YAHAKIALU 15
15
Na pangerangu ruku ai pola angguru
1I MIRI napanii-ngga, 2“Ha dumu tau nda payatangu, nggàraya na rihina na ai pola angguru welingu la ai hawiangu la omangu? Nggàraya na-pangia pinu wàna na pingi angguru welingu la pingi ai - pingi ai hawiangu la omangu? 3Pekuna ka pandoi-ya ngga - nggàra na aina? Pekuna ka tuya ngia pa-tiwalu ka tiwalungu paràma wàngu? 4Nda ningua linguna hinggilu-na ba tuya ai pa-mutungu. Tàka jàka da-mutungu ndàbaka da hupuna, dàngu jàka kalatu epiya na padua-na, ningupa-nu linguna? 5Ndia-a! Jiapa ba ndedi pamutu-nya nda peku-ana paila wànya. Ri - rihi-maka ba hàla pa-pamutu-nya dàngu ba na-pakehi-yaka epi!” wàna.
6Jia ba tuna napanii i MIRI Hupu Majangga, “Hama tuna na pola angguru paohu welingu la omangu hi pamutu-nya, tuna numbu na pawunda-nggunya na mangia-nya na Yeruhali! 7Napa kuhuku-nja nyuda. Jiapa ka mbàda luhuda welingu la epi, ba tuna epimai ma-patàlaru-ha nyuda. Ka pi-dimi-nggaka ba MIRI-ka Nyungga. 8Nyuda nda da-tuturu lai Nyungga, jia ba tuna, nuna na tana ku-panjadi-ya maràda telangu. Nyungga yia MIRI Hupu Majangga mbàda panii,” wàna.
Currently Selected:
YAHAKIALU 15: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
