YAHAYA 43

I Ala na-panjanjingu la pa-pahàla-ya na banjaru-na

1Ha Ihirailu tuna yia na puluna i MIRI,

“Nyungga mawulu-kau la watu malala-kau la loja,

àmbu mangàdatu, jiangu-ma duku ba ku-pamàna-nggau!

Mbàda tiki-nggunyaka na tamumu ba kupaau-nggau,

jiakau nyumuma mangunggu.

2Jàka era pala-munya la wai, napa Nyungga mapala karia-nggau,

nda jia hadànjalu-amu la handuka - handuka-mu.

Jàka era li ningumu la epi, nda jia kehi-amu,

da lii pa-kamangu mambotu nda jia pa-hanggàmaru-adanggau.

3Nadu ba Nyunggama i MIRI, Alamu,

Ala matua Ihirailu, ma-pamàna-nggau.

Kuwua-ya na Mehiru ka palohu wàngu ba pahàla-kau,

na Hundangu dàngu na Heimba jiaha da hilumu.

4Nyumu mu-pawilingu la matanggu,

Nyungga ku-pawili-nggau dàngu kumbuha-nggau;

jia hi ku-wuangu tau la pahilu-kau nyumu,

da ba - banjaru la pahilu-ya na lurimu.

5Àmbu mangàdatu,

nadu ba Nyungga maopa-nggau.

Welingu la patama lodu dàngu welingu la pahunga lodu

ku-paràha-nja da ana umbuku-mu pamai pa-pauhi.

6Ku-pareta-ya na luru dàngu na dia,

ka dalu pahàla-ha.

Màtawa da anamu mini ka dabeli welingu la mamarau,

dàngu da anamu kawini ka dabeli welingu la hupu tana.

7Nadu nyuda mbuu ndàbada pambàda paaungu-haka wànya na tamunggu,

ku-padika-nja nyuda ka pa-bokulu-ya na tamunggu,” wàna.

Na Ihirailu ba hakahii-na i MIRI-ya

8I Ala napanii, “Paràha-nya pa-ndaharungu la hangga

na banjaru-nggu da mapoki jiapa ka ningu matada;

da ma-kawanga jiapa ka ningu kahilu-da.

9Paràha-nja mbuu ndàbada da banjaru ka da-pauhi

dàngu mbuu ndàbada da kabihu ka da-kanguhuru.

Nggamuya la honga marapu - marapu-da nyuda

na mambàda pekaya jàka nggàraya na manjadi la rehi nàhu?

Nggamuya la hongada nyuda na ma-ngalangu panyura-ya na rehi na manàmu-nya?

Màtawa da hakahii-da ka da-ndàharungu la pa-wuangu mbuti ba da-padeningu nyuda,

jia-maya ka wàda ndàba da marongu-ha nyuda!

10Ha banjaru-nggu, nyimika hakahii-nggu,

kupindi-kai nyimi la panjadi atanggu,

kai tandaka Nyungga dàngu kai waika,

kai jàngapu-ya la kanandingu-mi ba Alaka Nyungga.

Ala Mahupu-kamehangu-ka Nyungga,

hinggilu-nggu Nyungga nda hili ningua la rehi na ma-làpahu dàngu na manàmu-nya.

11Didi meha-ma-aka Nyungga,

hinggilu-nggu Nyungga nda ningu ma-pamànangu.

12Nyunggama mambàda paniinggai,

Nyunggama ma-pamàna-nggai Nyimi,

nda ala weli nàmungu-a, nu da maninja la hongami nyimi;

jiakai nyimi-maka hakahii - hakahii-nggu.

Tàka Nyungga, jiaka Nyungga-maka yia na Ala,

13lundu nu - nu, pa-daingu Ala-maka duku Nyungga.

Nda ningua ma-hinggilu welingu la kuaha-nggu Nyungga,

jàka ndia la pa-pabeta-nya na pa-pakaka-nggu,” wàna.

