YAHAYA 46
46
1Yiana-yaka na hupu njàpuda da marapu Mbambilu;
àmangu da kahala hadada i Mbelu dàngu i Nembu pa-lumungu-ha,
tàka nàhu pawotu-haka la banda,
ba jia-haka da ngàndida da banda njili.
2Nuda da kahala hada nda da-duluku-a pandula-ha da ma-malinggi-ha,
nyuda wiki padendi-ha hama tuna pa-tanawangu.
Nuna-yaka na hupu njàpuda.
3Patingi-nggawa Nyungga, ha dimi wàlana i Yakupu,
nyimi mbuu ndàbami marihi welingu la banjaru-nggu.
Mbàda kabubulu-nggunggaika
piti welingu bai dedi.
4Pa-daingu Ala-mamingga lundu kaweda-mi;
dàngu pa-daingu mangga-nggunggai lundu uwangu-mi.
Nyungga mawulu-kai dàngu pa-daingu kabubulu-nggunggai,
napa kundula-kai dàngu ku-pamàna-nggai.
5Dàngu nggamu-yaka na pa-pahama wàmingga?
Ningu nu ràka ma-pahama dàngga Nyungga?
6Na tau na-bunggahu halopa-na hi naburi-ha da àmahu rarana,
dàngu natimba-nja da àmahu bara la ndahingu.
Nahewa tukangu ma-pandoi kahala hada marapu,
hàla hi na-marubuku-nya na kahala hada pa-pandoi-na.
7Na kahala hada nuna napaku-ya dàngu na-banjalu-ya la pangia-na,
lai nu hanina ba na-ndolaku dàngu nda namàka-a pa-lelingu.
Jàka ningu tau ma-hamaya-nya, nda nahema-a,
dàngu nda na-pahàla-aya welingu la handuka-na.
8Namuya dàngu pangàda-nya,
ha dimi tau ma-katadaku!
9Patanda hàlanja da matumbu la rehi na ma-làpahu;
pekawa ba Alaka Nyungga, dàngu nda hili ningu hawiangu,
Alaka Nyungga, dàngu nda ningua mahama-ngga.
10Weli mulangu mbàda peka-ngguhaka da ma-malamiri,
piti weli àmangu kunyura-mayaka jàka nggàraya napa na manjadi.
Na pabota-nggu napa nanjadi,
na pawuku-nggu jiangu-ma ku-pahàra-nya! wànggu maka.
11Kupaau-nya na haàtu na maningu kuahangu welingu la pahunga lodu#maningu kuahangu welingu la pahunga lodu; tàngaru-ya la 41:2.
na maina hama ma-hawurungu bohuya
la pa-pahàra-nya na pabota-nggu.
Jàka nggàraya na papanii-nggu jiangu-ma ku-pahàra-nya,
jàka nggàraya na pa-pakaka-nggu yiangu-ma ku-palundu-nya.
12Patingi-ngga Nyungga ha dimi tau mangamba,
nyimi mareki-ya ba namarau-mapa na patalu wàngu.
13Napa ku-pamareni-ya na lodu pamara wàngu,
na mànangu na pawua-nggu nda pahili nàdi-ayapa.
Napa ku-pamàna-nya na Yeruhali,
dàngu kuwua-nya patembi-wànya na Ihirailu,” wàna.
Currently Selected:
YAHAYA 46: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
