MIKA 4
4
I MIRI na-pareta-ya na pinu tana wàngu mambiru
(Yhya. 2:2-4)
1La lo - lodu na-manàmu-nya
napa na-kahuluku na tandula Umana i MIRI.
dàngu na-ndolaku bànduku
làpahu-nja da tandula.
Da banjaru mbuu ndàbada da pa-jurungu lai nu
2napa nyuda mbuu ndàbada dapanii,
“Màlawa ka tahei la tandula-na i MIRI#tandula-na i MIRI; Tandula Hiungu (tàngaru-ya la kalokatu hilu).
la Umana na Ala Ihirailu!
Napa na-papeka-nda nyuta jàka
nggàra bàdi pawunda-nda.
Napa nyuta ta-namatu-ya na àndana Nyuna
nadu na lii papekangu-na i MIRI ba welingu la Yeruhali-du;
welingu la Hiungu i MIRI napanii la banjaru-na,” wàda.
3Napa i MIRI nabota palakara-da
da ba - banjaru,
palakara-da da nanggara - nanggara ma-kapingatu,
da mamarau hamangui da ma-mareni.
Da hapanda-da datuku-ha panjadi luku
tàka da nimbuda danjadi kahidi pa-ridihu wàngu kalunga.
Da banjaru nda da-maràngga pa-kalulukungu-apa,
nda da-hawàritu-mbupa pa-pabera.
4Nimbihu-na na tau napa naluri nda nggàra ehina dàngu na-mambiru
la woka angguru dàngu la woka kapilitu-na;
nda ningu makàli pa-mangàdatu-ya nyuna,
nunaya na njanjina i MIRI Hupu Mambiha.
5Nimbihu na banjaru la pinu tana
da-karadaku dàngu da-lumungu marapu wikida.
Tàka nyuta duta napa ta-karadaku lai MIRI na Alanda
dàngu hi talumu-nya lundu nu - nu.
Na Ihirailu napa nabeli welingu la tanawangu
6Napanii i MIRI, “Napa natàka narehi pauhi-nggunja da tau pa-hukungu, nu nyuda da ma-mayila la tanawangu. 7Nyuda pambàda pa-kaliparu-haka dàngu damarau welingu la kotaku-da. Na nyuna, welingu la tau nuda da pa-manjabii, napa ku-pakiri-nya na ndalaru bidi. Napa danjadi-ha banjaru bokulu ma-kapingatu. Napa ku-pareta-ha nyuda la Tandula Hiungu lundu nu - nu,” wàna.
8Tàka dumu nyumu Yeruhali, na ngia padaina banjaru-na i Ala, hama tuna mini pawangu madai kabàba mbimbina, napa nyumu parai puhu pareta belikau la pa-hanganji-mu hama tuna la wungana. 9Ka nggikina hiu hii kaladaku? Ka nggikina hiu mayila hama tuna kawini ma-habola? Jia-yaka ba nda ningu hanganji-mu, dàngu ba mbàda meti-daka da ma-panaungu-mu? 10Ha dimi ma-mandapu-nya la Yeruhali, kauli-wa dàngu kaingu-wa hama tuna kawini ma-habola! Nadu, nàhu ba lupangu-ma bàdi idunjaku-nya na paraingu kai ndàdiku la maràda. Lupangu-ma bàdi ilaku la Mbambilu, na nyuna napa lai nu na-pahàla-kai MIRI welingu la muhu - muhumi. 11Nadangu na banjaru na mbàda pauhi pa-kaluluku-nggau nyumu, ha Yeruhali! Dapanii, “Pa-karunggutu-maya bàdi na Yeruhali! Napa maita-ya nuna na paraingu ba bundu watu tanyungguru-ya,” wàdanggau. 12Tàka da banjaru nuda nda dapi-anya jàka nggàraya na pa-pakaka-na i MIRI. Nda dapàda-anya ba pa-pauhingu-ha nyuda ka hukunja, hama tuna ba pauhingu uhu nggàndumu ka pàmbalu-nja.
13Napanii i MIRI, “Ha dimi ma-mandapu-nya la Yeruhali, lakuwa pa-tarohaku-ha da muhumi! Napa ku-pakapàru-kai hama tuna hapi ma-kadungu bàhi dàngu ma-wuungu wudu. Napa nyimi mi-pakabu banjaru dangu, dàngu da pawulu ruku rambangu-da napa iwotuha lai Nyungga, na MIRI pa-nggubulu awangu,” wàna.
14Ha dimi ma-mandapu-nya la Yeruhali, karai pa-mbanangu-wa ka nandula-kai i MIRI! Pa-nggupulu-taka nàhu! Na muhu ka-luluku-nanya na liku uru Ihirailu!
Currently Selected:
MIKA 4: KAM
Highlight
Share
Compare
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
