YAHAKIALU 25
25
Nanyura-ya rukuna na hukungu ndumana na Amungu
1Napanii-ngga i MIRI, 2“Ha dumu tau nda payatangu, ràtu-nyawa na tana Amungu. 3Paràha-nya nuna na banjaru pa-patingi-nya jàka nggàraya na papanii-nggu Nyungga, MIRI Hupu Majangga lai nyuda, ‘Mbaha eti pàku-aminya nyimi bai itaya ba pa-iraku-ya na Umanggu dàngu ba paruha-ya na tana Ihirailu hamangui ba dundilu-ya la ngia pa-wàrungu na tau Yahundi. 4Tuna nuduka hi kumàta-nggai nyimi ka na-pakàku-kai paraï da kalibaru banjaru welingu la maràda telangu la pahunga lodu. Napa dawulu kanguhuru uma tera la tanami hi da-ndàdiku pa-daingu lai nu. Napa dangaanja da wua pingi aimi dàngu daunu-nja da wai huhu bandami. 5Napa ku-pambeli-ya ngia pa-pawangu ota na parai Ramba, tàka nggubulu-na na tana Amungu nanjadi-ya ngia pa-pawangu mbimbi. Ka pi-dimi-nggaka ba MIRI-ka Nyungga,’ wàna wàmunja,” wànangga.
6Napanii i MIRI Hupu Majangga, “Kapokukungu paku-aminya limami nyimi dàngu renja mbaha etimi. Ndai reki-aya na tana Ihirailu. 7Tuna nuduka napa hi kuwua-kai la banjaru dangu da maramba-nggai hi dawàhi-ha mbuu ndàba da mangumi. Ku-patàlaru halawàla kai nyimi, hi nda hau banjaru-akaipa dàngu hi nda ningu-mbupa tana wikimi. Ka pi-dimi-nggaka ba MIRI-ka Nyungga,” wàna.
Nanyura-ya rukuna na hukungu ndumana na Muapu
8Napanii i MIRI Hupu Majangga, “Napanii na Muapu#Da pa-haleli ndai da manda pirada: Muapu; Imbarani: Muapu dàngu Heyiru. ba hama biana dàngu da banjaru hawiangu na tau Yahunda. 9Tuna nuduka hi kumàta-nja ka na-kaluluku-nja muhu da paraingu ma-pahangindi-nja da padira tana Muapu, na-hanggàlu mbuha da paraingu ma-manandangu halawàla, nu: na Mbetu-Yehimutu, na Mbaàlu-Miungu dàngu na Kiriyataïmu. 10Napa kumàta-nja da kalibaru banjaru welingu la maràda telangu la pahunga lodu ka da-pakàku-ya na Muapu#Talànga wanguna na-njenjangu ningu-mapa ba tuna yia na ihina: Muapu; Imbarani: Amungu. dàngu na tana Amungu, hi nda hau banjaru-ayapa na Muapu. 11Napa kuhuku-nya na Muapu ka pi-duda-nggaka ba MIRI-ka Nyungga,” wàna.
Nanyura-ya rukuna na hukungu ndumana na Endumu
12Napanii i MIRI Hupu Majangga, “Mbàda wunda-naka njala bokulu na banjaru Endumu, ruku mbana etina hanggangu la Yahunda, ba na-pabelingu kiringu. 13Jia ba tuna bobaru-nggunyaka ba huku-nggunya napa na Endumu hi ku-pameti-ya nimbihu-na na tau dàngu nimbihu-na na banda lai nu. Nggubulu-na nuna na tana, piti welingu la parai Temàngu lundu la parai Ndendàngu, ku-pa-malinggitu halawàla-ya; na rayatu-na napa nameti la pa-hànjalungu. 14Na banjaru-nggu na Ihirailu jiaya napa na pa-pahuhuku-nggu pa-pabeli-nya kiringu na Endumu, tàka hi palua-nya lima na Endumu nunjuya na-mbàringu-na na hàngganggu. Napa napinya paraïna Endumu nggiki hamana ba nanjadi-ya ngia pa-orangu-na na hàngganggu. Nyungga yia MIRI Hupu Majangga mambàda panii,” wàna.
Nanyura-ya rukuna na hukungu ndumana na Pilitingu
15Napanii i MIRI Hupu Majangga, “Mbàda pa-belingu-daka kiringu wàngu mbana etida da tau Pilitingu hanggangu la muhu ndaida hi da-patàlaru-ha wàngu mbumbaru-na na karaü etida. 16Jia ba tuna bobaru-nggunyaka ba kaluluku-nggunja da tau Pilitingu hi ku-patàlaru-ha nyuda. Napa ku-pameti-ya nimbihu-na na tau na ma-ngiangu la hingi tehiku ngaba tau Pilitingu. 17Napa dira huku pambotu-ngguha nyuda dàngu ku-hanubuku-nya na kiringu-nggu lundu nahoda-ka. Jàka dapàda-nyaka na hàngganggu, pi-danggaka ba MIRI-ka Nyungga,” wàna.
Currently Selected:
YAHAKIALU 25: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
