YAHAYA 45
45
I MIRI nawotu-ya i Korihu
1I Korihu napindi-ya paraïna i MIRI pa-katangu hanganji;
papindi-ya nyuna la pa-panyàku-ha da ba - banjaru
dàngu la pa-pukalu-ha da hanganji - hanganji.
I MIRI napa na-bunggahu-nya pindu paraingu,
nda haua ma-padaingu pa-kabitangu.
I MIRI napanii-nya nyuna,
2“Napa Nyungga ku-payema-nggau ànda;
da palindi dàngu da tandula ku-pedahu-ha,
da pindu - pindu kaliangu napa kubera-ha,
da habàtalu bàhi kupata-ha.
3Ka wua-dunggu-nggauka nyumu napa banda pawulu wàngu da ma-kawiningu,
kau pingga Nyungga MIRI-ka Ala Ihirailu,
na mambàda paau wànggau tamumu.
4Nyumu kupaau-nggau dàngu kutunggau ngara,
jiapa-kai ka ndau tandaka Nyungga.
Ku-patanggu-nggau nyumu la pandula-ya na Ihirailu atanggu,
nadu nyuda ba banjaru papindi-nggunja.
5Nyungga MIRI, nda hilu ningua hawiangu,
Nyungga Ala Mahupu-kamehangu.
Nyumu ku-pambinu-nggau madàka-mu,
jiapa-kai ka ndau tandaka Nyungga.
6Nu mbuu ndàbada hi kuwunda-ha
ka pekuna welingu la pahunga lodu dàngu la patama lodu
mbuu ndàbana na tau ka napingga ba MIRI-ka,
nda ningu ala hinggilu-nggu Nyungga.
7Nyungga ma-padika-nya na harii dàngu na kapàtangu,
Nyungga ma-patàka-nya na kanyuru dàngu na ràtungu.
Nyungga MIRI-ka ma-paloku-ha nuda mbuu ndàbada.
8Ku-papuru-nya na talu welingu la awangu hama tuna urangu,
na tana na-pajàmangu wikina panggepi-ya nyuna,
hi na-patumbu-ya na mànangu dàngu na pa-hàlangu;
Nyungga MIRI-ka mawunda-ha nuda hi danjadi,” wàna.
I MIRI ma-kuaha-ya na pa-nggubulu awangu dàngu na lii ndai
9Ura pàku-anaka na tau ma-patayaku dànya na Mawulu-ya;
nyuna hama tuna na wurungu na ma-ndubaku-ya na mapipi-ya.
Na paàrangu nu na tana wurungu la mapipi wurungu,
“Nggàra ulamu?” ka wàna.
Na hali ura ihu na wurungu
ba nda napingu na mapipi-ya?
10Ura pàku-anaka na tau mapanii-nja da inana da amana,
“Nggikina hi tuna nu ba paana-ngga?” na mawàna.
11I MIRI, Ala ma-matua la Ihirailu napanii,
“Paàra-ngga Nyungga na ngera na manàmu-nya.
Na nyuna àmbu paàra-nya na ngerada da ananggu,
jàka ndia la pa-paràha-ngga la pawunda jàka nggàraya.
12Nyungga MIRI-ka ma-padika-nya na pinu tana,
dàngu ma-padika-nya na tau ka ningu mangia-nya na pinu tana.
Wàngu kuaha-nggu ku-wàlahu-ya na awangu,
dàngu ku-pareta-ha da matalodu, wulangu dàngu kandunu.
13Nyungga makoda-nya i Korihu la pa-paloku-ya na pawuku-nggu
dàngu ka pamàndu-nya pa-bànduku na ma-deningu.
Napa Nyungga ku-palinjaku-ha mbuu ndàba da ànda ngia palina.
Napa nyuna natura beliya na paraingu-nggu na Yeruhali
dàngu na-pahàla-ya na banjaru-nggu na pa-tanawangu,
dàngu nda pawua pa-runungu dàngu nda pa-mbayaru-a,” wàna.