Ba pahàla-ha welingu la Mbambilu

14I MIRI Ma-pamàna-nggai, i Ma-matua la Ihirailu, napanii,

“Lumumi nyimi, ku-pangàndingu tanatara la Mbambilu,

tàka hi ku-poraku-ha da habàtalu pindu uma kapàtangu-da;

na payaa-aungu-na na tau Kàhandimu ku-pambeli-ya padudurungu.

15Nyungga MIRI, Alamu na ma-matua,

Hanganji-mu, ma-padika-nggau nyumu, ha Ihirailu!” wàna.

16I MIRI nalota hau ànda bokulu mali la tehiku,

mali la wai mambana ngalingu-na.

17Na paràha-nja pa-pabera da tanatara dàngu da ma-kaborangu-na,

tàka hi dalaku hanggangu wàngu kareta njara.

Tàka na nyuna danjoru, nda da hili hadangu-a,

hi dameti hama tuna humbu mambàda.

18I MIRI napanii, “Nda ningua linguna ba tanamu beliya na rehi na ma-làpahu,

kahewa-na ba ta-kanandi-nya na pambàda tu kajia.

19Tàngaru, ka kuwunda hau ma-bidingu, wàngguka;

nàhu pa-kiringu-nanyaka, màla ndau ita-aya?

Napa kulota ànda la maràda telangu,

dàngu ku-palingu ningu luku la maràda nggailaru.

20Napa da pa-mangunju-ka paraï da banda matàmba;

da ahu rumba dàngu da ota pawulu kàpangu napa dawotu-ngga Nyungga

nadu ba ku-palingu wai la maràda telangu,

dàngu ku-pahangga-nja da luku la maràda nggailaru

la pawua-nya ka na-unungu na banjaru papindi-nggu.

21Jiaha nyuda-maka banjaru pa-kabua-nggu nduma wikinggu,

ka da-bobaru-ya na wotungu ndumanggu Nyungga,” wàna.

Da njala la Ihirailu

22Napanii i MIRI,

“Tàka nyumu ha Ihirailu ndau marubuku-angga Nyungga,

dàngu ndau lumu-anggapa Nyungga.

23Ndau ngàndia mbimbi nduma kameti maraku patunu-mu,

ndau tembi-aka wàngu hunggu maraku-mu.

Tàka làti nda ku-pambotu-akau wàngu kameti maraku,

jàka ndia nda ku pa-handuka-akau la pa-karuhi-kau kaminyangu.

24Nyumu ndau kei-angga dupa hiritu ndumanggu,

ndau pahoda wàngga aparu kameti maraku pa-hambàli-mu.

Tàka na nyuna hi nyumu biai ma-pambotu-ka Nyungga

wàngu nja - njalamu, ma-pahanduka-ka Nyungga wàngu da ndàngamu.

25Ba tuna Nyungga Ala ma-podahu-ha da njalamu,

Nyungga kujàma-nggamu nadu ba tuna numaka na huringgu;

da njalamu àmangu nda kuhili namu-ahapa.

26Panamu-ngga Nyungga, màla ka talua la ma-patandangu ngera,

pekaya na palakara-mu ka na-lohangu bau pa-deningu.

27Da bokumu la mangilu#Da bokumu la mangilu; da palana talànga wanguna jiaya i Yakupu, jàka ndia i Ambarahàmu, jàka ndia i Andamu. da ma-wungangu, danjala-ka,

da ngara liku-urumu da patula ngganggangu lai Nyungga,

28Da ratumi mbàda pa-iraku-danya na Umanggu.#Na hau pa-haleli ndai: Da ratumi mbàda pa-iraku-danya na Umanggu; Imbarani: da ratu la Umanggu napa ku-pairaku-ha.

Jia-duya hi kuwua-ya na Ihirailu ka pawawa-ya,

da wàlana i Yakupu kumàta-nja ka pamànji-ha,” wàna.

Currently Selected:

YAHAYA 43: KAM

Highlight

Copy

Compare