YAHAKIALU 28

Na hanganji Tiruhu pahukungu-ya

1Napanii-ngga i MIRI, 2“Ha dumu tau nda payatangu, patàka-nyawa na hanganji Tiruhu jàka nggàraya na papanii-nggu Nyungga MIRI Hupu Majangga lai nyuna, ‘Wàngu ngànjangu-mu ukaka wikimu ba marapu-kau nyumu ma-kawaha ndàbaya na tehiku. Pakakangu bia duna wikimu ba marapu-kau, na nyuna namuya ba tau hama tau ma-akau. 3Bau kakaya urihi pa-manggàna welingu lai Ndanilu#Ndanilu: Tàngaru-ya la 14:4. hi nda ningu pa-kawiningu ma-kawiningu lai nyumu. 4Uwàngu manggàna dàngu pingumu bau pa-uhingu pawulu wàngu, àmahu marara dàngu mabara. 5Deningu-mana, bau pingu pa-danggangu dàngu ba wulu dira matiki-kauka nàhu, tàka na wulumu jiaya na ma-pawiti-nya na ngànjangu-mu wàmunya!’ ” wànangga.

6-7Napanii i MIRI Hupu Majangga, “Ha dumu Tiruhu, rukuna nakaka-mu wikimu bau hamanya i Ala, napa ku-pangàndingu tanatara muhu ma-kanjupu mbana etina pa-kaluluku-nggau nyumu. Napa nyuda da-pakabu-ha mbuu ndàba da pa-hamela wàmu da pangala-mu wàngu manggàna dàngu pingumu. 8Napa pa-pameti-kau hi taninggau la unu tehiku. 9Màla, jàka natàka-ka nuna na rehi, peku panii-mupa ba Alakau nyumu? La hangga muhumu na-lohangu ba tauma-akau nyumu. 10Napa upameti tau àngangu ba na-pameti-kau tau hangàdangu manda tandaya i Ala. Nyungga yia, MIRI Hupu Majangga mambàda panii,” wàna.

Na hadànjalu-na na hanganji Tiruhu

11Nahili panii-ngga i MIRI, 12“Ha dumu tau nda payatangu, padudurungu-wa nduma na hanganji Tiruhu. Patàka-nyawa jàka nggàraya na papanii-nggu Nyungga MIRI Hupu Majangga lai nyuna, ‘Làti mbàda njadi-muka ninu maüna na nda ningu nyurangu; àmangu kanjupu manggàna dàngu nggajungu-kau! 13Na ngia pa-ngiangu-mu la Endingu-ya, na woka ngia pambawa-na i Ala. Da pakimu ma - màtu watu mata tawuru pa-mananda wàda: watu rara wàla dàngu itangu, watu wingiru, watu muru kawuru, watu yakutu, watu ràtuna watu wingiru wàla, watu kawuru, watu muru dàngu watu alukali rara. Dadangu-mbu da ngaü àmahu raramu. Da banda nuda nu pa-wuangu-kau#Talànga wanguna na-njenjangu ningu-mapa ba tuna yia na ihina: pa-wuangu-kau. la lodu wulukau. 14Maranongu pa-mangàdatungu pa-bànjalu-nggu lai nu padaikau nyumu.#Da pa-haleli ndai da manda pirada: Maranongu ... nyumu. Ungiangu la pinu palindi matua-nggu dàngu ulaku li ningu la njonga watu mata tawuru ma-kalilangu. 15Na huri lurimu nda ningua nyurana piti welingu ba wulukau lundu uwunda ma-akatu. 16Ukangguhaku la kei la danggangu dàngu nuna-duyaka na mairu ngàndikau la pa-janggilu dàngu la njala. Ka wàngga-nggunggauka welingu la palindi matua-nggu, tàka na maranongu na madaikau nawàngga-kau welingu la njongada nuda da watu mata tawuru ma-kalilangu. 17Na matamu na ma-nggajungu jiaya na-mapawiti-nya hiu ngànjangu dàngu na kawulangu-mu jiaya na mapawiti-nya hiu nduba la pawunda-mu. Tuna nuduka hi ku-ndakilu-nggau la tana hi kutukau pa-panamu wànja da maràmba hawiangu,’ ” wàna.

18Napanii i MIRI, “Ha dumu Tiruhu, upa-iraku-ha da ngia pa-lumungu-mu rukuda da njalamu dàngu na palapingu-mu la kei la danggangu-mu. Tuna nuduka hi kuhulu-kau lundu uràpu la tana. Mbuu ndàba na tau na ma-tàngaru-kau nyumu mbulungu aü-ma-aka paita-na. 19Mohu molungu-munyaka lundu nu - nu. Mbuu ndàba na banjaru matanda-kau nyumu nda - ndàndada paraï pa-mangàdatu la padeni-nya na ura dedi matungu nu,” wàna.

Nanyura-ya rukuna na hukungu ndumana na Hindungu

20Napanii-ngga i MIRI, 21“Ha dumu tau nda payatangu, ràtu-nyawa na parai Hindungu. 22Patàka-nyawa na mangia-nya ba panii-nggunya Nyungga MIRI Hupu Majangga lai nyuda, ‘Nyungga yia muhu-mungga, ha dumu Hindungu. Napa na wotungga tau rukuna na-palua-nggunggau lima nyumu. La rehi huku-nggunja da mangia-nggau nyumu, napa dapinya ba MIRI ma-matua-ka Nyungga. 23Napa ku-patàka-nya na kanyaki pa-nggàbalungu, dàngu kumàta-nya pa-lulungu na wai ria la à - àndamu. Napa na-kaluluku-nggau muhu welingu la nggi mbara bia, hi pameti-ha da mangia-nggau nyumu. Ka pi-dumu-nggaka ba MIRI-ka Nyungga,’ ” wàna.

Pa-pakanyurungu-ya napa na Ihirailu

24Napanii i MIRI, “Da tana ma-palihi da mambàda pawawa-ya làti na Ihirailu, nda beri rii paketu dàngu rii madàka-ahapa da ma-pakatiu-ya na Ihirailu. Napa da-pàdangu wikida ba MIRI Hupu Majangga-ka Nyungga,” wàna.

25Napanii i MIRI Hupu Majangga, “Napa ku-pauhi-nya na tau Ihirailu welingu la ta - tana mamarau ngia papai - ihanggu-nja tàka napa mbuu ndàba na banjaru napinya ba ku-matua Nyungga. Napa dahili ndàdiku la tana wikida da tau Ihirailu, na tana pambàda wua-nggunya i Yakupu na atanggu. 26Napa daluri mambiru lai nu hi dawulu uma dàngu dapoka woka angguru. Napa kuhuku-nja da paraingu lihida da mambàda pawawa-ha nyuda, hi nalua-ya la mambiru na Ihirailu. Ka pi-danggaka ba MIRI Ala-dangga Nyungga,” wàna.

Currently Selected:

YAHAKIALU 28: KAM

Highlight

Copy

Compare