HAMBAKUKU 3
3
Na hamayangu-na i Hambakuku
1Yiana-ya na hamayangu-na i Wunangu Hambakuku:#Na hilu Imbarani-na ninja da lawiti kareuku da ma-bonjangu da manda lohangu jàka nggàra wàda.
2Ou MIRI, kurongu-ya ruku na pawunda-mu,
na orangu pa-karàda na-hulungu la etinggu.
Màla àruki na pawunda ma-bokulu
nuna kau hili belinya handàkangu-ki la rehima nyuma nàhu.
Jiapa ka nambana na etimu
namu bia kama làti.
3Nyumu Ala Mahupu Matua mamai welingu la Temàngu,#Temàngu, jiaya na Endumu.
upamaingu welingu la ma-palindingu la Paràngu.
Na awangu na-lumburu-nya bokulu dàngu mbihamu;
na pinu tana nambinu-nya wotungu ndumamu Nyumu.
4Upamaingu dàngu hambila ma-handaraku,
welingu la limamu naluhu na harii ma-hanggilangu,
lai nuya ukawini-nya na kawaha-mu.
5Uparàha-nya na kanyaki pa-mangilu-nggau,
tàka na meti hi nandàki-kau.
6Jàkau pànjangu, nda - ndàndana na pinu tana;
jàkau tàngaru da-kanggupuku da banjaru.
Da palindi weli nungu da tanyàbaru;
da tandula weli ndaingu dawawa hi da kendaru,
la tandula nuda-duka
unjàlapu Nyumu la rehi la handàka-na.
7Kuita-ha da rayatu la Kuhàngu ba da-mangàdatu,
dàngu da tau Mindiangu ba da-kandàndaku.
8Ou MIRI, rukuna na tehiku ihu Nyumu hi nahei na ma-karaü?
Jiaha da luku ihu ma-pawitingu hiu mbeni?
Ukaliti karumangu beri njara dàngu kareta pabera,
nu bau wuanya talu na banjaru-mu.
9Na tandai panamu mbàda hawaritu-munyaka,
na ana panamu bahingu-mananya la papuli-nya.#Talànga wanguna na-njenjangu ningu-mapa ba tuna yia na ihina: na ana panamu bahingu-mananya la papuli-nya.
Hàla hiu bikaya na pinu tana hi danjadi da luku.
10Ba itakau Nyumu da-yoyangu da palindi
welingu la awangu hama tuna pa-hanubuku-ya ba napuru na urangu.
Na wai la unu tana na-kawoku na talia-na,
da ngalingu-na dahanggu - ngguluru hi da-kawunggaru.
11Na handaraku-da da ana panamu da-talanjiru pa-mbangatungu,
na nimbumu na-kajilaku ba bi - bilana,
ka pànjangu-nanyaka na mata lodu dàngu na wulangu la pangia-na.
12Dàngu hulungu-na na ma-karaü unjadanya na pinu tana;
da banjaru utaro - rohaku-ha dàngu mbana etimu.
13Nyumu ulaku hanggangu, pa-pahàla-ya na banjaru-mu
dàngu pa-pamara-ya na hanganji paleha-mu.
Upunggilu panjoru-ya na liku uru tau akatu,
uwari pambuta-ha mbuu ndàba da makiku-nya.#Talànga wanguna na-njenjangu ningu-mapa ba tuna yia na ihina: uwari ... makiku-nya.
14Da ana panamu dalumbu làpahu-nya na ngora pamba muhu
ba damai da tanatara-na ba hama mbàngatu làpuru-ha,
ka paiha pa-tanyala-nggama.
Nyuda dariki mbàha eti
hama tuna tau ma-kapidihu
kangunduhungu tau manda toma lurina.#La lawiti Imbarani nda na-lohangu-a jàka nggàra wàna na ndalaru 14.
15Wàngu njaramu ukali - lijaku-nya na tehiku lerangu
hi lundu na wura bara na waina.
16Ba ronguya nuna na-bàrangu na etinggu
dàngu ra - ràngguna na tàda ngarunggu.
Ku-haluputu nda ningua kalotu-nggu,
da tunjuru da wihinggu,#Talànga wanguna na-njenjangu ningu-mapa ba tuna yia na ihina: da tunjuru da wihinggu; Imbarani: ku-hondaru rukuna. la nggini bia ba kulaku ningu.
Napa kunedi mambiru-nya
na hukungu-na i Ala la ngara ma-pakalulu-kungu.
17Jiapa ka nda ningu wuada da pingi kapilitu
dàngu nda ningu angguru-da da pingi angguru,
jiapa ka nda dadiki da wua haitungu
dàngu da ihi woka uhu nggàndumu da-pahala eti,
jiapa-kai ka dameti ndàba da mbimbi
dàngu da oka banda nda ningu ihida,
18napa ku-hawola mànuma duku,
ba Nyumudu MIRI Ala ma-pamàna-ngga.
19Nyumu uwuangga àtalu
hama tuna wihi ruha, bau pa-kapànduku-ha da wihinggu.
Nyumu malonda-ka ka ku-mambiru
ba kulaku la ma-palindingu.
Currently Selected:
HAMBAKUKU 3: KAM
Highlight
Share
Compare
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
