YAHAKIALU 42

Da dàmbu uma la lihi Umana i MIRI

1Tunaka nu na-karia-ngga paraïna nuna na tau mini la talora la hambeli hi nairu ngàndika la lihi hau uma mbara dia welingu la Umana i MIRI, nda namarau-a welingu la uma bokulu la patama loduna na Umana i MIRI. 2Nuna na uma lima kambulu metiru-na nunjuna, tàka na ndàbaru-na dua kambulu lima metiru-na. 3Na hau na karaha-na nuna na uma na-hanggangu la maü ruu kawindu na ma-hakambulu metiru mbàlaru-na, tàka na karaha hauna na-hanggangu la lata watu la talora mbara lua la hambeli. Nuna na uma tailu nunggulu-na; nimbihu nunggulu narihi manyori hanggangu hu dalu welingu la nunggulu mbara wawana. 4La hanggada nuda da kurungu, la mbara dalu ningu kanjilitu malima metiru ndàbaruna dàngu lima kambulu metiru nunjuna.#Da pa-haleli ndai da manda pirada: lima kambulu metiru nunjuna; Imbarani: hauna na kanjilitu lima kambulu hiti metiru-na na hukutu-na. Da pinduna da-hanggangu hu dia. 5Da kurungu la nunggulu mbara dita darihi kunjuru welingu la nunggu - nunggulu mbara wawada, nadu ba darihi-pa pa-mbàlaru da kanjilitu la hanggada da kurungu mbara dita welingu la wawana. 6Nuda da kurungu tailu nunggulu-da dàngu nda dajura-aha kambaniru hama tuna da uma la talora. 7-8Beri mandua-na na nunggulu mangia wawa na madua kambulu lima metiru nunjuna dindi watu jua-aya, tàka hawiangu, na madua kambulu lima metiru-mbu nunjuna, pa-pandoingu kuru - kurungu-ya. La nunggulu mangia pinu ningu kuru - kurungu-na pa-namatu-nya na nunjuna nuna na uma. 9-10La wawada da kurungu la hupu pahunga loduna na uma, dàngu la pingi dindi watu, ninya na hau pindu ma-orangu la talora mbara lua la hambeli.

La karaha mbara luru #Na hau pa-haleli ndai: mbara luru; Imbarani: pahunga lodu. welingu la Umana i MIRI, ningu uma ma-hamangu, nda na-marau-a welingu la uma la patama lodu. 11La hanggada da kurungu-na ninya na hau kanjilitu na mahama-nya na kanjilitu mbara dia. Na hukutu-da da-pahama, na pandoi-da da-pahama, dàngu da pindu-mbuna da pahama. 12La wawada da kurungu la karaha mbara luru, nu la hupu pahunga lodu la pingi dindi watu, ningumbu hau pindu.

13Napanii-ngga nuna na tau mini, “Da-matua nida da dàmbu uma. Da ratu da mapeku pa-hurungu la hanggana i MIRI, lai nuha dangangu ningu kameti maraku pawotu madira matua. Lai numbu bànjalu niha da kameti maraku madira matua, nu: da uhu nggàndumu dàngu da kameti maraku podahu njala jàka ndia da kameti maraku pa-belingu runggi. 14Jàka dahàla-ka da ratu papawai ngaba la Umana i MIRI, dàngu jàka dalua la talora la hambeli, dapaki pa-pahinggilu da pahauda ba talànga paloku-da lumungu lupangu-ma bàdi da bànjalu-ha la kuru - kurungu nuda. Lupangu bàdi dahau paki hawiangu, hàlaka nu hinaka hi peku luada la ngia pa-pauhi rayatu,” wàna.

Na hukutu winggiru-na na Umana i MIRI

15Ba na-hàlaka nu na tau mini pa-hukutu-ya na Umana i MIRI daa la kuruna, naluhu li karia-ningga la pindu bokulu pahunga lodu, hàla hi na-hukutu-ya na winggiru Umana i MIRI. 16Wàngu ai hukutu-na na-hukutu-ya na karaha la pahunga lodu: dua ngahu lima kambulu metiru-na. 17-19Hàlaka nu hi na-hukutu-ya na karaha mbara dia, na karaha mbara luru, dàngu na karaha la patama lodu; nimbihu karaha hama-mada nunjuda, nu ba dua ngahu lima kambulu metiru-da. 20Jia ba tuna, na Umana i MIRI na-hanggaungu tana ma-kapatungu kabihu-na dua ngahu lima kambulu metiru hukutu-na hau hingi - hau hingi. Nuna na tana na-winggiru-nya hau dindi watu ka na-hekangu na tana pa-pahinggilu ndumana i MIRI, welingu la tana nduma madangu.

Currently Selected:

YAHAKIALU 42: KAM

Highlight

Copy

Compare