I MIRI Mahupu-mbiha mbàda panii-naka.
14I MIRI napanii-nya na Ihirailu,
“Mangu-njawa da ihi tana Mehiru dàngu da utuna na Hundangu.
Da tau Heimba da manggalaku mangu-munjaka;
da-pandutungu la kajia-mu dàngu ningu nggili bàhida.
Nyuda da-maràbaku hi dapeka,
‘Ni langatàka-nya i Ala la hongami;
nda hili ningua hili hau ala hinggilu-na Nyuna!
15I Ala na ma-pamàna-nya na Ihirailu
Nyuna Ala ma-kawiningu wiki-nanya.
16Mbuu ndàba na tau na ma-pandoi kahala hada marapu;
napa pa-makia-ya dàngu pa-paaka-nya.
17Tàka na Ihirailu napa na-pamàna-nya paraïna i MIRI;
na mànangu-na napa na-padaingu.
Napa nyimi nda pa-pamakia dàngu nda pa-paaka-anggai
lundu nu - nu,’ ” wàna.
18I MIRI ma-padika-nya na awangu,
Nyunama na Ala!
Nyuna ma-padika-nya dàngu ma-unggulu-ya na pinu tana,
nawulu paundu-nya dàngu hi na-ndolaku pa-daingu.
Nda na-padika-anya ka pangia malinggitu kahàna-ya,
tàka hau pa-ngiangu paràka pa-ngiangu-ya.
Nyunama na mapanii,
“Nyunggama MIRI-ka, nda hili ningua hawiangu.
19Nyungga nda kupanii-a la ma-kawiningu,
jàka ndia wàngu kangunduhu-kai.
Nda ku-paràha-anya na banjaru-nggu Ihirailu
ka nahimbu-ka tàka hi kahewa-ma-ana.
Nyungga, MIRI-ka, mapanii-ya na ma-deningu,
dàngu mapeka-ya jàka nggàraya na ma-langatàka,” wàna.
I MIRI Mahupu-mbiha dàngu da marapu Mbambilu
20Napanii i MIRI, “Mi-pauhi-wa dàngu mai pa-kariangu-wa,
nyimi mbuu ndàbami mamara la honga ba - banjaru!
Manduba-ha da tau da mapaï ngàndi kahala hada ai,
dàngu hi da-hamayangu la marapu - marapu da manda màka pa-pamànangu.
21Paniiya na palakara-mu, patàka-nja da mbuti,
màtawa ka da-pa-hamangu.
Nggamu ma-bobaru-ya na rukuna nuna,
dàngu na mapanii-ya weli àmangu?
Ka nda Nyungga-a, MIRI?
Nda ningua ala hinggilu-nggu Nyungga.
Nyunggama Ala ma-padeningu dàngu Ma-pamànangu,
nda ningua hawiangu hinggilu-nggu Nyungga!
22Ha ma-mandapu-nya na pinu tana nggubulu-mi,
pa-mbelingu-wa lai Nyungga ka pamàna-nggai,
ba Nyungga-a Ala nda ningua hawiangu!
23Nyungga ku-paràndingu, dàngu na ràndinggu nda ku-panjilu-anya;
lumu wikinggu Nyungga ku-harangu:
Nimbihu-na na tau napa na-patika la hangganggu,
dàngu wàngu hilu wikida ba da-paràndingu la pa-tuturu lai Nyungga.
24Da tau napa dapanii,
‘Na pa-deningu dàngu na àtalu mbulungu welingu lai MIRI-a!’
Na tau mbuu ndàbana na ma-paumbi-ngga
napa damai lai Nyungga hi da-makia.
25Ba tuna na wàlana i Yakupu napa pa-pamànangu-ha,
dàngu napa dawotu-ngga Nyungga, na MIRI.
Currently Selected:
YAHAYA 45: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
