YAHAYA 26

I Ala napa nawua-nya patalu wàngu na banjaru-na

1La rehi nu napa na tau daludu wànya na ludu yiana la tana Yahunda,

“Ai kanjupu kapingatu-ya na paraingu-nda;

i Ala wikima ma-pahada-nya na tindingu-na,

lai yiahu nyuta tamara.

2Bunggahu-ha da pindu bokulu paraingu,

ka natama na banjaru tuturu,

na banjaru na mawànya na pawuku-na na Alana.

3Ou MIRI, Nyumu ma-wuangu peku dàngu mànjaku

la tau na ma-màndangu etina,

nadu ba nawaikau Nyumu.

4Wai mànu-yawa i MIRI,

ba naingu opa-nanda i MIRI Ala.

5I MIRI na-pawawa-ya na tau na ma-ngànjangu;

na pakabu-ha da paraingu-da da maningu tindingu-da,

hi na-pambidahu-ha la tana.

6Napa dakali - lijaku-nya

paraïda tau mila dàngu mayila,” wàna.

7Na tau patutungu nali la ànda kunduhu,

ba Nyumu, MIRI malota-nya àndana.

8Manunju-ya na botangu-mu, ou MIRI,

dàngu hi mane - nedinggau Nyumu;

jiakau Nyumu pawotu-ma dàngu parinju etima.

9Na hamangu-nggu narinju-nggau la rudungu,

na etinggu na-kalaura-nggau la mbaru.

La rehi patanda-munya napa na pinu tana,

na mangia-nya na pinu tana napa napinya na ma-deningu.

10Jiapa-kadu ka hàmunya na tau akatu,

nda na pa-pekangu-ma duna jàka nggàraya na ma-deningu.

La nanggara pa-palatangu la ukumbu pa-kabaingu-ya na pawàna,

dàngu nda na-wàrihu-ya na kuaha-na i MIRI.

11MIRI, rimangu-mamunya pahuku-nja da muhumu,

tàka nyuda nda dapi-anya.

Màtawa ka da-kamiringu makia

ba daita-ya na mbuha-munya na banjaru-mu.

Màtawa nyuda ka damànji

ba na-handauni-ha hukungu pa-payema-munja.

12MIRI, Nyumu napa ma-pamànjaku-kama,

da paràma-maka Nyumu maràma-ha huruma nyuma.#da paràma ... huruma nyuma; jàka ndia: Nyumu ma-palua-nggama lima nunjuha da paràma-ma.

13Da miri hawiangu da-kuaha-madu-kama,

tàka jiakau Nyumua pa-wàrihu-ma,

ou MIRI Alama!

14Nyuda dameti-ka nda dahili luri-apa,

da ndewada nda dahili hadangu beli-apa.

Nadu bau hàlaka-duka pa-pamolu-nja nyuda

dàngu mu-podahu-haka welingu la kanandingu.

15Mubonja patapu-nggamaka nyuma banjaru-mu, ou MIRI,

na tana ngabama mu-palera-nyaka,

jia-duyaka hi pa-mangunju-kau Nyumu.

16Mbàda ràmbahu-mu-nggamaka;

la ndukama ma-punjilungu lai Nyumu,

hi ma-hamayangu lai Nyumu, ou MIRI.#La lawiti Imbarani-na nda na-lohangu-a jàka nggàra wàna na ndalaru yiana.

17Hama tuna na kawini na matiki pa-paana

ba na-paringgitungu dàngu ba na-kaladaku paraï pakatiu,

tuma numbu nyuma la hanggamu MIRI.

18Nyuma ma-paihi kambungu dàngu ma-kayili la mayila,

tàka nda ana nggàra-a pa-habola-ma;

nda ma-wuangu pahàmu wàna na pinu tana,

nda mabonja wàmbunya na ma-mandapu-nya.#Talànga wanguna na-njenjangu ningu-mapa ba tuna yia na ihina: nda ma-wuangu ... na ma-mandapu-nya.

19Na banjaru-mu na mambàda meti naluri beli,

da metida napa dahili hadangu.

Da tau da pambàda taningu la tana

napa da-hadangu hi dapayaa aungu.

Hama tuna mburungu ma-pahayandalu-ya na pinu tana,

bau paluri-ya na banjaru-mu na mameti ndai.

I MIRI na-patandangu ngera dàngu na-pahàmu beli

20Tamawa la umamu ha banjaru-nggu hàla bitanya na pindu. Kapàndi-wa hawutu, lundu na-wadaru na hànggana i MIRI. 21I MIRI napa napuru welingu la pangia-na la awangu la pahuku-nya na ma-mandapu-nya na pinu tana paraï ruku njalada. Na-pameti kangunduhungu-da tau napa pa-pawuwa-yaka. Na tana napa nda nahili pandàbi-anjapa da tau pa-pameti.

Currently Selected:

YAHAYA 26: KAM

Highlight

Copy

Compare