Popular Bible Verses from YAHAYA 43

Share

Tàngaru, ka kuwunda hau ma-bidingu, wàngguka; nàhu pa-kiringu-nanyaka, màla ndau ita-aya? Napa kulota ànda la maràda telangu, dàngu ku-palingu ningu luku la maràda nggailaru.

Jàka era pala-munya la wai, napa Nyungga mapala karia-nggau, nda jia hadànjalu-amu la handuka - handuka-mu. Jàka era li ningumu la epi, nda jia kehi-amu, da lii pa-kamangu mambotu nda jia pa-hanggàmaru-adanggau.

I MIRI napanii, “Nda ningua linguna ba tanamu beliya na rehi na ma-làpahu, kahewa-na ba ta-kanandi-nya na pambàda tu kajia.

Ha Ihirailu tuna yia na puluna i MIRI, “Nyungga mawulu-kau la watu malala-kau la loja, àmbu mangàdatu, jiangu-ma duku ba ku-pamàna-nggau! Mbàda tiki-nggunyaka na tamumu ba kupaau-nggau, jiakau nyumuma mangunggu.

Nyumu mu-pawilingu la matanggu, Nyungga ku-pawili-nggau dàngu kumbuha-nggau; jia hi ku-wuangu tau la pahilu-kau nyumu, da ba - banjaru la pahilu-ya na lurimu.

Nadu ba Nyunggama i MIRI, Alamu, Ala matua Ihirailu, ma-pamàna-nggau. Kuwua-ya na Mehiru ka palohu wàngu ba pahàla-kau, na Hundangu dàngu na Heimba jiaha da hilumu.

Àmbu mangàdatu, nadu ba Nyungga maopa-nggau. Welingu la patama lodu dàngu welingu la pahunga lodu ku-paràha-nja da ana umbuku-mu pamai pa-pauhi.

Ba tuna Nyungga Ala ma-podahu-ha da njalamu, Nyungga kujàma-nggamu nadu ba tuna numaka na huringgu; da njalamu àmangu nda kuhili namu-ahapa.

Ha banjaru-nggu, nyimika hakahii-nggu, kupindi-kai nyimi la panjadi atanggu, kai tandaka Nyungga dàngu kai waika, kai jàngapu-ya la kanandingu-mi ba Alaka Nyungga. Ala Mahupu-kamehangu-ka Nyungga, hinggilu-nggu Nyungga nda hili ningua la rehi na ma-làpahu dàngu na manàmu-nya.

Didi meha-ma-aka Nyungga, hinggilu-nggu Nyungga nda ningu ma-pamànangu.

lundu nu - nu, pa-daingu Ala-maka duku Nyungga. Nda ningua ma-hinggilu welingu la kuaha-nggu Nyungga, jàka ndia la pa-pabeta-nya na pa-pakaka-nggu,” wàna.

Napa da pa-mangunju-ka paraï da banda matàmba; da ahu rumba dàngu da ota pawulu kàpangu napa dawotu-ngga Nyungga nadu ba ku-palingu wai la maràda telangu, dàngu ku-pahangga-nja da luku la maràda nggailaru la pawua-nya ka na-unungu na banjaru papindi-nggu. Jiaha nyuda-maka banjaru pa-kabua-nggu nduma wikinggu, ka da-bobaru-ya na wotungu ndumanggu Nyungga,” wàna.

Ku-pareta-ya na luru dàngu na dia, ka dalu pahàla-ha. Màtawa da anamu mini ka dabeli welingu la mamarau, dàngu da anamu kawini ka dabeli welingu la hupu tana. Nadu nyuda mbuu ndàbada pambàda paaungu-haka wànya na tamunggu, ku-padika-nja nyuda ka pa-bokulu-ya na tamunggu,” wàna.

I MIRI nalota hau ànda bokulu mali la tehiku, mali la wai mambana ngalingu-na. Na paràha-nja pa-pabera da tanatara dàngu da ma-kaborangu-na, tàka hi dalaku hanggangu wàngu kareta njara. Tàka na nyuna danjoru, nda da hili hadangu-a, hi dameti hama tuna humbu mambàda.

Nyungga MIRI, Alamu na ma-matua, Hanganji-mu, ma-padika-nggau nyumu, ha Ihirailu!” wàna.