HAMBAKUKU 1
1
1Yiana-ya na lii langu na pa-paloha-na i MIRI lai Wunangu Hambakuku.
Na-pangodungu-na i Hambakuku rukuna na nda mola
2Ou MIRI, lundu pirangu-mapa bàdi ba kuwara pakarai pa-ndulangu? Pirangu-mapa na tingimu-nggama dàngu na-pahàla-mu-nggama welingu la ma-pakapidihu? 3Nggikina hiu màtangga pa-itangu akatu madira danguya? Nggiki hama torungu biamu paita-ya na papangga hili hiwina na matuna nu danguna? La nggi - nggini ningu pa-kabungu dàngu pa-janggilu, pahànggangu dàngu pa-lumungu. 4Na uku pa-pahalela-ya dàngu na mola ndedima pa-ndolaku-nya. Na tau akatu nalua-ya pangia pinungu la tau patutungu, hi panjingu-njànganya na mamola.
Na hemana i MIRI
5Ba tunaka nu napanii i MIRI la banjaru-na, “Hamata-ha da banjaru la winggiru-mu, napa ihangàtaru dàngu ihanganga. Nadu la rehimi nyimi ba ningu pawunda-nggu napa, na panda waimi jàka wàngu papeka bianggai. 6Na banjaru Mbambilu mambana karaü etina napa ku-panjadi-ya banjaru ma-kawaha. Napa nyuda daluhu pa-jurungu welingu la tanada dàngu hi danjada-nya nggubulu-na na pinu tana la pa-roduku-nja da banjaru hawiangu. 7La nggi - nggini da patumbu-ya na mangàdatu, wàngu ngànjangu-da da tulaku-ha mbuu ndàbada da uku hinggilu-na na-ma-patangangu la pambuha-da nyuda.
8Da njarada darihi mbangatu-pa welingu la mahangu kadutulu, dàngu darihi bohupa welingu la ahu rumba mamanjuu. Da pamba tanatara lii la njarana da pa-maingu welingu la tana mamarau; damaiha hama tuna ikitu matewa patewa-na.
9Da tanatara-na da-kaluluku la pa-pajanggilu, mbuu ndàbada da tau nda - ndàndada jàka daita-ha ba nàmunja.#Talànga wanguna na-njenjangu ningu-mapa ba tuna yia na ihina: mbuu ndàbada ... ba nàmunja. Da pa-tanawa-da nda pataü-ha danguda. 10Nyuda da paaka-nja da hanganji dàngu da rikinja da panggawi mangia dita. Nda da-wàrihu-aha nimbihu-da da tindingu, da-pabundu-nja tana hi dawàhi-ha da tindingu. 11Tàka hi hama mbangatu ngiluha ba dalu laku da tau nuda da ma-marapungu àtalu wikida,” wàna.
I Hambakuku nahili pangodungu lai MIRI
12MIRI, welingu la handàka-manaka ba Alakau Nyumu. Nyumu jiakau Alanggu ma-matua dàngu ma-palupangu.#ma-palupangu; Imbarani-na: nyuma nda jia meti-ama napa. MIRI, Alanggu dàngu maopa-ngga, upindiya na banjaru Mbambilu dàngu hiu parihi taluya ka huku-nggama nyuma. 13Tàka nggiki hamana hiu torungu bia paita-ha da tau akatu da mambana etida nuda? Ka nda ma-kanjupu matua-akau làti la pa-tàngaru-ya na akatu? Ka nda nalabu-a na etimu paita-ya na manda mola? Ba tuna, ka nggikina hi pàdi wàmu bia ba na-pahadànjalu-ya tau katadaku na tau manundu?
14Ka nggikina hiu tàngaru-ya na tau beri hama iyangu la tehiku dàngu beri mabei manda ningu liku uruda? 15Na banjaru Mbambilu nayàpa wànja mangela da tau, beri hama tuna iyangu-ha nyuda. Hàlaka da tau nuda hi ruruhu wànja jala tàka na banjaru Mbambilu mbaha eti paku-adanya nu la ngalangu-da. 16La malamiri-na da-marubuku-nya nuna na jala dàngu hi dawotu-nya kameti maraku, nadu ba wànya na jala nuna-duka hi mbàda ngalangu-da pangangu mabundu làndangu tàka hi da-mbokaru.
17Nggiki hamana hi pa-nutakungu pàku-adanya pa-binjiru hapanda dàngu pa-pameti-ha da banjaru wàngu nda pa-aïnguda?
Currently Selected:
HAMBAKUKU 1: KAM
Highlight
Share
Compare
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
