingu la wua haitungu, tàka ndai ngalangu-a paila wànya na minana. Ipohu wai angguru tàka nda jia unu-àminya. 16Mbuu ndàbada nuda danjadi, rukuna bai kikunja da pawunda-na i Hanganji Omuri dàngu i Hanganji Ahàpu na anana. Nyimi ikikunja da pawàda nyuda. Rukuna nuna napa ku-pakabu-kai, dàngu napa pa-kamibingu-kai dàngu da-pawawa-kai paraï mbuu ndàba banjaru,” wàna.

Currently Selected:

MIKA 6: KAM

Highlight

Compare

Copy