YAHAKIALU 41
41
1Nuna na tau mini na-kariangga la kurungu la padua, na Pangia Ma-matua ba wàdanya. Na-hukutu-ya na kanjilitu na ma-hanggangu lai nu na nunjuna tailu metiru-na,#na nunjuna tailu metiru-na; Na hilu Imbarani-na dàmbuda da lawiti kareuku da ma-bonjangu da manda lohangu jàka nggàra wàda. 2tàka na ndàbaru-na lima metiru-na. Da dindingu la hingina da madàmbu-da dua paradua metiru timbida. Hàla hi na-hukutu-ya na Pangia Ma-matua: dua kambulu metiru nunjuna tàka na ndàbaru-na hakambulu metiru-na.
3Hàlaka nu hi natama la kurungu mbara dalu. Na-hukutu-ya na kanjilitu na ma-hanggangu lai nu: na nunjuna hau metiru-na, na ndàbaru-na tailu metiru-na, tàka da dindingu la hingina da madàmbu-da tailu paradua metiru timbida.#Na hau pa-haleli ndai: da dindingu la hingina da madàmbu-da tailu paradua metiru timbida; Imbarani: dàngu da timbida tailu paradua metiru-da. 4Hàla hi na-hukutu-mbuya nuna na kurungu: na-kapatungu kabihu-na, na nunju dàngu na ndàbaruna da-maràngga hakambulu metiru. Hàlaka nu hi napanii-ngga, “Yiana jiaya na Pangia Mahupu Matua,” hi wànangga.
Na kurungu pawulu la dindi watu Umana i MIRI
5Hàlaka nu na tau mini na-hukutu-ya na dindi watu mbara dalu la Umana i MIRI: na timbina tailu metiru-na. La dindi watu winggiru-na nuna na Umana i MIRI ninja da kurungu da madàmbu metiru ndàbaru-da. 6Nuda da kurungu tailu nunggulu-da tàka la nimbihu nunggulu tailu kambulu-da da kurungu. Da dindi watu la hambeli la nimbihu nunggulu darihi manipa welingu la nunggulu mbara wawana, hi peku panunggulu-nja da kurungu ba dàngu nda bowaya na dindi watuna nuna na Umana i MIRI. 7Ba itaya welingu la hambeli, nuna na dindi watu Umana i MIRI na-pahama timbi weli wawangu lundu hu dita. La dindi watu hambeli-na na Umana i MIRI, la hambeli-da da kurungu, ninja ba dàmbuda da panongu bokulu hi peku heina na tau welingu la nunggulu mangia wawa hanggangu la nunggulu padàmbu wàna dàngu patailu wàna. 8-11Da dindi watu hambeli-da nuda da kurungu dàmbu paradua metiru timbida. Nuna na Uma ningu pinduna ma-orangu la kuru - kurungu mbara dia la Umana i MIRI, dàngu hili hau pindu ma-orangu la kuru - kurungu mbara luru. La winggiru Umana i MIRI ningu talora kawindu-na na madàmbu paradua metiru ndàbaru-na; tailu metiru-na welingu la tana, dàngu pa-pandoi pahama jangganja da lata kurungu la dindi watu Umana i MIRI. Piti welingu la talora kawindu lundu la uma pangia-da da ratu, ningu talora ma-hakambulu metiru ndàbaru-na, la kalai la kawana Umana i MIRI.
Na uma la patama lodu
12La papa hanamba la patama lodu, ninya na uma bokulu na mapatu kambulu lima metiru nunjuna dàngu na ndàbaru-na tailu kambulu lima metiru-na, tàka natimbi-da da dindingu-na dàmbu paradua metiru-da.
Na hukutu nggubulu-na na Umana i MIRI
13Nu na tau mini na-hukutu-ya na nunjuna na Umana i MIRI: lima kambulu metiru-na. Welingu la kajia Umana i MIRI lundu toma la kajia dindi watuna na uma bokulu la patama lodu lima kambulu metiru-mbuna na marauna. 14Na hanamba-na na Umana i MIRI na ma-hanggangu la pahunga lodu dàngu da talora la kalai la kawana-na, lima kambulu metiru-mbu mbàlaru-na. 15Nuna na tau mini na-hukutu-mbuya na uma na ma-bokulu na ma-hanggangu la talora patama lodu: lima kambulu metiru mbàlaru-na papohu-nja da dindingu la kalai la kawana-na.
Na pa-biwangu-na na Umana i MIRI
Da rowa la Umana i MIRI, na rowa ngia ngaba, na Pangia Ma-matua, dàngu na Pangia Mahupu Matua, 16pa-pa-manandangu wàngu halaya aiha, welingu la latana lundu la katonga - katonga-na. Nuda da katonga peku pa-hangindingu wàngu teraha. 17Nggubulu-da da dindingu mbara dalu papama-nandangu wàngu nggàmbaru 18pingi wola dàngu patau awangu, hareti pingi wola la njo-ngada da madua patau awangu. Nu da patau awangu dua mbapada da matada, 19na hapa-pa, mata tauya ma-hanggangu la pingi wola la kalai, dàngu na mata hinga na-hanggangu la pingi wola la kawana. Da nggàmbaru nuda ni ndàbanja la mbutana na Umana i MIRI, 20piti welingu la tana lundu la dita pindu. 21Da kambaniru-na na Pangia Ma-matua da-palara kapatungu.
Na ngia pawotu maraku ma-welingu la ai
La ngia ngaba welingu la Pangia Mahupu Matua ninya na mahama tuna ngia pawotu maraku ma-welingu la aiya. 22Na janggana hau paradua metiru-na tàka na ndàbaru-na hau metiru-na. Da kabihu-na, na latana#Da pa-haleli ndai da manda pirada: na latana; Imbarani: na nunjuna. dàngu na dindingu-na pa-pandoi welingu la aiha. Nu na tau mini napanii-ngga, “Yiana-duyaka na menja na maninya la hangga ngia paninya i MIRI,” wànangga.
Da pindu
23La hupu kanjilitu na ma-orangu la Pangia Ma-matua ninya hauna na pindu, tuna numbu la hupu kanjilitu na ma-hanggangu la Pangia Mahupu Matua. 24Nuda da pindu da-kadua mbàlangu ndàbida da ma-tawangga la padua-da. 25Da pinduna na Pangia Ma-matua pa-pa-manandangu wàngu nggàmbaru pingi wola dàngu patau awangu-ha, hama tuna da dindinguna. La hangga rowa mangia ngaba nu la hambeli-na, ninya na pindingu welingu la ai. 26La dindingu karaha-na ba dàmbuda maràngga ningu katonga-da, dàngu da dindingu-na pa-pa-manandangu wàngu nggàmbaru pingi wolaha.#Na hilu Imbarani-na tailuda da lawiti kareuku da ma-bonjangu da manda lohangu jàka nggàra wàda.
Currently Selected:
YAHAKIALU 41: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
