YAHAKIALU 29

Na hukungu ndumana na Mehiru

1La tànggalu hakambulu dàmbu wulangu hakambulu, la ndaungu pa-hakambulu wàna na tanawangu-ma, napanii-ngga i MIRI, 2“Ha dumu tau nda payatangu, panjala-yawa na hanganji Mehiru. Paniinya ba pa-hukungu-ha napa, nyuna dàngu nggubulu na rayatu Mehiru,” wàna.

3I MIRI Hupu Majangga na-paràha-ngga nyungga pa-patàka-nya yiana na lii langu la hanganji Mehiru, “Nyungga yia muhu-mungga, ha dumu wuya ma-kanjupu bokulu ma-pamuku la padua luku. Upanii abungu nyumu ba mangumu nyumuya na Luku Nilu dàngu ba nyumu ma-pandoi-ya.#Da pa-haleli ndai da manda pirada: nyumu ma-pandoi-ya; Imbarani: nyumu ma-pandoi-ya ndumamu. 4Napa ku-pakàna-nya katekaru na ngingimu dàngu ku-pa-karitaku-nja iyangu da nepimu. Hàla hi ku-ruruhu-kau paluhu welingu la Luku Nilu dàngu mbuu ndàba da iyangu ma-karitaku la nepimu. 5Hàlaka nu hi ku-kawuka-nggau nyumu dàngu mbuu ndàba nuda da iyangu la maràda wara. Napa na-tawàlahu la tana na ihimu hi na-taneparu lai nu. Nda haàtu-a napa matani-nggau nyumu. Napa kuwua-ya la ma-hawurungu dàngu la banda hawiangu na ihimu ka dangaanya. 6Ka pi-ndàba-nanggaka rayatu Mehiru ba MIRI-ka Nyungga,” wàna.

Napanii i MIRI, “Ha dumu banjaru Mehiru! Na tau Ihirailu namonu-nya na pa-ndulangu-mu nyumu, tàka na ma-lohangu, hi hama tokungu mamàja-akau dumu nyumu. 7Ba da-haria-kauka, ka mbata-munyaka hiu hàkaha da mbonga halili-da, hi da-pahili da kunduda.#Na hau pa-haleli ndai: pahili da kunduda; Imbarani: hi kiri kapànduku-da da kunduda. 8Jia ba tuna, Nyungga, MIRI Hupu Majangga, kupanii-nggau nyumu, ba pa-ngàndingu-nggunya tanatara da ma-kaluluku wànggau hapanda, hi da-pameti-ha da ma-mandapu-nggau dàngu da bandamu. 9Napa nanjadi-ya tana ma-malinggitu halawàla na Mehiru. Ka pi-dimi-nggaka ba MIRI-ka Nyungga,” wàna.

Napanii i MIRI, “Ha dumu hanganji Mehiru! Rukuna bau panii ba mangumu nyumuya na Luku Nilu dàngu ba nyumu ma-pandoi-ya, 10ka muhu-munggaka Nyungga dàngu muhuna na Luku Nilumu. Nggubulu-na na Mehiru ku-panjadi-ya tana ma-malinggitu halawàla piti welingu la parai Mikundulu la mbara dia lundu la parai Ahuwangu la mbara luru, lupa la padira Hundangu. 11Nda jia ningua tau jàka ndia banda malaku liya. Nda jia ningua mangia-nya la patu kambulu ndaungu. 12Napa ku-pa-malinggitu halawàla-ya na Mehiru, hi lupa jiaya na Mehiru ma-kanjupu malinggitu la hongada da tana ma-malinggitu hawiangu. La patu kambulu ndaungu mandaina da paraingu la Mehiru tanyungguru watu marihi jàraha welingu la tanyungguru watu la nggi paraingu biaya. Napa ku-panjadi-ha tau ma-yilangu na banjaru Mehiru. Da-tanyalangu nyuda la mbuu ndàba tana hi da-ngiangu la honga banjaru hawiangu,” wàna.

13Napanii i MIRI Hupu Majangga, “Ha dumu banjaru Mehiru, napa la hambeli patu kambulu ndaungu nuna ku-karia belinggai welingu la ta - tana ngia pa-tanyalangu-mi. 14Napa ku-pahawuri belikai hi ku-paràha-nggai pa-ndàdiku la Mehiru mbara luru na tana ngia paweli-mi. Napa lai nu ituraya na pa-maràmba ma-lamanga, 15marihi lamanga la nggubulu pinu tana. Napa ku-palamanga halawàla-kai hi nda peku pareta-mi banjaru hawiangu jàka ndia la pa-ngànjangu hanggangu lai nyuda. 16Nda nakarai-apa pa-ndulangu lai nyumu na Ihirailu. Na ura dedimu ha banjaru Mehiru napa na-panamu-nya na banjaru Ihirailu ba kanjupu hanjàliru-ya ba na-hamela wànya na Mehiru, hama tuna na pambàda wundana. Ka pi-nanggaka paraïna Ihirailu ba MIRI Hupu Majangga-ka Nyungga,” wàna.

Na Hanganji Nembukatunehàru napa na-pakàku-ya na Mehiru

17La tànggalu hau wulangu hau la padua kambulu pihu wàna na ndaungu tanawangu-ma, napanii-ngga i MIRI, 18“Ha dumu tau nda payatangu, na Hanganji Nembukatunehàru welingu la Mbambilu na-pambangatu-ya na-kaluluku-nanya na Tiruhu. Na-paràha-nja da panjuri paduku ngàndi ma-kanjupu mbotu, hi lupa dabulu da katiku-da dàngu da taluruhu da kunduda, tàka na nyuna, nyuna na maràmba hamangui da tanatara-na nda ana nggàra pangala-da la jàrada nuna. 19Tuna nuduka, hi kupanii Nyungga MIRI Hupu Majangga: Napa kuwua-ya na tana Mehiru la Hanganji Nembukatunehàru hi wànggu. Napa naramba-nja dàngu nawàhi-ha mbuu ndàba da pawulu Mehiru hi nangàndi-ha patuha wunda tanatara-na. 20Na tana Mehiru kuwua-nyaya nyuna patuya limbada da hàmuna nyuna, nadu ba mbàda ràma-dudaka da tanatara-na ndumanggu Nyungga. Nyungga yia, MIRI Hupu Majangga mambàda panii.

21Jàka na-hàrangu-ka nuna, napa kutuya banjaru ma-kapingatu na Ihirailu, tàka nyumu dumu Yahakialu nda nggàra-apa ma-paratahu-nggau papanii ba peku patingi ndàba-nanggauka tau. Ka pi-duda-nggaka nyuda ba MIRI-ka Nyungga,” wàna.

Currently Selected:

YAHAKIALU 29: KAM

Highlight

Copy

Compare